આજે મધ્ય ગુજરાત અને ઉત્તર ગુજરાતની 93 બેઠકો પર સવારના 8 વાગ્યાથી મતદાન પ્રક્રિયા શરૂ થઈ હતી. રાજ્યના 14 જિલ્લાના 26 હજાર 409 મતદાન મથકો પર બીજા તબક્કાની મતદાન પ્રક્રિયા હાથ ધરવામાં આવી હતી. બીજા તબક્કાની 93 બેઠકો પર કુલ 833 ઉમેદવારો મેદાનમાં હતા. બીજા તબક્કામાં મુખ્યમંત્રી, 8 મંત્રી અને 60 સિટીંગ ધારાસભ્યો સહિત ભાજપ, કોંગ્રેસ-NCP અને આપના 279 ઉમેદવારો સહિત કુલ 833 ઉમેદવારોનું ભાવિ EVMમાં કેદ થયું છે. આગામી 8મી ડિસેમ્બરના રોજ મતગણતરી હાથ ધરવામાં આવશે.
જુઓ દિવસભરના તમામ મોટા અપડેટ્સ
(05:00 PM)
ગુજરાતમાં બીજા તબક્કાનું મતદાન પૂર્ણ
બીજા તબક્કામાં અંદાજે 62 ટકા જેટલું મતદાન
ઉત્તર અને મધ્ય ગુજરાતનું મતદાન શાંતિપૂર્વક રીતે પૂર્ણ
93 બેઠક 833 ઉમેદવારનું ભાવિ ઇવીએમમાં સીલ
8 ડિસેમ્બરે વિધાનસભા ચૂંટણીનું આવશે પરિણામ
બીજા તબક્કામાં મતદારોમાં જોવા મળ્યો ઉત્સાહ
સૌથી વધારે અંદાજે 68 ટકા સાબરકાંઠામાં
સૌથી ઓછું અંદાજે 57 ટકા મતદાન દાહોદમાં
બનાસકાંઠામાં અંદાજે 66 ટકા, પાટણમાં અંદાજે 61 ટકા મતદાન
મહેસાણામાં અંદાજે 62 ટકા, અરવલ્લીમાં અંદાજે 65 ટકા મતદાન
ગાંધીનગરમાં અંદાજે 63 ટકા, અમદાવાદમાં અંદાજે 55 ટકા
આણંદમાં અંદાજે 64 ટકા, ખેડામાં અંદાજે 64 ટકા મતદાન
મહિસાગરમાં અંદાજે 59 ટકા, પંચમહાલમાં 64 ટકા મતદાન
વડોદરામાં અંદાજે 60 ટકા, છોટા ઉદેપુરમાં અંદાજે 65 ટકા મતદાન
પહેલા તબક્કામાં 63.71 ટકા થયું હતું મતદાન
બીજા તબક્કામાં હજુ મતદાનની ટકાવારીમાં થઇ શકે વધારો
(04:50 PM)
દાંતાના ધારાસભ્ય અને કોંગ્રેસી ઉમેદવાર કાંતિ ખરાડી ઉપર થયેલા હુમલાનો મામલે નવસારીના વાંસદાના ધારાસભ્ય અને આદિવાસી નેતા અનંત પટેલે પ્રતિક્રિયા આપી છે. તેમણે કહ્યું કે, દાંતાના કોંગી ઉમેદવાર પર હુમલો આદિવાસી અસ્મિતા પર હુમલો છે. કાંતિ ખરાડી પર હુમલો કરનારા હુમલાખોરો ન પકડાય તો આવતી કાલે ગુજરાતમાં આંદોલનની ચીમકી તેમના દ્વારા ઉચ્ચારવામાં આવી છે. અનંત પટેલે વીડિયો બનાવી સોશિયલ મીડિયામાં પોસ્ટ કર્યો છે.
(04:45 PM)
હિંમતનગરની મહિલા કોલેજમાં બોગસ મતદાન થઈ રહ્યું હોવાનો એક યુવકે આક્ષેપ કર્યો છે. જ્યારે સવગઢ વિસ્તારનો યુવક મતદાન કરવા માટે ગયો ત્યારે તેનું મતદાન થઈ ગયેલું જાણવા મળ્યું હતું. જેથી યુવકે આ અંગે પ્રિસાઈડિંગ ઓફિસરને જાણ કરી હતી.
(04:40 PM)
વડોદરાની વાઘોડિયા બેઠક પર ભાજપ નેતા રોકડ સાથે પકડાયાનો વીડિયો વાયરલ થયો છે. વાઘોડિયા બેઠક ઉપર ભાજપ નેતા અને કારોબારી સમિતિ ચેરમેન રાજેન્દ્ર પટેલ રોકડ સાથે પકડાયા છે. કારોબારી સમિતિના ચેરમેન પાસે પોણો લાખ રૂપિયા મળી આવ્યા છે. તેઓ આ રૂપિયા ક્યાં લઈ જતા હતા તેની તપાસ શરૂ કરવામાં આવી છે.
(04:37 PM)
બીજા તબક્કાનું મતદાન પૂર્ણ થવાને હવે 25 મિનિટ જ બાકી છે ત્યારે શહેરી વિસ્તારો કરતા ગ્રામ્ય મતદારોમાં મતદાનને લઇ સારો એવો ઉત્સાહ જોવા મળી રહ્યો છે. શહેરી વિસ્તારોમાં ઓછા મતદાનને લીધે ભાજપ નેતાઓ એક્શનમાં આવી ગયા છે. અંતિમ વળાએ નેતાઓ લોકોને વધુ મતદાન માટે અપીલ કરી રહ્યા છે.
(04:35 PM)
અમદાવાદમાં હેર સલૂન સંચાલક દ્વારા યુવા મતદારો વધુમાં વધુ મતદાન કરે તે માટે અનોખી પહેલ કરવામાં આવી હતી. સલૂન સંચાલક દ્વારા મતદાન કરનાર મહિલાઓને ફ્રીમાં હેર કટ કરી આપવાની જાહેરાત કરવામાં આવી હતી. આજના દિવસમાં 100 મહિલા મતદારોને ફ્રીમાં હેર કટ કરી આપવામાં આવ્યા છે.
(04:23 PM)
બીજા તબક્કાના મતદાન દરમિયાન અમદાવાદના વસ્ત્રાપુર બુથ પર મતદારોની ઝાંખી હાજરી જોવા મળી, બપોર પછી મતદારોમાં નીરસતા જોવા મળી હતી. સવારે જે મતદાન મથકો પર મતદારોની લાંબી કતારો લાગી હતી, એ મતદાન મથકો બપોર પછી ખાલીખમ જોવા મળ્યા હતા.
(04:15 PM)
લોકશાહીના ઉત્સવ સમી ચૂંટણીમાં મતદાર રાજા હોય છે અને લોકશાહીમાં તમામને મતદાન કરવાનો અધિકાર છે ત્યારે આ વખતની ચૂંટણીમાં ટ્રાન્સજેન્ડર મતદાતા પણ મહત્વની ભૂમિકા ભજવી હતી. આપણે જ્યારે મતદાન કેન્દ્ર પર પહોંચવા શુભ મુહૂર્તની રાહ જોતા ઘરે બેઠા હતા. ત્યારે અન્ય કેટેગરીમાં આવતા ટ્રાન્સજેન્ડર સમુદાયના મતદારો મત કેન્દ્ર પર મત આપી ચૂક્યા હતા અને સામાન્ય નાગરિકોને રાહ ચિંધી રહ્યા હતા.
(04:10 PM)
અમદાવાદમાં બપોર બાદ મતદાનમાં ઘટાડો નોંધાયો છે. એલિસબ્રિજ વિસ્તારના મતદારોમાં નિરાશા જોવા મળી રહી છે. શહેરમાં અત્યાર સુધીમાં લગભગ 48% જેટલું મતદાન થયું છે. એલિસબ્રિજ વિસ્તારના બુથ ખાલીખમ જોવા મળી રહ્યા છે. અનેક વખત અપીલ કરવા છતાં લોકો મતદાન કરવા ન આવી રહ્યા હોવાનું કહેવામાં આવી રહ્યું છે.
