એક્ટ્રેસ શ્રદ્ઘા કપૂરે મુંબઇ મેટ્રો માટે ઝાડ કાપવા સામે વિરોધ પ્રદર્શન કર્યુ.
શ્રદ્ઘા કપૂર ભારે વરસાદમાં રવિવારના ગોરેગાંવના અરે વિસ્તારમાં ઘણા લોકોની સાથે વિરોધ કરવા માટે પહોંચી. આ વિસ્તારમાં મુંબઇ મેટ્રોનું કામ થઇ રહ્યુ છે જેના માટે BMC એ લગભગ 2700 ઝાડ કાપવા માટે અનુમતિ આપી છે. એક્ટ્રેસ શ્રદ્ઘા કપૂરે રવિવારના 'સેવ અરે' લખેલુ ટી શર્ટ પહેરીની રસ્તા પર પહોંચી અને ત્યાં રહેલા લોકોની સાથે મળીને ઝાડ કાપવાનો વિરોધ કર્યો. શ્રદ્ઘા કપૂરે પોતાના ઑફિશ્યલ સોશ્યલ મીડિયા પર પણ ફોટો શૅર કરીને ઝાડ બચાવવા માટે અપીલ કરી.
શ્રદ્ઘા કપૂરે પોતાના ઇન્સ્ટાગ્રામ એકાઉન્ટ પર 'સેવ અરે' નામથી એક કેમ્પિન ચાલુ કર્યુ છે અને તેમાં વધારેમાં વધારે લોકો જોડાય તે માટે અપીલ કરી છે. શ્રદ્ઘાએ પોતાની ઇન્સ્ટાગ્રામ પોસ્ટની સાથે લખ્યુ કે, ''મારાથી શક્ય છે એટલુ કરી રહી છું. મેં ઇન્સ્ટાગ્રામ લાઇવ પણ કર્યુ જેમાં સ્પષ્ટ દેખાઇ રહ્યુ છે કે, મારા સાથે ઘણા લોકો છે.''
શ્રદ્ઘા કપૂરે આગળ લખ્યુ કે, ''મેટ્રો માટે 2700થી વધારે ઝાડ કાપી દેવામાં આવ્યા છે, આ ઘણું ચોંકાવનારુ છે. આપણે પર્યાવરણની સમસ્યાનો તો સામનો કરી રહ્યા છે. મુંબઇમાં પહેલાથી જ ઘણું પ્રદુષણ છે અને આટલા ઝાડો કાપવાની અનુમતિ કેવી રીતે આપી શકો? આપણે રોકવુ પડશે.''
પોતાની આ પહેલથી શ્રદ્ઘા કપૂર ચર્ચામાં છે. સોશ્યલ મીડિયા પર તેની પોસ્ટ ખૂબ જ વાયરલ થઇ રહી છે. શ્રદ્ઘાના આ પગલાના લોકો વખાણ કરી રહ્યા છે અને કહી રહ્યા છે કે પર્યાવરણ બચાવવા માટે અમે શ્રદ્ઘા કપૂર સાથે છીએ.