સેશલ્સના રાષ્ટ્રપતિ આવશે ભારતની મુલાકાતે નેવલ બેઝ સમજૂતી કરી રદ

આફ્રિકી દેશ સેશલ્સના રાષ્ટ્રપતિ ડૈની ફૉરેને 25જૂને ભારતની યાત્રાની તૈયારીઓ ચાલી રહી છે. ત્યારે બીજી તરફ સેશલ્સે ભારત સાથે પોતાના ભારત સાથેની અસમ્પશન આઈલેન્ડ પર નેવલ બેઝ સ્થાપવાની સમજુતી રદ કરી છે. ડેની ફૉરે જણાવ્યું કે તેઓ ભારતના પ્રવાસ દરમિયાન પ્રધાનમંત્રી નરેન્દ્ર મોદી સાથે આ મુદ્દે કોઈ જ ચર્ચા નહીં કરે.

સેશલ્સનું આ પગલું ભારત માટે એક રીતે ભારતના કૂટનૈતિક પ્રયાસની નિષ્ફળતાના રૂપમાં જોવામાં આવી રહ્યું છે. સેશલ્સ દ્વારા સૈન્ય મથકની સમજૂતી રદ કરવાના કારણે ચીનને કાઉન્ટર કરવા માટે સામરીક ક્ષેત્રે પોતાનો પગ પેસારો કરવાની ભારતની કવાયતને આંચકો લાગ્યો છે. 

સેશલ્સના રાષ્ટ્રપતિએ વધુમાં કહ્યું કે આ પ્રોજેક્ટના તમામ ઉદ્દેશ્યોનો હવે અંત આવ્યો છે.આગામી વર્ષે સેશલ્સ પોતે આ સૈન્ય મથકનું નિર્માણ કરશે. આગામી વર્ષે બજેટમાં અમે અસમ્પશન આઈલેન્ડ પર કોસ્ટગાર્ડ સુવિધાનું નિર્માણ કરવા અલગ ફંડ આપીશું. આ વિસ્તારમાં સેશલ્સનું પોતાનું સૈન્ય મથક હોય તે ખુબ જ જરૂરી છે. આપને જણાવી દઇએ કે 2015માં ભારતના નરેન્દ્ર મોદી જ્યારે સેશલ્સની મુલાકાતે ગયાં હતાં. તે દરમિયાન આ મહત્વપૂર્ણ સમજુતી થઈ હતી.