પોતાની પત્ની મહિલા નથી પરંતુ પુરુષ છે તેથી છૂટાછેડાની ધા નાખતી એક અરજી પતિએ સુપ્રીમ કોર્ટમાં કરી છે.
સુપ્રીમમાં પહોંચ્યો વિચિત્ર કેસ
પતિએ કહ્યું,મારી પત્ની મહિલા નથી
મર્દ છે, મને છુટાછેડા અપાવો
લગ્ન બાદ જ્યારે પતિને ખબર પડે કે તેની પત્ની મહિલા નથી અને તેને પુરુષો જેવા પ્રાઈવેટ પાર્ટ છે ત્યારે પતિની શું હાલત જે જરા કલ્પી લો.ભારે આઘાત લાગવો વ્યાજબી છે અને આવી સ્થિતિમાં પતિનું જીવન નર્કાગાર બની જતું હોય છે. ક્યારેય સુપ્રીમ કોર્ટમાં એવા એવા કેસ આવી જતા હોય છે કે શું ચુકાદો આપવો તે કોર્ટ નક્કી નથી કરી શકતી. ઘણી વાર કોર્ટ પણ મૂંઝવણમાં પડી જતી હોય છે આવા કેસમાં શું ચુકાદો આપવો.મધ્યપ્રદેશના ગ્વાલિયર શહેરમાંથી આવો જ એક હેરાનકરી મૂકે તેવો કેસ આવ્યો છે.
પત્નીને છે પ્રાઈવેટ પાર્ટ
આવા જ એક કિસ્સામાં મધ્યપ્રદેશના ગ્વાલિયરમાં રહેતા એક પતિએ સુપ્રીમ કોર્ટમાં અરજી કરીને આરોપ મૂક્યો કે તેની પત્ની મહિલા નથી અને તેને પુરુષ જેવા પ્રાઈવેટ પાર્ટ છે અને તેથી મારે છૂટાછેડા જોઈએ છે પતિનું કહેવું છે કે આવી સ્થિતિમાં તે પત્ની સાથે કેવી રીતે જીવન પસાર કરી શકે. અરજદાર પતિએ સુપ્રીમને એવી પણ જાણ કરી કે પત્નીએ મારી સાથે છેતરપિંડી આચરી હતી અને ખોટી રીતે લગ્ન કર્યાં છે તેથી તેની સામે ગુનાહિત કાર્યવાહી થવી જોઈએ.
શું છે કેસ
અરજદાર પતિની રજૂઆત અનુસાર, 2016માં તેમના લગ્ન થયા હતા.અરજદારે જણાવ્યું કે લગ્ન બાદ પત્ની શારીરિક સંબંધ બાંધવા દેવાની વારંવાર ના પાડતી હતી. થોડા દિવસ તો પતિએ આ સહન કર્યું પરંતુ એક દિવસ તેને શંકા પડતા તે પત્નીને લઈને દવાખાને ગયો હતો અને ત્યાં રિપોર્ટમાં પત્નીના શરીરમાં પુરુષોના પ્રાઈવેટ પાર્ટ જણાતા પતિના પગ નીચેથી જમીન સરકી ગઈ હોય તેવો આઘાત લાગ્યો હતો.
બન્ને વચ્ચે શારીરિક સંબંધ શક્ય નથી,બાળકો પણ નહીં થાય
પતિ પત્નીને લઈને ડોક્ટર પાસે ગયો હતો. ડોક્ટરે પત્નીના રિપોર્ટ પણ કર્યાં હતા. ડોક્ટરોએ પતિને કહ્યું હતું કે તેમની પત્નીને એક પ્રકારની મેડિકલ કન્ડીશન છે જેમાં મહિલાઓના શરીરમાં પુરુષોના પ્રાઈવેટ પાર્ટ જોવા મળતા હોય છે અને આને કારણે તેમની વચ્ચે સંબંધો શક્ય નથી એટલું જ નહીં પરંતુ તેઓ ભવિષ્યમાં બાળકો પણ પેદા નહીં કરી શકે. જો તેઓ બાળકો પેદા કરવા માગતા હોય અને શારીરિક સંબંધ રાખવા માગતા હોય તો પત્નીની સર્જરી કરાવીને પુરુષના પ્રાઈવેટ પાર્ટ દૂર કરવા પડશે.
મહિલાઓમાં પુરુષોમાં પ્રાઈવેટ પાર્ટ ઉગવા શું છે સ્થિતિ
ડોક્ટરોના જણાવ્યાનુસાર ભાગ્યે જ જોવા મળતી આ એક પ્રકારનો શારીરિક વિકાર છે જેમાં મહિલાઓને ગર્ભાશય, ઓવરી તો હોય છે પરંતુ સાથે સાથે બાળક જેવું લિંગ પણ ઉગતું હોય છે તેથી તે સંબંધ બાંધી શકતી નથી અને બાળકો પણ પેદા કરી શકતી નથી.
સુપ્રીમે પત્નીને નોટીસ આપીને જવાબ માગ્યો
સુપ્રીમ કોર્ટે ગ્વાલિયરના પતિની આ અરજી ધ્યાનમાં લઈને પત્નીને નોટીસ આપીને તેની પાસેથી જવાબ માગ્યો છે.