અમદાવાદમાં બપોર બાદ મતદાનમાં ઘટાડો: એલિસબ્રિજ વિસ્તારમાં મતદારોમાં નિરાશા, શહેરમાં અત્યાર સુધીમાં લગભગ 48% જેટલું થયું મતદાન#gujaratelections2022 #secondphasevoting #GujaratElection #Ahmedabad
— VTV Gujarati News and Beyond (@VtvGujarati) December 5, 2022
(04:00 PM)
બપોરે 4 વાગ્યા સુધીમાં 54% મતદાન
સૌથી વધુ સાબરકાંઠા જિલ્લામાં 61% મતદાન
સૌથી ઓછુ અમદાવાદ જિલ્લામાં 48% મતદાન
બનાસકાંઠા જિલ્લામાં 59% મતદાન
પાટણ જિલ્લામાં 54% મતદાન
મહેસાણા જિલ્લામાં 55% મતદાન
સાબરકાંઠા જિલ્લામાં 61% મતદાન
અરવલ્લી જિલ્લામાં 58% મતદાન
ગાંધીનગર જિલ્લામાં 56% મતદાન
અમદાવાદ જિલ્લામાં 48% મતદાન
આણંદ જિલ્લામાં 57% મતદાન
ખેડા જિલ્લામાં 57% મતદાન
મહિસાગર જિલ્લામાં 52% મતદાન
પંચમહાલ જિલ્લામાં 57% મતદાન
દાહોદ જિલ્લામાં 50% મતદાન
વડોદરા જિલ્લામાં 53% મતદાન
છોટાઉદેપુર જિલ્લામાં 58% મતદાન
(03:55 PM)
મહીસાગર જિલ્લામાં મહિલાઓમાં મતદાનને લઈ અનેરો ઉત્સાહ જોવા મળી રહ્યો છે. જિલ્લાની લુણાવાડા વિધાનસભા બેઠક માટે ગ્રામ્ય મતદારમાં મહિલાઓમાં ઉત્સાહ જોવા મળી રહ્યો છે. મોટી સંખ્યામાં મહિલાઓ ઘરકામ પતાવી મતદાન કરવા માટે મતદાન મથકે પહોંચી હતી.
(03:46 PM)
અંતિમ ચરણના મતદાનમાં દસકોઈ તાલુકાના ભાત ગામે મતદારોની પાંખી હાજરી જોવા મળી રહી છે. ગામના કુલ 4700 મતદારોની સામે 2700 વોટિંગ થયું છે. ગામમાં અંતિમ ચરણમાં મતદાન મથક સુના બન્યા છે. એકલ-દોકલ ગ્રામજનો મતદાન કરવા આવી રહ્યા છે.
(03:35 PM)
રાજ્યમાં બીજા તબક્કાનું મતદાન ચાલી રહ્યું છે. મતદાન પૂર્ણ થવામાં દોઢ કલાકનો સમય બાકી છે, ત્યારે ભારતીય ક્રિકેટ ટીમના પૂર્વ ક્રિકેટર ઇરફાન પઠાણે મતદાન કર્યું છે. વડોદરામાં પૂર્વ ક્રિકેટર યુસુફ પઠાણ અને ઈરફાન પઠાણે પરિવારના સભ્યો સાથે મતદાન કર્યું છે.
વડોદરા- પૂર્વ ક્રિકેટર યુસુફ પઠાણ અને ઈરફાન પઠાણે પરિવારના સભ્યો સાથે મતદાન કર્યું#vadodara #YusufPathan #irfanpathan #GujaratElections2022 pic.twitter.com/yc2COpAnb9
— VTV Gujarati News and Beyond (@VtvGujarati) December 5, 2022
(03:33 PM)
વડોદરાના રાજમાતા શુભાંગીનીદેવી ગાયકવાડે દાંડિયા બજાર સરકારી ટેકનિકલ સ્કૂલ ખાતે મતદાન કર્યું, મતદાન કર્યા બાદ તેઓએ જણાવ્યું કે, દરેકે મતદાન અવશ્ય કરવું જોઈએ
(03:26 PM)
વિધાનસભાની ચૂંટણીનું બીજા તબક્કાનું મતદાન પૂરજોશમાં ચાલી રહ્યું છે. તેવામાં બોચાસણમાં BAPS સંસ્થાના સંતોએ બોચાસણ ખાતે મતદાન કર્યુ હતું. આ સાથે મતદાન બાદ સંતોએ લોકશાહીના ઉત્સવમાં કામ ધંધો છોડી મતદાન કરી લોકશાહીને મજબૂત બનાવવા અપીલ પણ કરી હતી.
(03:20 PM)
કપડવંજના ચરેડમાં ભાજપના ઉમેદવાર રાજેશ ઝાલાએ મતદાન અટકાવ્યું છે. ચરેડ બુથ 3ના EVMમાં કોંગ્રેસે નિશાન કર્યું હતું અને આ નિશાન આધારે મતદારોને મત નાખવા સૂચન કરાતું હોવાના આક્ષેપો કરવામાં આવ્યા છે. ભાજપ ઉમેદવારે ઘટના સ્થળે પહોંચી ચૂંટણી અધિકારીને ફરિયાદ કરી છે. કપડવંજ વિધાનસભા ચૂંટણીમાં રાજકારણ ગરમાયું છે.
(03:10 PM)
બીજા તબક્કામાં બનાસકાંઠા જિલ્લાના વાવના ઢીમાં ગામે સ્લો વોટિંગ થતું હોવાની ફરિયાદ ઉઠી છે. એવું કહેવામાં આવી રહ્યું છે કે સવારથી લાઈનમાં ઉભેલા લોકોનો અત્યારે વારો આવ્યો છે. ખૂબ જ ધીમું મતદાન થતું હોવાથી લોકો પરેશાન છે.
(03:00 PM)
3 વાગ્યા સુધી રાજ્યમાં 50.51% મતદાન
સૌથી વધુ છોટાઉદેપુરમાં 47% મતદાન
સૌથી ઓછુ મહીસાગર જિલ્લામાં 38% મતદાન
અમદાવાદ જિલ્લામાં 39% મતદાન
બનાસકાંઠા જિલ્લામાં 47% મતદાન
પાટણ જિલ્લામાં 43% મતદાન
મહેસાણા જિલ્લામાં 45% મતદાન
સાબરકાંઠા જિલ્લામાં 47% મતદાન
અરવલ્લી જિલ્લામાં 46% મતદાન
ગાંધીનગર જિલ્લામાં 45% મતદાન
આણંદ જિલ્લામાં 46% મતદાન
ખેડા જિલ્લામાં 45% મતદાન
મહિસાગર જિલ્લામાં 38% મતદાન
પંચમહાલ જિલ્લામાં 45% મતદાન
દાહોદ જિલ્લામાં 43% મતદાન
વડોદરા જિલ્લામાં 43% મતદાન
છોટાઉદેપુર જિલ્લામાં 47% મતદાન
(02:40 PM)
ગોદલી ગામે કાલોલ કોંગ્રેસના ઉમેદવાર પર પ્રભાતસિંહ ચૌહાણની કાર પર હુમલો કરવામાં આવ્યો હતો. મતદાન મથક પર ગયેલા પ્રભાતસિંહને સ્થાનિક સાથે ચકમક બાદ આસામાજીક તત્વો દ્વારા હુમલો કરવામાં આવ્યો હતો. આ અંગેની જાણ થતાં રાજગઢની ટીમ ઘટનાસ્થળે દોડી આવી હતી, હાલ પોલીસે આ મામલે કાર્યવાહી હાથ ધરી છે.
(02:30 PM)
ગોધરા ભાજપના ઉમેદવારનો EVM પર મતદાન કરતો વીડિયો સોશિયલ મીડિયામાં વાયરલ થતાં ખળભળાટ મચી ગયો છે, ભાજપના સમર્થક મતદાર દ્વારા જ વીડિયો વાયરલ કરવામાં આવ્યો હોવાની શક્યતા છે.
ચૂંટણી 2022: ગોધરા ભાજપના ઉમેદવારનો EVM પર મતદાન કરતો વીડિયો સોશિયલ મીડિયામાં થયો વાયરલ, ભાજપના સમર્થક મતદાર દ્વારા જ વીડિયો વાયરલ કરવામાં આવ્યો હોવાની શક્યતા#GujaratAssemblyPolls #GujaratElections
— VTV Gujarati News and Beyond (@VtvGujarati) December 5, 2022
(02:28 PM)
વડોદરાના ડેસર તાલુકાના સાઢાસાલ ગામે ઉગ્ર બોલાચાલીના સમાચાર સામે આવ્યા છે. અહીં તરફી મતદાન થતું હોવાના આક્ષેપ સાથે રાજકીય પક્ષના કાર્યકરો સામ સામે આવી ગયા હતા. જોકે, ડેસર પોલીસે ઘટના સ્થળે પહોંચી મામલો થાળે પાડ્યો હતો.
