પાકિસ્તાનના ભૂતપૂર્વ ફાસ્ટ બોલર શોએબ અખ્તર વિરેન્દ્ર સહેવાગ પર કટાક્ષ કરતાં કહ્યું કે, પૂર્વ ભારતીય ઓપનરના માથાના વાળ કરતાં તેની પાસે માલ (પૈસા) વધારે છે. આને વિરેન્દ્ર સહેવાગની અગાઉની ટિપ્પણીના જવાબ તરીકે જોવામાં આવી રહ્યું છે જેમાં તેણે કહ્યું હતું કે, શોએબ અખ્તર ભારતીય ક્રિકેટ અને તેના ક્રિકેટરોની ખૂબ પ્રશંસા કરે છે કારણ કે, તે વધુને વધુ પૈસા કમાવવા માંગે છે.
શોએબ અખ્તરે વિરેન્દ્ર સહેવાગ પર કર્યો કટાક્ષ
શોએબે તેની યૂટ્યૂબ ચેનલ પર સહેવાગ પર સાધ્યું નિશાન
અખ્તરે કહ્યું, હું ફક્ત યૂટ્યુબ માટે પ્રખ્યાત નથી
'રાવલપિંડી એક્સપ્રેસ' તરીકે જાણીતા શોએબ અખ્તરે તાજેતરમાં તેની યૂટ્યુબ ચેનલ પર પોસ્ટ કરેલા એક વીડિયોમાં કહ્યું છે કે, 'તમારા માથા પર જેટલા વાળ છે તેના કરતાં વધુ મારી પાસે માલ (પૈસા) છે. જો તમે આ વાત સ્વીકારી નથી શકી રહ્યાં કે મારાં આટલા ફોલોઅર્સ છે તો આ વાતથી સમજો. મને શોએબ અખ્તર બનવામાં 15 વર્ષ થયા. હા! મારા ભારતમાં મોટા ચાહકો છે, પરંતુ જ્યારે ઓસ્ટ્રેલિયા સામેની પ્રથમ વનડે મેચમાં ભારતીય ટીમનું પ્રદર્શન સારું નહોતું રહ્યું, ત્યારે મેં ટીમની ટીકા પણ કરી હતી.
સહેવાગે કહ્યું, અખ્તર પૈસા કમાવવા માટે ભારતની પ્રશંસા કરે છે
સેહવાગ વિશે વાત કરતાં શોએબ અખ્તરે કહ્યું, 'હું એક વીડિયો જોઈ રહ્યો હતો, જેમાં સેહવાગ મજાકથી કહે છે કે, હું (શોએબ) પૈસા કમાવવા માટે ભારતની પ્રશંસા કરું છું... પણ હું તેને જવાબ આપવા માંગુ છું કે, ભારતમાં મારા ચાહકો છે. જ્યારે હું બાંગ્લાદેશ જઉં છું, ત્યારે મને જોવા માટે ટ્રાફિક જામ થઈ જાય છે, ઓસ્ટ્રેલિયામાં હું 10 સેકંડ પણ એકલો નથી રહી શકતો, ચાહકો મને ઘેરી લે છે. તેથી, હું જણાવી દઉં કે, સેહવાગ તમારા માથા પર જેટલા વાળ નથી તેના કરતાં પણ વધુ મારી પાસે માલ છે.
મુંબઈમાં પ્રથમ વનડેમાં 10 વિકેટ ગુમાવ્યા બાદ શોએબ અખ્તરે વિરાટ કોહલીની ટીમ ઈન્ડિયામાં વાપસી કરવા બદલ વખાણ કર્યા હતા. તેણે કોહલીને તેની યૂટ્યુબ ચેનલ (Shoaib100mph) પર ' એક અસાધારણ નેતૃત્વકર્તા' ગણાવ્યા હતા, કારણ કે તે ક્યારેય હાર માનતો નથી.
અખ્તરે કહ્યું, હું ફક્ત યૂટ્યુબ માટે પ્રખ્યાત નથી
44 વર્ષીય અખ્તરે કહ્યું, 'જ્યારે હું ક્રિકેટ સંબંધિત બાબતો પર પોતાનો અભિપ્રાય આપું છું, ત્યારે મને સમજાતું નથી કે લોકોને મારી સાથે શું સમસ્યા છે. હું 15 વર્ષથી પાકિસ્તાન માટે રમું છું, હું ફક્ત યૂટ્યુબ માટે પ્રખ્યાત નથી. હું વિશ્વનો સૌથી ઝડપી બોલર હતો.
શોએબ અખ્તરે કહ્યું, 'મને ફક્ત એક પાકિસ્તાની યૂટ્યુબરનું નામ જણાવો, જે ભારતની પ્રશંસા નથી કરતો, જ્યારે તેમની ટીમ સારું પ્રદર્શન કરે છે. રમીઝ રાજા, શાહિદ આફ્રિદી ભારતીય ટીમની પ્રશંસા કરે છે. મને એક વાત કહો - શું તે યોગ્ય નથી કે 'મેન ઇન બ્લૂ' ખરેખર વિશ્વમાં નંબર -1 છે, શું એ કહેવું યોગ્ય નથી કે, કોહલી વિશ્વના નંબર -1 બેટ્સમેન છે.'