Shukra Gochar 2020 / આજે શુક્ર કરશે વૃશ્વિક રાશિમાં ગોચર, આ 5 રાશિઓને થશે અપાર ધનલાભ

• શુક્રનો તુલાથી વૃશ્વિક રાશિમાં ગોચર
• આ 5 રાશિઓના જાતકોને મળશે શુભ પરિણામ
• શુક્રનો  ગોચર સવારે 5.04 મિનિટથી શરૂ થશે

 
વૃષભ

તમારા માટે શુક્ર મહત્વનો છે કેમકે તે તમારી રાશિનો સ્વામી ગ્રહ છે. આ ગોચર તમારા માટે અનેક સારા સમાચાર લઈને આવ્યો છે. જૂની બીમારીઓથી મુક્તિ મળશે. વ્યક્તિત્વ અને વાણીમાં આકર્ષણ વધશે. લોકો તમારી તરફ ખેંચાશે. આર્થિક રીતે તે લાભદાયી રહેશે. વ્યાપારમાં લાભ થશે અને સાથે જ સંબંધોમાં પ્રેમ વધશે. આ સમયે શત્રુઓથી સાવધાન રહો અને સમાજમાં લોકપ્રિયતા વધશે. પોતાના વ્યક્તિત્વને નિખારવાની કોશિશ કરી શકશો. 
 

કર્ક

આ ગોચરનો પ્રભાવ પ્રેમ સંબંધો પર પડશે અને જીવનસાથી સાથેના સંબંધો મજબૂત બનશે. એકમેક પ્રતિ માન, સ્નેહ અને લગાવ વધશે. પ્રેમ જીવનમાં માધુર્ય આવશે. આર્થિક સ્થિતિ પહેલાંથી મજબૂત બનશે. કલાત્મક અભિવ્યક્તિના માધ્યમથી આગળ વધી શકશો. સમાજમાં લોકપ્રિયતા વધશે. છૂપાયેલી પ્રતિભા વિકાસ પામશે. સુખ સમૃદ્ધિ વધશે અને માનસિક રીતે પ્રસન્ન રહેશો.

સિંહ

શુક્રનો ગોચર તમારી સુખ સમૃદ્ધિમાં વધારો કરશે. તમારી સુખ સુવિધાઓ વધશે. પરિવારમાં કોઈ નવો સામાન ખરીદી શકાય છે. પરિવારનો માહોલ સારો રહેશે અને ઘરની સજાવટ પર ધ્યાન આપી શકશો. કાર્યક્ષેત્રમાં વિકાસ અને ફાયદો થશે. આ સમયે પરિવારની આવક વધશે. સમાજમાં માન સન્માન વધશે અને સાથે ઘરમાં માગલિક કાર્યના યોગ પણ બની રહ્યા છે. 

તુલા

શુક્ર તમારી રાશિનો સ્વામી છે. આ માટે આ ગોચર તમારા માટે લાભદાયી રહેશે. તેનાથી ધનપ્રાપ્તિની ઈચ્છા પૂરી થશે અને સાથે ધનના સંયોગ બનશે. આર્થિક સ્થિતિમાં જલ્દી સુધારો આવશે. શુક્રનો ગોચર પરિવારમાં લાંબા સમયથી ચાલી રહેલી ચિંતાથી રાહત અપાવશે. આ સાથે પરિવાર પર ધ્યાન આપી શકશો અને નવા પગલાં પણ લઈ શકશો. આ સમય આનંદમાં વ્યતિત થશે. વ્યાપારમાં પણ મોટા લાભની શક્યતા છે. 

મકર

શુક્રનો ગોચર તમારી આવકને દિન દુગુની અને રાત ચૌગુની પ્રગતિ કરાવશે. દરેક ક્ષેત્રમાં તમને ફાયદો મળશે. આ સમયે તમારી મહાત્વાકાંક્ષાઓ પૂરી થશે અને સાથે આર્થિક સ્થિતિ પણ મજબૂત બનશે. આ ગોચર તમને ફાયદો કરાવશે. સંતાન સંબંધી ફાયદો મળવાની પણ શક્યતા છે. કોઈ પ્રેમ સંબંધમાં છો તો તમારા સંબંધોમાં ચિંતા દૂર થશે. વિદ્યાર્થીઓ માટે ઉત્તમ સમય છે. તમને તમારી મહેનતનું ફળ અચૂક મળશે.