7 સપ્ટેમ્બરના રોજ મીરા રાજપૂતે તેનો 28મો જન્મદિવસ સેલિબ્રેટ કર્યો હતો અને તેના જન્મદિવસને શાનદાર બનાવવા માટે પતિ શાહિદ કપૂરે એક શાનદાર પાર્ટીનું આયોજન કર્યું હતું.
7 સપ્ટેમ્બરના રોજ મીરા રાજપૂતે તેનો 28મો જન્મદિવસ સેલિબ્રેટ કર્યો હતો
પાર્ટીમાંથી શાહિદનો એક વીડિયો વાયરલ થઈ રહ્યો છે.
શાહિદ સાથે તેનો ભાઈ ઈશાન પણ જોવા મળ્યો
બૉલીવુડના સૌથી ક્યૂટ કહેવાતા કપલ શાહિદ કપૂર અને મીરા રાજપૂત વચ્ચેની કેમિસ્ટ્રી દરેક લોકોને પસંદ છે. અવારનવાર બંનેના વિડીયો અને તસવીરો ઈન્ટરનેટ પર વાયરલ થતી રહે છે. જણાવી દઈએ કે 7 સપ્ટેમ્બરના રોજ મીરા રાજપૂતે તેનો 28મો જન્મદિવસ સેલિબ્રેટ કર્યો હતો અને તેના જન્મદિવસને શાનદાર બનાવવા માટે બૉલીવુડના ચોકલેટ બોય અને તેના પતિ શાહિદ કપૂરે એક શાનદાર પાર્ટીનું આયોજન કર્યું હતું. એ પાર્ટીમાં તેના પરિવારના સભ્યોથી લઈને મિત્રો અને ઘણા બોલિવૂડ સ્ટાર્સે હાજરી આપી હતી. હાલ જ એ પાર્ટીમાંથી શાહિદ અને મીરાનો એક વીડિયો વાયરલ થઈ રહ્યો છે. લોકોને વિડીયોમાં નજર આવતો શાહિદનો અંદાજ અને તેનો ડાન્સ ઘણો પસંદ આવી રહ્યો છે.
શાહિદ સાથે તેનો ભાઈ ઈશાન પણ જોવા મળ્યો
વાયરલ થયેલ એ વિડીયોમાં શાહિદ કપૂર પોતાના ડાન્સ મૂવ્સથી ડાન્સ ફ્લોર પર ધૂમ મચાવતો જોવા મળી રહ્યો હતો. આ વિડીયોમાં શાહિદ સાથે તેનો ભાઈ એક્ટર ઈશાન ખટ્ટર પણ જોવા મળ્યો હતો. વીડિયોના બેકગ્રાઉન્ડમાં શોલે ફિલ્મનું સુપરહિટ ગીત 'યે દોસ્તી હમ નહીં તોડેંગે' વાગી રહ્યું છે અને એ ગીત પર બંને ભાઈઓ ડાન્સ કરતા જોવા મળ્યા હતા. આ સિવાય કુણાલ ખેમુ પણ વીડિયોમાં ઈશાન સાથે ભાંગડા કરતો જોવા મળ્યો હતો.
વાયરલ વિડીયો
આ વીડિયો શાહિદ કપૂરે જ તેના ઈન્સ્ટાગ્રામ હેન્ડલ પર શેર કર્યો હતો અને તેના કેપ્શનમાં લખ્યું હતું, ‘પાર્ટી’. શાહિદ કપૂરની આવી સ્ટાઈલ જોઈને તેના ફેન્સ ખૂબ જ ખુશ થઈ ગયા હતા અને વીડિયોને લાઈક કરવાની સાથે સતત કોમેન્ટ પણ કરી રહ્યા છે. આ સહિત ઘણા બૉલીવુડ એક્ટર પણ તેમના આ વિડીયો પર કોમેન્ટ કરી રહ્યા છે. હાલ આ વિડીયો ઘણો વાયરલ થઈ રહ્યો છે.