અફઘાન સરકારના અનેક ખાનગી દસ્તાવેજો પાકિસ્તાનના હાથે લાગ્યા
આ સમયે તાલિબાનના કબ્જા બાદ અફઘાનિસ્તાનને લઈને હેરાન કરનારા સમાચાર આવી રહ્યા છે. સમાચાર એ છે કે અફઘાન સરકારના અનેક ખાનગી દસ્તાવેજો પાકિસ્તાનના હાથે લાગ્યા છે.
આ દસ્તાવેજોથી સુરક્ષાને લઈને મોટું સંકટ પેદા થઈ શકે
મનાઈ રહ્યું છે કે આ દસ્તાવેજોથી સુરક્ષાને લઈને મોટું સંકટ પેદા થઈ શકે છે. ઉલ્લેખનીય છે કે આ પહેલા પાકિસ્તાને અફઘાનિસ્તાનની અર્થવ્યવસ્થાને નિયંત્રણમાં લેવાના ઈરાદાથી કાબુલ માટે આર્થિક યોજના બનાવવાની જાહેરાત કરી હતી.
એક મીડિયાના સમાચાર મુજબ કાબુલમાં માનવીય મદદ લઈને પહોંચેલા C-170 વિમાન દસ્તાવેજોથી ભરેલા બેગ લઈને રવાના થયું છે. બીજી તરફ તાલિબાને પણ નવા અંતરિમ સરકારના શપથ ગ્રહણ માટે નક્કી કરેલ 11 સપ્ટેમ્બર એટલે કે અમેરિકામાં થયેલા આતંકવાદી હુમલાની 20માં વર્ષગાંઠની તારીખને ટાળી દીધી છેય તાલિબાને 7 સપ્ટેમ્બરે સરકારની જાહેરાત કરી હતી.
આ દસ્તાવેજો ISIએજન્સીએ પોતાના કબ્જામાં લીધા
મીડિયા અહેવાલ મુજબ પાકિસ્તાન જે પોતાની સાથે લઈ ગયું તે ખાનગી દસ્તાવેજો હતા. જેને પાકિસ્તાન ઈન્ટર સર્વિસિજ ઈન્ટેલિજેન્સ (ISI) એજન્સીએ પોતાના કબ્જામાં લીધા છે. આ દસ્તાવેજોમાં મુખ્ય રુપથી એનડીએસના ખાનગી દસ્તાવેજો, હાર્ડ ડિસ્ક્સ અને અન્ય ડિઝિટલ જાણકારી આપી હતી. મુખ્ય સૂત્રોના જણાવ્યાનુંસાર આ ડેટાને ISI પોતાના ઉપયોગ માટે તૈયાર કરશે. જે સુરક્ષા માટે મોટું સંકટ બની શકે છે. કહેવાય રહ્યું છે કે આ તાલિબાન સરકારને પાકિસ્તાન પર નિર્ભર બનાવી દેશે.