(02:20 PM)
દાહોદ જિલ્લામાં મતદાન મથકો પર ચાંપતો બંદોબસ્ત ગોઠવવામાં આવ્યો છે. જિલ્લા ચૂંટણી અધિકારી ડો હર્ષિત ગોસાવી સહિતના અધિકારીઓ વેબકાસ્ટિંગ કંટ્રોલ રૂમથી નિરીક્ષણ કરી રહ્યા છે. જિલ્લાના 892 મતદાન મથકો પર લાઈવ વેબકાસ્ટિંગ દ્વારા ચાંપતી નજર રાખવામાં આવી રહી છે. કલેક્ટર પણ વહેલી સવારથી મોનિટરીંગ કરી રહ્યા છે.
(02:10 PM)
ગુજરાત વિધાનસભાની ચૂંટણીના બીજા તબક્કામાં અંતરિયાળ ગ્રામ્ય વિસ્તારોમાં પણ મતદાનને લઈ મતદારો ઉત્સાહી જોવા મળ્યા. મહીસાગર જિલ્લાના સંતરામપુર તાલુકાના કણજરા ગામેથી ટીમલા ગામે મતદાન કરવા માટે મતદારો હોડીમાં બેસી પહોંચ્યા. મતદાન કરવા મતદારો હોડીમાં 3થી 4 કિલોમીટરનું અંતર કાપીને મતદાન મથકએ પહોંચ્યા હતા.
(02:05 PM)
કાલોલ તાલુકાના અલાલી બુથના પ્રિસાઇડિંગ ઓફિસરને હાર્ટ એટેક આવતા 108 બોલાવી સારવાર અર્થે ખસેડવામાં આવ્યા છે. ચાલુ ફરજ દરમિયાન એટેક આવતા સ્થાનિકોની મદદથી તેમને સારવાર માટે ગોધરા સિવિલ હોસ્પિલમાં ખસેડાયા છે.
(02:00 PM)
બપોરે 2 વાગ્યા સુધીમાં 39% મતદાન
સૌથી વધુ છોટાઉદેપુર જિલ્લામાં 43% મતદાન
સૌથી ઓછુ મહિસાગર જિલ્લામાં 34% મતદાન
બનાસકાંઠા જિલ્લામાં 43% મતદાન
પાટણ જિલ્લામાં 39% મતદાન
મહેસાણા જિલ્લામાં 40% મતદાન
સાબરકાંઠા જિલ્લામાં 43% મતદાન
અરવલ્લી જિલ્લામાં 42% મતદાન
ગાંધીનગર જિલ્લામાં 41% મતદાન
અમદાવાદ જિલ્લામાં 35% મતદાન
આણંદ જિલ્લામાં 42% મતદાન
ખેડા જિલ્લામાં 41% મતદાન
મહિસાગર જિલ્લામાં 34% મતદાન
પંચમહાલ જિલ્લામાં 41% મતદાન
દાહોદ જિલ્લામાં 39% મતદાન
વડોદરા જિલ્લામાં 39% મતદાન
છોટાઉદેપુર જિલ્લામાં 43% મતદાન
ગુજરાત ચૂંટણીઃ બપોરે 2 વાગ્યા સુધીમાં 39% મતદાન, સૌથી વધુ છોટાઉદેપુર જિલ્લામાં 43% અને સૌથી ઓછું મહિસાગર જિલ્લામાં 34% મતદાન#Chottaudaipur ##GujaratElections2022 #secondphasevoting #Gujarat #Election2022
— VTV Gujarati News and Beyond (@VtvGujarati) December 5, 2022
(01:50 PM)
બહુચરાજી તાલુકાના બરીયફ ગામે ચૂંટણીનો બહિષ્કાર કર્યો છે. ગામની પડતર માંગણી પુરી નહીં થતા ચૂંટણીનો બહિષ્કાર કરવામાં આવ્યો છે. સવારથી બરીયફ ગામમાં મતદાન શરૂ પણ થયું નથી. પીવાના પાણી, બોર સહિત વર્ષો જૂની માંગણીઓ ન સંતોષાતા ગ્રામજનો મતદાનથી અળગા રહ્યા છે.
(01:38 PM)
ખેરાલુ વિધાનસભામાં ત્રણ ગામ દ્વારા ચૂંટણીનો બહિષ્કાર કરવામાં આવ્યો છે. વરેઠા, ડાલીસણા અને ડાવોલ ગામ દ્વારા રૂપેણ નદી જીવંત કરવાની અને ગામ તળાવ ભરવાની માંગણી કરવામાં આવી રહી છે. અત્યરા સુધીમાં આ ત્રણ ગામમાં એક પણ વોટ પડ્યો નથી. જિલ્લા પંચાયતની ચૂંટણીમાં પણ આ ત્રણ ગામ મતદાનથી અળગા રહ્યા હતા.
(01:30 PM)
બનાસકાંઠા જિલ્લાના દિયોદરના જાડા ગામે લગ્નનાં સાત ફેરા ફરી નવદંપત્તિ મતદાન મથકે પહોંચ્યું હતું, મતદાન કર્યા બાદ વરરાજાએ કહ્યું હતું કે, મતદાન અમારો અધિકાર, મતદાન અવશ્ય કરવું જોઈએ.
બનાસકાંઠાઃ દિયોદરના જાડા ગામે લગ્નનાં સાત ફેરા ફરી નવદંપત્તિ પહોંચ્યું મતદાન મથકે, વરરાજાએ કહ્યું- મતદાન અમારો અધિકાર, મતદાન અવશ્ય કરવું જોઈએ#GujaratElections2022 #secondphasevoting #Gujarat #Election2022
— VTV Gujarati News and Beyond (@VtvGujarati) December 5, 2022
(01:25 PM)
બાયડના ભાજપ ઉમેદવાર ભીખીબેન પરમારે તેમના વતન માલપુર ખાતે મતદાન કર્યું છે. ભીખીબેને માલપુરની પી.જી મહેતા હાઈસ્કૂલ ખાતે મતદાન કરીને વિજયનો વિશ્વાસ વ્યક્ત કર્યો છે.
(01:15 PM)
આણંદના લોકોમાં મતદાનને લઇ ભારે ઉત્સાહ જોવા મળ્યો. આણંદમાં રમેશ શાહ નામના દર્દીનું 48 કલાક અગાઉ બ્રેઈન હેમરેજનું ઑપરેશન થયું હવા છતાં તેઓ હોસ્પિટલથી વોટિંગ કરવા માટે મતદાન મથકે પહોંચ્યા હતા. મતદાન કર્યા બાદ તેમણે તમામ લોકોને મતદાન કરવાની અપીલ કરી હતી.
આવા લોકોના લીધે જ લોકતંત્ર મજબૂત થાય છે#GujaratElections2022 #secondphasevoting #Gujarat #Election2022 #VTVCard pic.twitter.com/YtUMoAM1xG
— VTV Gujarati News and Beyond (@VtvGujarati) December 5, 2022
(01:10 PM)
કાંતિ ખરાડી મુદ્દે કોંગ્રેસ દ્વારા ચૂંટણી પંચને રજૂઆત કરાતા ચૂંટણી પંચે તુરંત જ તપાસના આદેશ આપ્યા હતા. જે બાદ ચૂંટણી પંચે જણાવ્યું કે, કાંતિ ખરાડી પર કોઈ હુમલો કે અપહરણ થયું ન હતું. પોલીસના અનુરોધ છતાં ફરિયાદ કરવાનું કાંતિ ખરાડીએ ટાળ્યું હતું.
(01:08 PM)
બનાસકાંઠા જિલ્લાના થરાદના ગામડાઓમાં મતદાનને લઈને જાગૃતિ નજરે પડી. અહીં 98 વર્ષની ઉંમરના વડીલ ચાલી ન શકતા હોવા છતાં 2 લોકોના ટેકે મતદાન કરવા માટે પહોંચ્યા હતા.
