IPL 2022નાં ફાઈનલ મુકાબલામાં ગુજરાત ટાઈટન્સનાં શુભમન ગિલે સિક્સર ફટકારીને પોતાની ટીમને ચેમ્પિયન બનાવી દીધી. રાજસ્થાન રોયલ્સની ટીમ પોતાની 14 વર્ષની રાહને પૂરી કરવા માંગતી હતી, તે હવે વધી ગઈ છે. ગુજરાતે પોતાની ડેબ્યૂ સિઝનમાં જ ઈતિહાસ રચ્યો છે અને આ મુમેન્ટ ગુજરાત માટે ઘણી સ્પેશિયલ રહી છે, કેમકે જ્યારે ગુજરાત ટાઈટન્સે ખિતાબ જીત્યો, ત્યારે 2011 વર્લ્ડકપની યાદ અપાવી દીધી. આમ કેમ, ચાલો સમજીએ.
રાજસ્થાન રોયલ્સે ફાઈનલ મેચમાં પહેલા બેટિંગ કરીને 130નો સ્કોર બનાવ્યો હતો. જવાબમાં ગુજરાત ટાઈટન્સે ટારગેટ સરળતાથી પ્રાપ્ત કરી લીધો. ગુજરાત ટાઈટન્સનાં શુભમન ગિલે સિક્સર ફટકારીને પોતાની ટીમને જીત અપાવી.
— depressed gill fan (@ceoofgilledits) May 29, 2022
શુભમન ગિલે ફટકારી વિનિંગ સિક્સ
અહી વર્લ્ડકપ 2022ની મુમેન્ટ રિક્રિએટ થઈ ગઈ, કેમકે શુભમન ગિલની જર્સીનો નંબર 7 હતો. આવો જ મહેન્દ્ર સિંહ ધોનીની જર્સીનો નંબર છે. બંનેએ ફાઈનલ મેચમાં સિક્સર ફટકારીને પોતાની ટીમને ચેમ્પિયન બનાવી હતી.
આ ઉપરાંત, હજુ એક સંયોગ એ પણ છે કે વિજેતા ટીમમાં આશિષ નેહરા અને ગેરી કર્સ્ટનની જોડી છે. 2011માં જ્યારે ટીમ ઇન્ડિયાએ વર્લ્ડકપ જીત્યો હતો, ત્યારે આશિષ નેહરા ટીમનો હિસ્સો હતા જ્યારે ગેરી કર્સ્ટન ટીમ ઇન્ડિયાનાં હેડ કોચ હતા, જ્યારે વિરોધી ટીમમાં કુમાર સંગકારા અને લસિથ મલિંગા હતા.
Number 7️⃣ jersey
Finishing with a 6️⃣
Gary and Nehraji celebrating 💙
Beating Sanga and Malinga's team 👊🏽
ભારતે શ્રીલંકા સામે 2011માં વર્લ્ડકપ જીત્યો હતો, જ્યારે ગુજરાત ટાઈટન્સે રાજસ્થાન રોયલ્સને માત આપી. કુમાર સંગકારા રાજસ્થાન રોયલ્સનાં ડાયરેક્ટર ઓફ ક્રિકેટ છે, જ્યારે લસિથ મલિંગા રાજસ્થાન રોયલ્સનાં ફાસ્ટ બોલિંગ કોચ છે.
જણાવી દઈએ કે હાર્દિક પંડ્યાની આગેવાનીમાં ગુજરાત ટાઈટન્સે પોતાનો પહેલો ખિતાબ જીત્યો. હાર્દિક પંડ્યા પહેલી વાર કોઈ ટીમની કેપ્ટન્સી કરી રહ્યા હતા, જ્યારે ગુજરાત ટાઈટન્સની આ આઈપીએલમાં ડેબ્યૂ સીઝન જ હતી. આવામાં ટીમે પહેલી જ સિઝનમાં ઈતિહાસ રચ્યો છે.
ફાઈનલમાં ગુજરાત ટાઈટન્સ માટે શુભમન ગિલ જ સૌથી વધારે રન બનાવનાર પ્લેયર રહ્યા, તેમણે 45 રન બનાવ્યા. પોતાની ટીમને વિનિંગ સિક્સ ફટકારીને ચેમ્પિયન બનાવી, શુભમન ગિલને ઝીરોનાં સ્કોર પર જ જીવનદાન મળ્યું હતું, જેનો તેમણે સંપૂર્ણ ફાયદો ઉઠાવ્યો.