રાજકારણ / મિશન 2024: શરદ પવારે આપી જીતની ફોર્મ્યુલા: કહ્યું વિપક્ષ આ કામ કરશે તો હારશે મોદી સરકાર

• શરદ પવારે વિપક્ષને આહ્વાન કર્યું
• 2024ની ચૂંટણીમાં જીતવા માટે ફોર્મ્યુલા બતાવી
• મોદી સરકાર પર કર્યા આકરાં પ્રહાર

શરદ પવારે 2024ની લોકસભા ચૂંટણીને લઈને મોટી વાત કરી હતી. તેમણે મિશન 2024 માટે જીતની ફોર્મ્યુલા આપી છે. તેમણે કહ્યું કે, 2024ની ચૂંટણી વિપક્ષી પાર્ટીઓ સાથે મળીને લડી શકે છે. તેમણે કહ્યું કે, વિપક્ષી પાર્ટીઓ કાર્યક્રમો અંતર્ગત એકજૂટ થઈ શકે છે. હકીકતમાં જોઈએ તો, શરદ પવાર મોદી સરકાર વિરુદ્ધ વિપક્ષને એકજૂટ કરવામાં લાગેલા છે. આ જ ક્રમમાં તેમણે હાલમાં નિવેદન આપ્યું છે.  

તેમનું આ નિવેદન એવા સમયે સામે આવ્યું છે જ્યારે તેમણે એવું કહેતા ખુદ પ્રધાનમંત્રીની રેસમાંથી બહાર કરી દીધા હતા કે દેશની સત્તાની કોઈ જવાબદારી આગળથી તેઓ સ્વિકારશે નહીં અને તેમની આવી કોઈ ઈચ્છા પણ નથી. તેમણે એવું પણ કહ્યું હતું કે, કેન્દ્રના દમનની વિરુદ્ધ તેઓ તમામ વિપક્ષી પાર્ટીઓને એકજૂટ કરવાનું કામ કરશે. 

તેમણે એવું પણ કહ્યું કે, તેમને એ નથી ખબર કે તેમની આંગળી પકડનારા દેશ પર આવી રીતે ભારે પડશે. હકીકતમાં તેમને એ સવાલ કરવામાં આવ્યો હતો કે, નરેન્દ્ર મોદીએ બારામતીમાં કહ્યું હતું કે, તેઓ શરદ પવારની આંગળી પકડીને રાજનીતિમાં આવ્યા. આ જ સવાલ પર પવારે જવાબ આપ્યો હતો. શરદ પવારે મોદી સરકાર પર પ્રહાર કરતા કહ્યું કે, મોદી સરકાર જ્યારથી સત્તામાં આવી છે, એક પણ વચન પુરુ કર્યુ નથી. શરદ પવારે કહ્યું હતું કે, વિપક્ષી પાર્ટીઓ સાથે લાવવા અને ભાજપ વિરુદ્ધ જનમત તૈયાર કરવા માટે રાષ્ટ્રીય સ્તર પર પ્રયાસ થઈ રહ્યા છે. હું ફક્ત ભાજપ વિરુદ્ધ જનમત ઊભો કરવા માટે વિપક્ષી દળોને સાથે લાવવાની કોશિશ કરીશ.