ધર્મ / દરેક મનોકામનાને ભગવાન શિવ સુધી પહોંચાડે છે નંદી, પરંતુ ઈચ્છા કહેતા પહેલા આ વાતોનું રાખો ધ્યાન

• નંદી એ ભગવાન શિવનું વાહન છે
• ભગવાન શિવને ખૂબ જ પ્રિય છે નંદી 
• તેમના કામમાં ઈચ્છા કહેવાથી શિવ કરે છે તેને પુરી 

જેમ દેવી દુર્ગાનું વાહન સિંહ, ભગવાન વિષ્ણુનું વાહન ગરુડ, ભગવાન ઇન્દ્રનું વાહન હાથી ઐરાવત, એ જ રીતે નંદી ભગવાન શિવનું વાહન છે. હિંદુ દેવી-દેવતાઓની જેમ સનાતન પરંપરામાં દરેક દેવી-દેવતાઓના વાહનોનું પણ પોતાનું ધાર્મિક મહત્વ છે. મંદિરોમાં ઘણીવાર જોવા મળે છે કે મંદિરની અંદર ભોલેનાથના દર્શન કરતા પહેલા બહાર નંદીના દર્શન કરવામાં આવે છે. 

ભોલેનાથ પહેલા કરવામાં આવે છે નંદીના દર્શન 
ભક્તો પહેલા નંદીના દર્શન કરે છે અને પછી ભોલેનાથના દર્શન થાય છે. ભગવાન શિવનું વાહન નંદી સખત મહેનતનું પ્રતીક છે. મંદિરમાં નંદીની મૂર્તિ ભગવાન શિવ તરફ મુખ રાખીને રાખવામાં આવે છે. હિન્દુ ધર્મમાં એવું માનવામાં આવે છે કે નંદી ભગવાન શિવને ખૂબ જ પ્રિય છે. એવી પણ માન્યતા છે કે જો નંદીના કાનમાં કોઈ ઈચ્છા કહેવામાં આવે તો તે ઈચ્છા પૂર્ણ થાય છે. 

આ કારણે નંદીના કાનમાં કહેવામાં આવે છે ઈચ્છા 
જ્યારે પણ આપણે મહાદેવના મંદિરે જઈએ છીએ ત્યારે આપણી નજર શિવલિંગ સમક્ષ ઉભેલા નંદી પર પડે છે. ભક્તો ભોલેનાથ સાથે નંદીના દર્શન કરે છે. ભક્તો નંદીના કાનમાં તેમની ઈચ્છા બોલે છે. નંદીના કાનમાં ઈચ્છા કહેવાની પરંપરા બહુ જૂની છે. 

હિન્દુ ધર્મમાં એવી માન્યતા છે કે ભગવાન શિવ ઘણીવાર તપસ્યામાં લીન હોય છે. આવી સ્થિતિમાં નંદી ભક્તોની મનોકામનાઓ સાંભળે છે અને શિવજીની તપસ્યા પૂર્ણ થયા પછી તેમને ભક્તોની મનોકામનાઓ કહે છે. ત્યાર બાદ ભગવાન પોતાના ભક્તોની મનોકામના પૂર્ણ કરે છે.

મનોકામના કહેતા પહેલા આ વાતનું ધ્યાન રાખો
જ્યારે તમે નંદીના કાનમાં કંઇક બોલો ત્યારે ધ્યાન રાખો કે તમારી વાત કોઇ સાંભળી ન શકે. તમારા હાથને તમારા હાથોથી ઢાંકો અને તેમને ઇચ્છા જણાવો. યાદ રાખો નંદીના કાનમાં કંઈ બોલતા પહેલા તમારે નંદીની પૂજા કરવાની છે. પછી નંદીના જમણા કાનમાં વિશ્વાસ સાથે તમારી ઈચ્છા કહો. ભગવાન શિવ તમારી મનોકામના ચોક્કસપણે પૂર્ણ કરશે.