નિવેદન / કોરોના સંકટ: દવાના નિકાસ પર ટ્રમ્પની ધમકીનો શશી થરૂરે આપ્યો જવાબ, કહ્યું મિસ્ટર પ્રેસિડેન્ટ...

• શશી થરૂરે ટ્વીટર પર ડોનાલ્ડ ટ્રમ્પને આપ્યો જવાબ 
• ડોનાલ્ડ ટ્રમ્પે કહ્યું હતું જો ભારત દવા ન આપે તો જવાબ આપીશું 
• ટ્રમ્પના નિવેદન બાદ ભારતે દવાની નિકાસ પરનો પ્રતિબંધ હટાવ્યો 

ડોનાલ્ડ ટ્રમ્પને જવાબ આપતાં થરૂરે ટ્વીટ કરીને કહ્યું, વૈશ્વિક મામલામાં દાયકાઓના અનુભવમાં ક્યારેય કોઈ દેશના પ્રમુખને અન્ય દેશને આ રીતે ધમકી આપતાં નથી જોયા. મિસ્ટર પ્રેસિડેન્ટ, ભારત હાઈડ્રોકસીક્લોરીક્વીનનું ઉત્પાદન પોતાના માટે કરે છે. ભારત જયારે તમને આ દવા આપવાનો નિર્ણય કરે તે બાદ તે તમારા માટે આપૂર્તિનો વિષય બને છે. 

વ્હાઈટ હાઉસમાં બ્રીફિંગ દરમિયાન ડોનાલ્ડ ટ્રમ્પે કહ્યું હતું કે ભારત સાથે સારી વાતચીત ચાલી રહી છે અને ભારત દવા પર રોક લગાવે તેવી કોઈ સંભાવના દેખાતી નથી. તેમણે કહ્યું હતું કે મેં નરેન્દ્ર મોદી સાથે વાત કરી છે. તે હાઈડ્રોકસીક્લોરીક્વીન મોકલાવે તે ખૂબ સારી વાત કહેવાય અને જો તે આના માટે મંજુરી નથી આપતાં તો પણ ઠીક છે પરંતુ અમે તેનો જવાબ આપીશું. 

નોંધનીય છે કે ટ્રમ્પના આ નિવેદનનાં થોડા સમય બાદ જ ભારતે દવા ઓ પર લગાવેલ પ્રતિબંધ હટાવી દીધો હતો. ભારત સરકાર દ્વારા કહેવામાં આવ્યું હતું કે મહામારી સામે લડવા માટે ભારત તે દેશોમાં દવા મોકલાવશે જે મહામારીના કારણે ખરાબ હાલતમાં છે. ભારત તેના પાડોશી દેશો જે ભારત પર જ નિર્ભર છે તેવા દેશોની પણ મદદ કરશે. ભારત હાઈડ્રોકસીક્લોરીક્વીન અને પેરાસીટામોલની આપૂર્તિ કરાવશે.