મધ્ય પ્રદેશના ઈંદૌરમાં એક હૈરાન કરનારો મામલો સામે આવ્યો છે. જ્યાં વિદ્યાર્થીએ મેડિકલ એક્ઝામમાં નકલ કરવા માટે થઈને તમામ હદ પાર કરી દીધી હતી અને સર્જરી કરાવીને બ્લૂટૂથને પોતાના કાનમાં જ ફીટ કરાવી દીધું હતું.
ઈંદૌરમાંથી એક હૈરાન કરનારો મામલો સામે આવ્યો
કોલેજની પરીક્ષામાં સર્જરી કરાવીને આવ્યો
બંને વિદ્યાર્થીઓની ધરપકડ થઈ
મધ્ય પ્રદેશના ઈંદૌરમાં એક હૈરાન કરનારો મામલો સામે આવ્યો છે. જ્યાં વિદ્યાર્થીએ મેડિકલ એક્ઝામમાં નકલ કરવા માટે થઈને તમામ હદ પાર કરી દીધી હતી અને સર્જરી કરાવીને બ્લૂટૂથને પોતાના કાનમાં જ ફીટ કરાવી દીધું હતું. હાલમાં આરોપી વિદ્યાર્થીને પકડી પાડવામાં આવ્યો છે અને કોલેજ પ્રશાસને બંને વિરુદ્ધ કેસ દાખલ કરવાની તૈયારી કરી રહ્યું છે.
શું છે મામલો
હકીકતમાં જોઈએ તો, ઈંદૌરની એમજીએમ મેડિકલ કોલેજમાં એમબીબીએસના વિદ્યાર્થીઓની ચાલી રહેલી પરીક્ષામાં લગભગ 65 મીનિટ બાદ કોલેજમાં જબલપુર મેડિકલ યુનિવર્સિટીની ગોપનીય ટીમે દરોડા પાડ્યા હતા. આ તપાસ દરમિયાન એક વિદ્યાર્થી પાસે મોબાઈલ ફોન મળી આવ્યો હતો, જ્યારે તેમણે મોબાઈલને લઈને કડકાઈ સાથે પૂછપરછ કરી તો, તેણે આ વાતનો ખુલાસો કર્યો. તેને સાંભળીને સૌ કોઈ હૈરાન રહી ગયા હતા.
બંને વિદ્યાર્થીઓની ધરપકડ
હકીકતમાં જોઈએ તો, આ વિદ્યાર્થીએ સર્જરી કરાવીને બ્લૂટૂથને કાનમાં ફિટ કરાવ્યું હતું. આવું તેણે એટલા માટે કર્યું કે, જેથી કોઈને બ્લૂટૂથ દેખાય નહીં. વિદ્યાર્થીએ જણાવ્યું કે, તેના અન્ય એક સાથીએ પણ માઈક્રો પણ ડિવાઈસ લગાવેલું છે. જે બાદ યુનિવર્સિટીની ટીમે આ વિદ્યાર્થીની ધરપકડ કરી હતી.
કોલેજ પ્રશાસનની લાપરવાહી સામે આવી
જ્યારે આ પ્રકારના મામલાથી કોલેજ પ્રશાસનની બેજવાબદારી પણ સામે આવી છે. હકીકતમાં જે રૂમમાંથી વિદ્યાર્થીને પકડવામાં આવ્યો, ત્યાં 20 વિદ્યાર્થીઓ પર ફક્ત એક મહિલા ટીચર નીરિક્ષક હતા. નિયમઅનુસાર ડ્યૂટી પર એક મહિલા ટીચર અને એક પુરુષ ટીચર હોવા જોઈએ. કારણ કે નીરિક્ષકમાં ફક્ત એક મહિલા જ હતી, તેથી વિદ્યાર્થીઓને તપાસવામાં બેજવાબદારી વર્તાઈ અને તેના કારણે વિદ્યાર્થીઓ ક્લાસમાં મોબાઈલ લઈને આવ્યા.
ડોક્ટરની પણ પૂછપરછ
આપને જણાવી દઈએ કે, પકડાયેલા બં ને વિદ્યાર્થીઓ દેવી અહિલ્યા યુનિવર્સિટીના મેડિકલ કોલેજના છે. આ મેડિકલ કોલેજ 4 વર્ષ પહેલા જબલપુરની મેડિકલ યુનિવર્સિટીમાં શિફ્ટ થઈ ચુકી છે. પકડાયેલા વિદ્યાર્થીઓની ફાઈનલ એક્ઝામ હતી, તો વળી આ વિદ્યાર્થીઓના કાનમાં બ્લૂટૂથ ફીટ કરનારા ડોક્ટરની પણ તપાસ થઈ રહી છે.