(01:00 PM)
બપોરે 1 વાગ્યા સુધીમાં 34.74% મતદાન
સૌથી વધુ છોટાઉદેપુર જિલ્લામાં 33% મતદાન
સૌથી ઓછુ મહિસાગર-વડોદરા-અમદાવાદ જિલ્લામાં 27% મતદાન
બનાસકાંઠા જિલ્લામાં 30% મતદાન
પાટણ જિલ્લામાં 28% મતદાન
મહેસાણા જિલ્લામાં 30% મતદાન
સાબરકાંઠા જિલ્લામાં 31% મતદાન
અરવલ્લી જિલ્લામાં 31% મતદાન
ગાંધીનગર જિલ્લામાં 30% મતદાન
અમદાવાદ જિલ્લામાં 27% મતદાન
આણંદ જિલ્લામાં 30% મતદાન
ખેડા જિલ્લામાં 29% મતદાન
મહિસાગર જિલ્લામાં 27% મતદાન
પંચમહાલ જિલ્લામાં 28% મતદાન
દાહોદ જિલ્લામાં 28% મતદાન
વડોદરા જિલ્લામાં 27% મતદાન
છોટાઉદેપુર જિલ્લામાં 33% મતદાન
(12:50 PM)
રાજ્યસભા સાંસદ શક્તિસિંહ ગોહિલે મતદાન કર્યું છે. શક્તિસિંહ ગોહિલે ગાંધીનગર ખાતે વોટિંગ કરીને લોકોને પણ મતદાન કરવા અપીલ કરી છે.
(12:45 PM)
AAPના CM ફેસ ઈસુદાન ગઢવીએ મતદાન કર્યુ છે. ઈસુદાન ગઢવીએ ઘુમામાં મતદાન કર્યુ છે. તેમણે લોકશાહીના પર્વની ઉજવની કરીને મતદાન કરવાની લોકોને અપીલ કરી છે.
AAP's CM candidate Isudan Gadhvi casts his vote at a polling station in Ahmedabad, Gujarat.#GujaratAssemblyPolls pic.twitter.com/I4RccqMZbF
— ANI (@ANI) December 5, 2022
(12:43 PM)
બરવાળા તાલુકાના ભીમનાથ ગામે ભીમનાથ મહાદેવ જગ્યાના મહંતે મતદાન કર્યા બાદ જણાવ્યું કે, લોકશાહીના પર્વમાં મતદાન કરવું જરૂરી છે, 80 ટકાથી ઓછું મતદાન લોકશાહીની નિષ્ફળતા છે.
(12:40 PM)
આણંદ જિલ્લાની 7 વિધાનસભા બેઠક માટે મતદાન પ્રક્રિયા ચાલી રહી છે, ત્યારે આ વખતની ચૂંટણીમાં ખાસ કરીને NRI મતદારોએ લોકોનું ખાસ ધ્યાન દોર્યું છે, આજે NRI મતદારોએ પોતાના મતાધિકારનો ઉપયોગ કરી લોકશાહીના પર્વની ઉજવણી કરી હતી.
(12:33 PM)
ગુજરાત વિધાનસભાની ચૂંટણી માટે હાલ બીજા તબક્કાનું મતદાન ચાલી રહ્યું છે, ત્યારે પ્રથમ તબક્કામાં થયેલા ઓછા મતદાનને લઈ બીજા તબક્કામાં મતદાન અને મતદારોનો ઉત્સાહ વધારવા હાલોલના એક વેપારીએ અનોખી સ્કીમ માર્કેટમાં મૂકી છે. હાલોલના ખમણ હાઉસના માલિક દ્વારા મતદાનનું ચિન્હ બતાવી ખમણની એક ડિશ મફત આપવાની જાહેરાત કરવામાં છે. ખમણની આ ઓફરને લઈ મતદારોમાં અનેરો ઉત્સાહ જોવા મળી રહ્યો છે અને મતદારો હોંશે હોંશે મતદાન કરેલ આંગળીનું ચિન્હ બતાવી ખમણ આરોગી રહ્યા છે. અત્યાર સુધી આ ઓફરનો અંદાજીત 600થી વધુ મતદારોએ લાભ લીધો છે.
(12:30 PM)
ખેડા જિલ્લાના મહેમદાવાદ તાલુકાના કેસરા ગામના EVMમાં ખામી સર્જાતા મતદારોની લાંબી લાઈનો લાગી છે. EVMમાં ખામી સર્જાતા ગામ લોકોએ કેબિનેટ મંત્રી અર્જુનસિંહને ચૌહાણને જાણ કરી હતી.જે બાદ અર્જુનસિંહ ચૌહાણ તુરંત કેસરા ખાતે પહોંચ્યા હતા. તેઓએ પ્રિસાઇડિંગ ઓફિસરને વહેલી તકે મતદાન શરૂ કરાવવા અપીલ કરી હતી.
(12:20 PM)
વડાપ્રધાન નરેન્દ્ર મોદીના માતા હીરાબાએ ગાંધીનગરના રાયસણની પ્રાથમિક શાળામાં મતદાન કર્યું છે. 100 વર્ષીય હીરાબા વ્હિલ ચેરમાં મત આપવા માટે આવ્યા હતા.
#WATCH | PM Modi's brother Somabhai Modi gets emotional as he talks about PM who visited him earlier today
— ANI (@ANI) December 5, 2022
People cannot ignore the kind of work Centre has done after 2014. I asked him (PM Modi) that he works a lot for the country, he should take some rest as well: Somabhai Modi pic.twitter.com/3SrGMj6A6O
(12:13 PM)
દીવ-દમણ, દાદરાનગર હવેલી અને લક્ષદ્વીપના પ્રશાસક પ્રફુલ પટેલે પરીવાર સાથે હિંમતનગરના પોલોગ્રાઉન્ડ વિસ્તારમાં આવેલા મતદાન મથકે મતદાન કર્યું છે. પેટલાદના પૂર્વ ધારાસભ્ય નિરંજન પટેલે મતદાન કર્યું. આપને જણાવી દઈએ કે, નિરંજન પટેલ કોંગ્રેસમાંથી સતત 4 ટર્મ ધારાસભ્ય રહી ચૂક્યા છે. કોંગ્રેસે આ વખતે નિરંજન પટેલની ટિકિટ કાપી નાખી હતી.
(12:10 PM)
મોંઘવારી, બેરોજગારી અને મંદીના વિરોધ સાથે બાપુનગરમાં કોંગ્રેસના પ્રવક્તા અમિત નાયકે ફાટેલા કપડા સાથે મતદાન કર્યું હતું. ફાટેલા કપડાં પહેરીને હાથમાં તેલનો ડબ્બો તથા ગેસના બાટલા સાથે તેઓ મતદાન મથકે પહોંચ્યા હતા. ત્યારબાદ મતદાન મથકની અંદર ફાટેલા કપડાં પહેરીને જઈને વિરોધ સાથે મતદાન કર્યું હતું.
(12:00 PM)
આજે રાજ્યની 93 બેઠક પર મતદાન
બપોરે 12 વાગ્યા સુધીમાં 24% મતદાન
સૌથી વધુ છોટાઉદેપુર જિલ્લામાં 28% મતદાન
સૌથી ઓછુ મહિસાગર જિલ્લામાં 22% મતદાન
બનાસકાંઠા જિલ્લામાં 25% મતદાન
પાટણ જિલ્લામાં 23% મતદાન
મહેસાણા જિલ્લામાં 25% મતદાન
સાબરકાંઠા જિલ્લામાં 26% મતદાન
અરવલ્લી જિલ્લામાં 26% મતદાન
ગાંધીનગર જિલ્લામાં 25% મતદાન
અમદાવાદ જિલ્લામાં 22% મતદાન
આણંદ જિલ્લામાં 25% મતદાન
ખેડા જિલ્લામાં 24% મતદાન
મહિસાગર જિલ્લામાં 22% મતદાન
પંચમહાલ જિલ્લામાં 23% મતદાન
દાહોદ જિલ્લામાં 23% મતદાન
વડોદરા જિલ્લામાં 24% મતદાન
છોટાઉદેપુર જિલ્લામાં 28% મતદાન
ગુજરાતમાં બીજા તબક્કાનું મતદાન | બપોરના 12 વાગ્યા સુધીમાં સરેરાશ 24% મતદાન, સૌથી વધુ છોટા ઉદેપુર જિલ્લામાં 28% મતદાન નોંધાયું, સૌથી ઓછુ મહિસાગર જિલ્લામાં 22% મતદાન નોંધાયું#GujaratElections2022 #secondphasevoting #Gujarat #Election2022 #VTVGujarati
— VTV Gujarati News and Beyond (@VtvGujarati) December 5, 2022
(11:58 AM)
અમદાવાદના મતદાન મથકો પર મતદારોની ભારે ભીડ જામી છે. વટવાના મતદાન મથકે મોટી સંખ્યામાં મતદારો મત આપવા માટે પહોંચ્યા છે. તો જશોદાનગર ખાતે મતદાન મથક પર મતદારોની લાંબી કતારો લાગી છે. સંવેદનશીલ બૂથ હોવાથી પોલીસ અને BSFની ટીમની ચાંપતી નજર રાખી રહી છે.
