રશિયાના તાતિન્સકી જિલ્લાના તોમાતોર ગામમાં પાર્ટીમાંથી નશો કરવાની લત ખતરનાક બની છે તેના ઉદાહરણનું અનુમાન આ ઘટના પરથી લગાવી શકાય છે. પાર્ટી દરમિયાન ત્યાં હાજર લોકોએ દારૂના પુરો થઇ જતાં સેનિટાઇઝર પીધું હતું. સેનિટાઇઝર પીધા પછી પાર્ટીમાં આવેલા લોકોની તબિયત લથડવાનું શરૂ થયું.
રશિયામાં બની અનોખી ઘટના
પાર્ટીમાં દારૂ પુરો થઇ જતાં લોકોએ પીધુ સેનિટાઇઝર
7 લોકોના મોત
જેકે કેટલાક લોકો આ ઘટના બાદ બેભાન થતાં તેઓને તાત્કાલિક હોસ્પિટલમાં ખસેડવામાં આવ્યા હતા અને 7 લોકો મૃત્યુ પામ્યા હતા જ્યારે બે લોકો કોમામાં ગયા હતા. એવા અહેવાલ છે કે પાર્ટીમાં ભાગ લેનારા લોકો દ્વારા પીધેલા સેનિટાઇઝરમાં 69% મેથેનોલ હતું, જે રોગચાળા દરમિયાન હેન્ડ ક્લીનર તરીકે વેચાઇ રહ્યો હતો.
દારુ ખાલી થઇ જતા લોકોએ પીધુ સેનિટાઇઝર
ડેઇલીમેલના અહેવાલ મુજબ, રશિયાના તાતિન્સકી જિલ્લાના તોમાતોર ગામની પાર્ટી દરમિયાન, ત્યાં ઉપસ્થિત લોકો બેભાન થવા લાગ્યા ત્યારે હંગામો મચી ગયો હતો. અહેવાલ મુજબ આ તમામ લોકો પાર્ટીમાં દારૂની માંગ કરી રહ્યા હતા પરંતુ દારૂ ખતમ થઇ ગયો હતો. જો કે, ત્યાં હાજર કોઈ વ્યક્તિ સેનિટાઇઝરની બોટલ લાવ્યો અને લોકોએ તે પીધું. તબિયત બગડતી હોવાને કારણે વિમાન દ્વારા 6 ને પ્રાદેશિક પાટનગર યાકુત્સ્ક લઈ જવાયા બાદ ત્રણનું ઘટના સ્થળે જ મોત નીપજ્યું હતું.
પોલીસે હાથ ધરી તપાસ
સારવાર દરમિયાન વધુ 4 લોકોનાં મોત નીપજ્યાં હતાં. ઘટનાની માહિતી મળ્યા બાદ સ્થાનિક પોલીસ ઘટના સ્થળે પહોંચી ગઈ હતી, સેનિટાઇઝરથી પોઇઝનીંગનો ગુનો નોંધવામાં આવ્યો છે.
સરકારે જનતાને કરી અપીલ
આ ઘટના બાદ રશિયન સરકારે લોકોને અપીલ કરી છે કે તેઓ સેનિટાઇઝરનો બિલકુલ ઉપયોગ ન કરે. ચાલો આપણે જાણીએ કે રશિયામાં ફરી એકવાર કોરોના કેસ વધી રહ્યા છે. રશિયામાં અત્યાર સુધીમાં કોરોના વાયરસના ચેપના 20, 64,748 કેસ નોંધાયા છે જ્યારે 35,778 લોકોનાં મોત નીપજ્યાં છે.