ક્રાઈમ / બેશરમ કપલ, બાળકોની સામે ચગદોળ પર બાંધ્યો શારીરિક સંબંધ, પકડાયા તો એવું બહાનું કાઢ્યું કે માથું ઘુમી ગયું

• એમ્યુઝમેન્ટ પાર્કમાં એક કપલની શરમજનક હરકત
• ચાલુ ચગદોળે બાંધ્યો શારીરિક સંબંધ 
• નીચે બેઠા સગીર બાળકો 
• અમેરિકાના ઓહિયા એમ્યુઝમેન્ટ પાર્કની શરમજનક ઘટના 

અમેરિકામાં જાહેરમાં અશ્લીલ હરકત લોકો માટે નવી નથી, ત્યાં આવું બધું થવું સામાન્ય છે પરંતુ ભારતમાં આવી ઘટનાની મોટી અસર પડતી હોય છે. અમેરિકાના ઓહિયો સ્ટેટના એક એમ્યુઝમેન્ટ પાર્કમાં ચાલુ ચગદોળે એક કપલ રોમાન્સ કરવા લાગ્યું હતું એટલું જ નહીં પરંતું રોમાન્સ કરતા કરતા કપલ ભાન ભૂલ્યું હતું અને તેઓ ચગદોળ પર જ સેક્સ માણવા લાગ્યાં હતા. કપલને આજુબાજુનું જરા પણ ભાન ન રહ્યું અને તેઓ લગભગ 15 મિનિટ સુધી આવું કરતા રહ્યાં હતા. આ ઘટના બની ત્યારે આખુ ચગદોળ ભરેલું હતું અને ફરતુ હતું. કપલની નીચે કેટલાક સગીર બાળકો પણ બેઠા હતા. ચગદોળ પર અશ્લીલ કામ કરનાર કપલની પોલીસે ધરપકડ કરી લીધી છે. 

 ફેરિસ વ્હીલ બાંધ્યો શારીરિક સંબંધ 
ચાર સાક્ષીઓએ પોલીસને જણાવ્યું હતું કે તેઓએ એક દંપતીને ફેરિસ વ્હીલ પર સંબંધ બાંધતા જોયા હતા. આ ઘટના અમેરિકાના ઓહિયોના સીડર પોઇન્ટ એમ્યુઝમેન્ટ પાર્કની છે. આ સાક્ષીઓમાંથી બે સગીર વયના છે. તે બંને દંપતીની નીચેના ચોગઠામાં હતા. 
ઉલ્લેખનીય છે કે આ રાઈડ 145 ફૂટની ઉંચાઈ સુધી જાય છે. આ ઘટના 14 ઓગસ્ટ, રવિવારની છે. ડબલ્યુબીએનએસને મળેલા પોલીસ રિપોર્ટ મુજબ પોલીસ સાર્જન્ટ અને સુરક્ષા અધિકારીઓએ ડેવિડ ડેવિસ અને હિથર જ્હોનસ્ટનને પકડી લીધા હતા. આ પછી સેન્ડસ્કી પોલીસ ડિપાર્ટમેન્ટને ત્યાં બોલાવવામાં આવ્યું હતું.

કપલે પહેલા સેક્સના આરોપ નકાર્યા પછીથી કબૂલાત કરી 
પોલીસની સામે આ કપલે પહેલા તો પોતાના પર લાગેલા આરોપોને નકારી કાઢ્યા હતા. રિપોર્ટ અનુસાર, 32 વર્ષીય હીથરે પોલીસને જણાવ્યું હતું કે તેણે ડ્રેસની અંદર શોર્ટ્સ પહેર્યા હતા અને ચગદોળની સવારી વખતે સિગારેટનું પેકેટ પડી ગયું હતું. 24 વર્ષીય ડેવિડ તેમને સિગારેટનું પેકેટ ઊંચકવામાં મદદ કરી રહ્યો હતો. જો કે થોડા સમય બાદ કપલે માની લીધું કે તેઓ સ્વિંગમાં સેક્સ સંબંધ બાંધી રહ્યાં હતા. તેમના આરોપ બાદ પોલીસ બન્નેની ધરપકડ કરી લીધી હતી.