(11:53 AM)
રાજ્યભરમાં આજે બીજા તબક્કાના મતદાનની પક્રિયા પૂરજોશમાં ચાલી રહી છે. આણંદ જિલ્લામાં પણ આજે 7 બેઠકો પર મતદાન પ્રક્રિયા હાથ ધરવામાં આવી છે, ત્યારે સાંસદ મિતેષ પટેલે ઢોલ નગરા સાથે મતદાન કર્યું હતું. મિતેષ પટેલે વાસદની સરદાર પટેલ વિનય મંદિર શાળામાં પોતાના પરિવાર સાથે મતાધિકારનો ઉપયોગ કર્યો હતો. આ સાથે તેમણે લોકશાહીના આ પર્વમાં મતદાન કરવા લોકોને અપીલ કરી હતી.
(11:50 AM)
અમદાવાદના નારણપુરાના ભાજપ ઉમેદવારે મતદાન કર્યું છે. મતદાન બાદ જીતુ ભગતે VTV ન્યૂઝ સાથેની વાતચીતમાં જણાવ્યું કે, નારણપુરામાં રેકોર્ડ બ્રેક માર્જિન સાથે જીત મેળવીશું, ભાજપનો ભવ્ય વિજય નિશ્ચિત છે.
(11:40 AM)
સાબરકાંઠાના તલોદના વકતાપુર ગામે મતદારોમાં ભારે ઉત્સાહ જોવા મળી રહ્યો છે. અહીં 95 વર્ષના વડીલે મતદાન કર્યું છે. વડીલોના મતદાનથી યુવાનોમાં પણ ઉત્સાહ બેવડાયો છે.
(11:35 AM)
કેન્દ્રીય સંચાર રાજ્ય મંત્રી દેવુસિંહ ચૌહાણે નડિયાદ ખાતે મતદાન કર્યું છે. મતદાન કર્યા બાદ તેમણે શંકરસિંહ વાઘેલાની PM પર ટિપ્પણી મુદ્દે પ્રતિક્રિયા આપી છે. દેવુસિંહ ચૌહાણે કહ્યું કે, શંકરસિંહ વાઘેલા જાહેર જીવનમાં સિનિયર વ્યક્તિ છે.
(11:28 AM)
ગુજરાત વિધાનસભાની ચૂંટણીનું બીજા તબક્કાનું મતદાન ચાલી રહ્યું છે, ત્યારે મંત્રી રાજેન્દ્ર ત્રિવેદીએ પરિવાર સાથે મતદાન કર્યું. વડોદરાના બાજવાડામાં આવેલ શ્રેય સાધક મંડળમાં તેઓએ મતદાન કર્યું હતું. આ તકે રાજેન્દ્ર ત્રિવેદી સાથે રાવપુરા બેઠકના ભાજપ ઉમેદવાર બાળુ શુક્લ પણ સાથે હાજર રહ્યા હતા. મતદાન કર્યા બાદ રાજેન્દ્ર ત્રિવેદીએ જણાવ્યું હતું કે, મતદાન દરેક નાગરિકની પવિત્ર ફરજ છે. આ ચૂંટણીમાં ઉમેદવાર નહીં મોદી અને મતદાર જીતશે.
(11:25 AM)
અમદાવાદના નરણપુરા ખાતે ઓક્સિજન મશીન સાથે 72 વર્ષીય રાકેશ શાહ મતદાન કરવા પહોંચ્યાં હતા. મતદાન બાદ તેઓએ અન્ય લોકોને અચૂક મતદાન કરવાની અપીલ કરી હતી.
આળસુ જુવાનિયાઓ આ તસવીર જુએ#GujaratElections2022 #secondphasevoting #vtvcard pic.twitter.com/iSOgfFvCds
— VTV Gujarati News and Beyond (@VtvGujarati) December 5, 2022
(11:15 AM)
મહેસાણા જિલ્લાના બહુચરાજી તાલુકાના બરીયફ ગામે ચૂંટણીનો બહિષ્કાર કર્યો છે. પડતર માંગણી પૂરી ન થતા ગ્રામજનોએ ચૂંટણીનો બહિષ્કાર કર્યો છે. સવારથી બરીયફ ગામના લોકો મતદાનથી અળગા રહ્યા હતા.
ગુજરાત ચૂંટણી 2022: બહુચરાજી તાલુકાના બરીયફ ગામે ચૂંટણીનો કર્યો બહિષ્કાર, પડતર માંગ પરી ન થતાં ગ્રામજનો મતદાનથી અળગા રહ્યા#bahuchraji #GujaratElections2022 #secondphasevoting
— VTV Gujarati News and Beyond (@VtvGujarati) December 5, 2022
(11:10 AM)
ગુજરાત રાજ્યના બીજા તબક્કાની 93 બેઠકો માટે મતદાન ને લઈ ભાજપના સ્ટાર પ્રચારક અને ગઢડા ભાજપના ઉમેદવાર અને ધધુકાના ઝાઝરકા સવૈયાનાથ જગ્યાના મહંત શભૂપ્રસાદ ટુડિયા પત્ની અને પુત્ર સાથે મતદાન કરવા પહોંચ્યા હતા. મતદાન બાદ બાપુએ વધુમાં વધુ લોકો મતદાન કરે તેવી અપીલ કરી હતી.
(11:00 AM)
આજે રાજ્યની 93 બેઠક પર મતદાન
સવારે 11 વાગ્યા સુધીમાં 19% મતદાન
સૌથી વધુ ગાંધીનગર જિલ્લામાં 21% મતદાન
સૌથી ઓછુ મહિસાગર જિલ્લામાં 17% મતદાન
બનાસકાંઠા જિલ્લામાં 20% મતદાન
પાટણ જિલ્લામાં 19% મતદાન
મહેસાણા જિલ્લામાં 20% મતદાન
સાબરકાંઠા જિલ્લામાં 19% મતદાન
અરવલ્લી જિલ્લામાં 20% મતદાન
ગાંધીનગર જિલ્લામાં 21% મતદાન
અમદાવાદ જિલ્લામાં 18% મતદાન
આણંદ જિલ્લામાં 19% મતદાન
ખેડા જિલ્લામાં 19% મતદાન
મહિસાગર જિલ્લામાં 17% મતદાન
પંચમહાલ જિલ્લામાં 18% મતદાન
દાહોદ જિલ્લામાં 18% મતદાન
વડોદરા જિલ્લામાં 19% મતદાન
છોટાઉદેપુર જિલ્લામાં 19% મતદાન
(10:48 AM)
ગુજરાત વિધાનસભાની ચૂંટણીનું બીજા તબક્કાનું મતદાન ચાલી રહ્યું છે, ત્યારે PM મોદી અને CM ભૂપેન્દ્ર પટેલ બાદ કેન્દ્રીય ગૃહમંત્રી અમિત શાહે પરિવાર સાથે નારણપુર મતદાન કેન્દ્ર ખાતે મતદાન કર્યું. કેન્દ્રીય ગૃહ મંત્રી અમિત શાહ પત્ની, પુત્ર જય અને પુત્રવધૂ સાથે નારણપુરાના કામેશ્વર મહાદેવ મંદિરની બાજુમાં આવેલી સબ ઝોનલ ઓફિસમાં મતદાન કરવા પહોંચ્યા હતા.
Union Home Minister Amit Shah, along with members of his family including his son and BCCI secretary Jay Shah, casts his votes at AMC Sub-Zonal Office in Naranpura of Ahmedabad. #GujaratAssemblyPolls pic.twitter.com/7bgKV556Qr
— ANI (@ANI) December 5, 2022
(10:45 AM)
આજે વિધાનસભા ચૂંટણીના બીજા તબક્કાનું મતદાન ચાલી રહ્યું છે. ત્યારે બીજા તબક્કાના મતદાનને લઈ ગુજરાત કોંગ્રેસ પ્રમુખ જગદીશ ઠાકોરનું નિવેદન સામે આવ્યું છે. તેઓએ જણાવ્યું કે, લોકો મોટી સંખ્યામાં કોંગ્રેસ તરફી મતદાન કરશે. પ્રથમ અને બીજા તબક્કામાં કુલ મળીને કોંગ્રેસને 125 સીટ મળશે.
