સ્પોર્ટ્સ / પહેલો પ્રેમ ગુમાવ્યા બાદ વૉટ્સનને આ ઍન્કર સાથે પહેલી નજરમાં જ થઈ ગયો હતો પ્રેમ

• પ્રેમ માત્ર એકવાર નથી થતો
• શેન અને લી છે ગોલ્ડન કપલ
• ક્રિકેટ અને પ્રેમ બંનેમાં અવ્વલ 

વૉટસન તે સમયે ઓસ્ટ્રેલિયા ક્રિકેટના વંડરબોય હતા, તેમની બૅટિંગ ધમાકેદાર હતી પરંતુ તે અંદરથી તૂટેલા હતા કારણકે તેમની ગર્લફ્રેન્ડે તેમને છોડીને બીજા કોઇ સાથે લગ્ન કરી લીધા હતા. લી તે સમયે ફોક્સ સ્પોર્ટ્સ ચેનક પર ફૂટબોલનો મશહૂર પ્રોગ્રામ હોસ્ટ કરતી હતી. તે સિવાય તે સ્પોર્ટ્સ ઇવેન્ટ કવર કરતી હતી. ખેલાડીઓ સાથે ઉઠવુ બેસવુ અને પાર્ટીઓ કરવી તેની માટે સામાન્ય વાત હતી. કહેવામાં આવતુ હતુ કે મોટા મોટા ખેલાડીઓ લી પાસે આવવા માટે બહાના શોધતા હતા. તે સમયે બ્રેટ લી વૉટસનની સૌથી નજીક હતો અને બ્રેટ લીની પત્નીએ જ તેને લી સાથે મુલાકાત કરાવી હતી. 

પહેલી મુલાકાત બાદ એક જ મહિનામાં તે બંનેએ એકબીજાને ડેટ કરવાનું શરૂ કરી દીધુ હતું. જાહેરસ્થળોએ એકબીજા સાથે જોવા મળતા હતા પરંતુ બંનેએ ખુલીને કોઇ વાત મિડીયામાં નહોતી કરી તે બંને શ્યોર થવા માંગતા હતા. બાદમાં જ્યારે એવુ લાગ્યુ કે તેઓ એકબીજા માટે જ બન્યા છે ત્યારે તેમણે તેમનો સંબંધ જાહેર કરી દીધો હતો.

શેન વૉટસન અને લી 2006માં એકબીજાને ડેટ કરી રહ્યાં હતા અને એ જ વર્ષે તેમણે લગ્ન કરી લીધા હતા. લગ્ન પહેલા જ એક વોટીંગ દરમિયાન લીને દુનિયાની નંબર વન ક્રિકેટર વાઇફ અને ગર્લફ્રેન્ડ સાબિત કરી દેવામાં આવી હતી. બંનેએ ઓસ્ટ્રેલિયાની શાનદાર હોટલમાં લગ્ન કર્યા પરંતુ તેમાં લિમિટેડ લોકો જ ઇન્વાઇટેડ હતા. 

લગ્ન પહેલા એક ઇન્ટરવ્યૂમાં લીએ જણાવ્યું હતું કે, તેને તેની જોબથી ખૂબ જ પ્રેમ છે અને જ્યારે શૉમાં શેનનું નામ આવે છે ત્યારે તેના ચહેરા પર એક અલગ ચમક જોવા મળે છે. હાલમાં લી એક મેનેજમેન્ટ કંપનીનું પ્રબંધન સંભાળે છે. કપલને બે બાળકો છે દિકરાનું નામ વિલ અને દીકરીનું નામ માટિલ્ડા છે. વૉટસન પહેલા લી એક વધુ સ્પોર્ટ્સ પર્સનને ડેટ કરી ચૂકી હતી.