જગદીશ ઠાકોરે કહ્યું, ગુજરાતમાં કોંગ્રેસ 125 બેઠકો જીતી રહી છે. શું તમે સહમત છો? #GujaratElections2022 #GujaratAssemblyPolls #secondphasevoting #jagdishThakor #VTVcard pic.twitter.com/Nd7Z5bfEGl
— VTV Gujarati News and Beyond (@VtvGujarati) December 5, 2022
(10:40 AM)
મહેસાણામાં પૂર્વ DyCM નીતિન પટેલે મતદાન કર્યા બાદ કહ્યું કે, મહેસાણાની તમામ બેઠક પર ભાજપની જીત થશે. અહીં કોંગ્રેસ અને AAPનું કોઈ અસ્તિત્વ નથી. રાજ્યમાં ભાજપની ભવ્ય જીત થશે અને સરકાર બનશે.
(10:36 AM)
વડોદરામાં સયાજીગંજ બેઠકના આમ આદમી પાર્ટીના ઉમેદવાર સ્વેજલ વ્યાસ વિવાદમાં આવ્યા છે. સ્વેજલ વ્યાસે પોતાના વોટ્સએપ સ્ટેટ્સમાં EVMમાં મતદાન કરતો વીડિયો મુકતા વિવાદ સર્જાયો છે.
(10:32 AM)
વાઘોડિયા બેઠક પર અપક્ષ ઉમેદવાર ધર્મેન્દ્રસિંહ વાઘેલાના મળતીયાઓ દ્વારા હોબાળો મચાવવામાં આવ્યો હતો. એજન્ટને પ્રિસાઇડિંગ ઓફિસરે બહાર કાઢી મુકતા બોલાચાલી થઈ હતી. ચૂંટણી એજન્ટ જનક પરમારને બૂથમાં બેસવા બાબતે ચકમક થઇ હતી. થોડી બોલાચાલી બાદ માહોલ ગરમાયો હતો. એજન્ટને બૂથમાં બેસવા દેતા મામલો ઠાળે પડ્યો હતો.
(10:21 AM)
વિરમગામના ભાજપના ઉમેદવાર હાર્દિક પટેલે મતદાન કર્યા બાદ કહ્યું કે, લોકશાહીના મહાપર્વને મનાવવો જોઈએ. હું તમામ લોકોને અપીલ કરું છું કે મતદાન કરે. 10 વર્ષ બાદ વિરમગામમાં ભાજપ જીતવા જઈ રહી છે.
Ahmedabad | BJP candidate from Viramgam, Hardik Patel cast his vote for the second phase of #GujaratAssemblyPolls at Polling Booth 264 in Chandranagar Primary School pic.twitter.com/iZPQsk6Rfq
— ANI (@ANI) December 5, 2022
(10:20 AM)
નડીયાદના ભાજપ ઉમેદવાર અને મુખ્ય દંડક પંકજભાઈ દેસાઈએ મુખ્ય શાળા નંબર 1માં પરિવાર સાથે મતદાન કર્યું. મતદાન બાદ તેમણે મોટા માર્જિનથી ભાજપના વિજયનો વિશ્વાસ વ્યક્ત કર્યો છે.
(10:15 AM)
ડીસાના ભાજપના ઉમેદવાર પ્રવીણ માળીએ ઝવેરી નગર પ્રાથમિક શાળામાં મતદાન કર્યું. જે બાદ તેઓએ કહ્યું કે, મતદારોનો ઉત્સાહ જોતા ભાજપની જીત નક્કી, BJP આજદિન સુધીની લીડનો તોડશે રેકોર્ડ.
(10:05 AM)
ગુજરાતમાં બીજા તબક્કાનું મતદાન ચાલી રહ્યું છે. ત્યારે રાણીપ ખાતે મતદાન કર્યા બાદ PM મોદીએ કહ્યું હતું કે, ગુજરાતનાં મતદારોમાં નીર ક્ષીર વિવેક, તે સાંભળે બધાનું પણ જે સત્ય છે તેને જ સ્વીકારવાનું. ગુજરાતીઓ સાંભળે બધાનું પણ વોટ વિવેકથી આપે.
#WATCH | The festival of democracy has been celebrated with great pomp by the people of Gujarat, Himachal Pradesh and Delhi. I want to thank people of the country. I also want to congratulate Election Commission for conducting elections peacefully: Prime Minister Narendra Modi pic.twitter.com/2KKjCq7W1D
— ANI (@ANI) December 5, 2022
(10:02 AM)
મહીસાગરના લુણાવાડા ભાજપના ઉમેદવાર જીગ્નેશ સેવકે તેમની પત્ની સાથે પોતાના ગામ ખાનપુરના ગાંગટા ખાતે મતદાન કર્યું છે. સોજીત્રા વિધાનસભાના ઉમેદવાર વિપુલ પટેલે ડભોઈ ખાતે મતદાન કર્યું છે. ભિલોડા ભાજપના ઉમેદવાર પી.સી બરંડાએ પરિવાર સાથે પોતાના ગામ વાંકાટીંબા ખાતે મતદાન કર્યું છે.
(10:00 AM)
આજે રાજ્યની 93 બેઠક પર મતદાન
સવારે 10 વાગ્યા સુધીમાં 13% મતદાન
સૌથી વધુ ગાંધીનગર જિલ્લામાં 14
સૌથી ઓછુ અમદાવાદ જિલ્લામાં 11
બનાસકાંઠા જિલ્લામાં 13% મતદાન
પાટણ જિલ્લામાં 13% મતદાન
મહેસાણા જિલ્લામાં 13% મતદાન
સાબરકાંઠા જિલ્લામાં 13% મતદાન
અરવલ્લી જિલ્લામાં 13% મતદાન
ગાંધીનગર જિલ્લામાં 14% મતદાન
અમદાવાદ જિલ્લામાં 11% મતદાન
આણંદ જિલ્લામાં 13% મતદાન
ખેડા જિલ્લામાં 13% મતદાન
મહિસાગર જિલ્લામાં 11% મતદાન
પંચમહાલ જિલ્લામાં 12% મતદાન
દાહોદ જિલ્લામાં 12% મતદાન
વડોદરા જિલ્લામાં 13% મતદાન
છોટાઉદેપુર જિલ્લામાં 13% મતદાન
(09:40 AM)
મુખ્યમંત્રી ભૂપેન્દ્ર પટેલે શીલજના મતદાન મથકે મતદાન કર્યું. મત આપ્યા પહેલાં મુખ્યમંત્રીએ લોકોને મતદાન કરવાની અપીલ કરી હતી. આ પહેલા તેઓએ ટ્વીટ કરીને પણ મતદાન કરવાની અપીલ કરી હતી.
Ahmedabad | Gujarat CM Bhupendra Patel casts his vote for the second phase of Gujarat Assembly elections at Booth 95, Shilaj Anupam School#GujaratElections2022 #GujaratAssemblyPolls #secondphasevoting #CMBhupendraPatel pic.twitter.com/jE0Efebe1h
— VTV Gujarati News and Beyond (@VtvGujarati) December 5, 2022
(09:35 AM)
મહીસાગર જિલ્લાના ખાનપુરના બાકોર ગામે EVM મશીન ખોટકાયું છે, ખાનપુરના બાકોર ગામે બુથ 3માં EVM ખોટકાયું છે. જિલ્લા વહીવટી વિભાગ દ્વારા 2 વાર મશીન બદલવામાં આવ્યું છતાં મતદાન શરૂ ન થતા મતદારોમાં રોષ જોવા મળી રહ્યો છે.
(09:30 AM)
વાઘોડિયાના વ્યારા ગામે અપક્ષ ઉમેદવાર મધુ શ્રીવાસ્તવે મતદાન કર્યુ, મધુ શ્રીવાસ્તવે મતદાન કર્યા બાદ ભાજપ પર આક્ષેપ લગાવ્યા હતા. તેમણે કહ્યું કે, 300 કરોડનું કૌભાંડ મેં ઝડપ્યું તેથી મારી ટિકિટ કપાઈ છે. ભાજપના સાંસદે મારી ટિકિટ કાપી છે.
(09:25 AM)
વડાપ્રધાન નરેન્દ્ર મોદીએ રાણીપની નિશાન સ્કૂલ ખાતે મતદાન કર્યું છે. PM મોદી મતદાન કરવા પહોંચી રહ્યા હોવાથી રાણીપ ખાતે મોટી સંખ્યામાં સરર્થકો એકઠા થયા હતા. લાઇનમાં ઊભા રહીને PM મોદીએ વોટ આપ્યો હતો.
(09:18 AM)
મતદાન શરૂ થતાંની સાથે જ દાહોદમાં EVM ખોટકાયું છે. દેવગઢ બારીયાના સેવાનીયાના ફૂલપુરા ગામે EVM બગડ્યું છે. આણંદના સાંસદ મિતેષ પટેલ ઢોલ નગારા સાથે સહ પરિવાર મતદાન મથક પહોંચ્યા હતા. વાસદની સરદાર પટેલ વિનય મંદિર શાળામાં તેઓએ મતદાન કર્યું હતું.
(09:15 AM)
કોંગ્રેસ નેતા ભરતસિંહ સોલંકીએ દેદરડા ગામના સ્થાનિકો સાથે રહીને મતદાન કર્યું છે. ગામ લોકો દ્વારા ફૂલહાર પહેરાવીને તેમનું સ્વાગત કરવામાં આવ્યું હતું. મતદાન કર્યા બાદ ભરતસિંહ સોલંકીએ વધુને વધુ મતદાન કરવા માટે અપીલ કરી છે.
#GujaratElections | Congress leader Bharat Solanki votes in Botad
— ANI (@ANI) December 5, 2022
He says, "Congress received massive support in Saurashtra & south Guj in phase 1. Today, north Guj & central Gujarat are going to polls & you can see long queues. Come Dec 8, Cong will come to power with majority" pic.twitter.com/H3nvQMDn22
(09:10 AM)
ગુજરાતમાં આજે બીજા તબક્કાનું મતદાન ચાલી રહ્યું છે. મધ્ય અને ઉત્તર ગુજરાતના 14 જિલ્લાની 93 બેઠકો પર મતદાન ચાલી રહ્યું છે. ત્યારે ગુજરાત કોંગ્રેસ સમિતિના પૂર્વ પ્રમુખ અમિત ચાવડાએ આંકલાવ ખાતે મતદાન કર્યુ છે.
(09:07 AM)
ભાજપના ઉમેદવાર ભીખુસિંહ પરમાર પરિવાર સાથે મતદાન કરવા મોડાસાના ચારણવાડા ગામે પહોંચ્યા હતા. મતદાન કર્યા બાદ ભીખુસિંહ પરમારે જંગી બહુમત સાથે વિજયનો આશાવાદ વ્યક્ત કર્યો હતો
(09:05 AM)
ગુજરાતમાં 9 વાગ્યા સુધીમાં 3 ટકા મતદાન થયું છે. ભાજપ નેતા શંકર ચૌધરીએ રાધનપુરના વડનગર ખાતે મતદાન કર્યું, શંકર ચૌધરી થરાદ બેઠકથી ભાજપના ઉમેદવાર છે.
(09:00 AM)
બીજા ચરણમાં ખેડા જિલ્લાની છ બેઠક ઉપર મતદાન ચાલી રહ્યું છે. ઠાસરા વિધાનસભાના સેવાલીયામાં મતદારોની લાંબી લાઈનો લાગી છે, ગ્રામ્ય વિસ્તારોના મતદારો અને પહેલી વખત વોટિંગ કરનાર યુવા મતદારોમાં ભારે ઉત્સાહ જોવા મળી રહ્યો છે.
(08:57 AM)
વહેલી સવારથી જ મતદારોએ મતદાન માટે લાંબી-લાંબી લાઈનો લગાવી છે. મોડાસામાં EVM ખોટવાયું છે. થરાદમાં ધારાસભ્ય ગુલાબસિંહ રાજપૂતે અને વાવમાં ગેનીબેન ઠાકોરે મતદાન કર્યું છે. ડભોઇના ધારાસભ્ય શૈલેષ મહેતા(સોટ્ટા)એ વડોદરામાં પત્ની સાથે મતદાન કર્યું છે. નડિયાદ બેઠકના ઉમેદવાર પંકજ દેસાઈએ પત્ની સાથે મતદાન કર્યું હતું.
(08:52 AM)
ગોધરાના ભાજપના ઉમેદવાર સી.કે.રાઉલજીએ પરિવાર સાથે મતદાન કર્યું છે. મતદાન કર્યા બાદ તેઓએ બૂથમાં વ્યવસ્થાના અભાવ અંગે નારાજગી વ્યક્ત કરી છે. મત કુટીરમાં લાઈટનો અભાવ તેમજ તેમના મતદાર યાદીમાં નામ બાબતે પણ તેઓએ નારાજગી વ્યક્ત કરી છે.
(08:50 AM)
દેવગઢ બારીયાના ભાજપના ઉમેદવારે બચુભાઈ ખાબડે પીપેરો મતદાન મથકમાં મતદાન કર્યું છે. બચુભાઈ ખાબડે લોકોને મતદાન કરવા અપીલ કરી છે.
(08:45 AM)
રાધનપુર કોંગ્રેસના ઉમેદવાર રઘુ દેસાઈએ વલ્લભનગર પ્રાથમિક શાળા ખાતે મતદાન કર્યું છે, જે બાદ તેઓએ લોકોને વધુમાં વધુ મતદાન માટે અપીલ કરી છે.
(08:36 AM)
મહીસાગર જિલ્લાની સંતરામપુર વિધાનસભા બેઠકના ભાજપના ઉમેદવાર ડૉ. કુબેર ડિંડોરે પોતાના માદરે વતન ભંડારા ગામે મતદાન કર્યું, તેઓ માતા-પિતાના આશીર્વાદ તેમજ ગાયત્રી માતાના દર્શન કરી મતદાન મથકે પહોંચ્યા હતા. મતદાન કર્યા બાદ તેઓએ જંગી લીડથી જીતશે તેવો વિશ્વાસ વ્યક્ત કર્યો હતો.
(08:30 AM)
આજે PM મોદી રાણીપ મતદાન કેન્દ્ર ખાતે મતદાન કરવા આવી રહ્યા હોવાથી રાણીપ મતદાન કેન્દ્ર ખાતે સુરક્ષા વ્યવસ્થા ગોઠવાઈ છે. PM મોદીના સમર્થકો અત્યારથી જ રાણીપ ખાતે પહોંચી ગયા છે. સમર્થકો 'મોદી મોદી'ના નારા લગાવી રહ્યા છે. મતદાન કેન્દ્રની બહાર કેસરી ટોપી સાથે મોટી સંખ્યામાં સમર્થકો હાજર છે.
(08:25 AM)
મહેસાણાના ભાજપના ઉમેદવાર મુકેશ પટેલે મતદાન કર્યું છે. નગરપાલિકા પ્રમુખ વર્ષાબેન પટેલ પણ વહેલી સવારથી મતદાન માટે લાઈનમાં ઉભા રહ્યા.
(08:20 AM)
રાજ્યમાં બીજા તબક્કાનું મતદાન શરૂ થઈ ગયું છે. અમદાવાદના મતદાતાઓમાં મતદાનને લઇ ઉત્સાહ જોવા મળી રહ્યો છે. આજે મુખ્યમંત્રી ભૂપેન્દ્ર પટેલ અને પૂર્વ મુખ્યમંત્રી આનંદીબેન પટેલ શીલજમાં મતદાન કરશે.
(08:16 AM)
ગુજરાત વિધાનસભાની ચૂંટણીનું બીજા તબક્કાનું મતદાન શરૂ થયું છે. મુખ્ય ચૂંટણી અધિકારી પી.ભારતી ગાંધીનગરમાં સેક્ટર 9 ખાતે મતદાન કરશે. અધિક મુખ્ય ચૂંટણી અધિકારી કુલદિપ આર્યા પણ આજે મતદાન કરશે.
ગુજરાત ચૂંટણી 2022: મુખ્ય ચૂંટણી અધિકારી પી.ભારતી ગાંધીનગરમાં સેક્ટર 9 ખાતે કરશે મતદાન, અધિક મુખ્ય ચૂંટણી અધિકારી કુલદિપ આર્યા કરશે મતદાન#GujaratElections2022 #GujaratAssemblyPolls #secondphasevoting #Gandhinagar
— VTV Gujarati News and Beyond (@VtvGujarati) December 5, 2022
(08:10 AM)
કોંગ્રેસના દાંતાના ઉમેદવાર કાંતિ ખરાડી પર હુમલા મામલે થયેલી ફરિયાદ મામલે ચૂંટણી પંચે કાંતિ ખરાડીને વધુ સુરક્ષા આપવાનો નિર્દેશ આપ્યો છે. જે બાદ કાંતિ ખરાડીને વધારાની સુરક્ષા આપવામાં આવી છે.
(08:05 AM)
દેશના કેન્દ્રીય ગૃહમંત્રી અમિત શાહે ટ્વિટ કરીને જણાવ્યું છે કે, 'ગુજરાતમાં આજે બીજા અને છેલ્લા તબક્કાનું મતદાન છે. આ તબક્કાના તમામ મતદારોને, ખાસ કરીને યુવાનોને અપીલ કરું છું કે ગુજરાતમાં શાંતિ અને સમૃદ્ધિ સુનિશ્ચિત કરતી સરકારને પ્રચંડ બહુમતી સાથે વિજયી બનાવવા વિક્રમજનક સંખ્યામાં મતદાન કરીએ. તમારા એક મતમાં ગુજરાતનું સુવર્ણ ભવિષ્ય સમાયેલું છે.'
ગુજરાતમાં આજે બીજા અને છેલ્લા તબક્કાનું મતદાન છે. આ તબક્કાના તમામ મતદારોને, ખાસ કરીને યુવાનોને અપીલ કરું છું કે ગુજરાતમાં શાંતિ અને સમૃદ્ધિ સુનિશ્ચિત કરતી સરકારને પ્રચંડ બહુમતી સાથે વિજયી બનાવવા વિક્રમજનક સંખ્યામાં મતદાન કરીએ.
— Amit Shah (@AmitShah) December 5, 2022
તમારા એક મતમાં ગુજરાતનું સુવર્ણ ભવિષ્ય સમાયેલું છે.
(08:00 AM)
ગુજરાત વિધાનસભાની ચૂંટણીનું બીજા તબક્કાનું મતદાન શરૂ થઈ ગયું છે. ત્યારે વડાપ્રધાન નરેન્દ્ર મોદીએ ટ્વિટ કરીને લોકોને મતદાન કરવાની અપીલ કરી છે. તેમણે જણાવ્યું છે કે, 'ગુજરાત વિધાનસભાની ચૂંટણીના બીજા તબક્કાના મતદાનમાં સૌ નાગરિકોને, ખાસ કરીને યુવા તેમજ મહિલા મતદારોને, અચૂક મતદાન કરવા માટે અનુરોધ કરું છું.'
ગુજરાત વિધાનસભાની ચૂંટણીના બીજા તબક્કાના મતદાનમાં સૌ નાગરિકોને, ખાસ કરીને યુવા તેમજ મહિલા મતદારોને, અચૂક મતદાન કરવા માટે અનુરોધ કરું છું.
— Narendra Modi (@narendramodi) December 5, 2022
હું સવારે 9 વાગ્યે અમદાવાદમાં મારો મત આપીશ.
(07:40 AM)
બીજા તબક્કાના મતદાન પહેલા હાર્દિક પટેલના પત્નીએ જીતનો દાવો કર્યો છે. તેમણે કહ્યું કે, કોંગ્રેસના શાસનથી લોકો કંટાળ્યા છે. 8 ડિસેમ્બરે હાર્દિકની જીત નક્કી છે. વિરમગામના લોકો વિકાસને પસંદ કરશે. વિરમગામમાં પોસ્ટર કોને લગાવ્યા ખબર નથી.
Ahmedabad, Gujarat | This isn't a neck-to-neck fight, everyone is with Hardik. We're awaiting the results. Hardik likes challenges, & he'll overcome this challenge too. He'll definitely win: Kinjalben Patel, wife of BJP candidate from Viramgam Hardik Patel #GujaratAssemblyPolls pic.twitter.com/4t4hhQ7Lma
— ANI (@ANI) December 5, 2022
(07:35 AM)
પ્રધાનમંત્રી મોદી આજે અમદાવાદના રાણીપ ખાતે મતદાન કર્યા બાદ તેમના ભાઈના ઘરે જશે. આપને જણાવી દઈએ કે PM મોદીના મોટાભાઈ સોમાભાઈ મોદી રાણીપમાં રહે છે.
(07:25 AM)
વડોદરાના અકોટા બેઠકના અટલાદરામાં મતદારો અડધી કલાક વહેલા મતદાન પહોંચી ગયા છે. VTV સાથેની વાતચીતમાં મતદારોએ કહ્યું કે, "વહેલી સવારે મતદાન કરી આપણી ફરજ અદા કરવાની છે, દેશનો વિકાસ કરે, યુવાનો માટે કામ કરે તેવા ઉમેદવારને પસંદ કરીશું"
(07:20 AM)
ગાંધીનગર ઉત્તર વિધાનસભા બેઠક સહિત રાજ્યની 93 બેઠકો પર આજે મતદાન થવાનું છે. બીજા તબક્કાની ચૂંટણીને લઈ રીટાબેન પટેલ સાથેની વાતચીતમાં તેમણે જીતનો વિશ્વાસ વ્યક્ત કર્યો છે. ગાંધીનગર જિલ્લાની તમામ બેઠકો પર જીતનો વિશ્વાસ વ્યક્ત કર્યો છે.
(07:10 AM)
મોડાસામાં અનોખું મતદાન મથક ઉભું કરવામાં આવ્યું છે, જ્યાં માત્ર મહિલાઓ દ્વારા જ મતદાન કરવામાં આવશે. આજે 500 કરતા વધારે મહિલાઓ આ મતદાન મથક પર મતદાન કરશે. આ મતદાન મથક સંપૂર્ણ મહિલાઓ સંચાલિત મતદાન મથક છે.
(07:05 AM)
PM મોદી આજે અમદાવાદમાં મતદાન કરશે. તેઓ રાણીપ મતદાન કેન્દ્રમાં 8:30થી 9 વાગ્યાની આસપાસ મતદાન કરશે.
(07:00 AM)
કોંગ્રેસના ગુમ થયેલા ધારાસભ્ય કાંતિ ખરાડી મળી ગયા છે. આ અંગે કોંગ્રેસ પ્રદેશ પ્રમુખ જગદીશ ઠાકોરે માહિતી આપી છે. જગદીશ ઠાકોરે કહ્યું કે, કાંતિ ખરાડી સાથે ફોન પર વાત થઈ છે. ફોન પર તેઓઓ જણાવ્યું કે મારા પર હુમલો કરવામાં આવ્યો હતો. ભાજપના ઉમેદવારે હુમલો કર્યો હતો. આપને જણાવી દઈએ કે, ગઈકાલ રાતથી કાંતિ ખરાડી ગુમ હતા, તેમના ગુમ થવા મામલે જીગ્નેશ મેવાણી અને અર્જુન મોઢવાડિયાએ અપહરણનો આક્ષેપ કર્યો હતો. મોડી રાત્રે કોંગ્રેસના પ્રદેશ નેતાઓએ ચૂંટણી કમિશનરને રજૂઆત પણ કરી હતી.
(06:55 AM)
આજે રાજ્યમાં બીજા તબક્કાનુ મતદાન
14 જિલ્લાની 93 બેઠક પર મતદાન
સવારે 8થી સાંજે 5 વાગ્યા સુધી મતદાન
93 બેઠકો પર કુલ 833 ઉમેદવાર મેદાનમાં
બીજા તબક્કામાં કુલ 64 પુરૂષ ઉમેદવાર મેદાનમાં
બીજા તબક્કામાં કુલ 69 મહિલા ઉમેદવાર મેદાનમાં
સૌથી ઓછા 3 ઉમેદવાર ઈડર બેઠક પર મેદાને
બીજા તબક્કામાં 61 રાજકીય પક્ષો મેદાનમાં
બીજા તબક્કામાં કુલ 2.51 કરોડ મતદારનો સમાવેશ
બીજા તબક્કામાં કુલ 1.29 લાખ પુરૂષ મતદારનો સમાવેશ
બીજા તબક્કામાં કુલ 1.22 લાખ મહિલા મતદારનો સમાવેશ
બીજા તબક્કામાં 18થી 19 વર્ષની વયમાં કુલ 5.96 લાખ મતદાર
બીજા તબક્કામાં 99 વર્ષથી વધુ વયના 5412 મતદાર
બીજા તબક્કામાં કુલ 660 NRI મતદાર
બીજા તબક્કામાં 14,975 મતદાન સ્થળો પર મતદાન
બીજા તબક્કામાં કુલ 26,409 મતદાન મથકો
બીજા તબક્કામાં કુલ 8,533 શહેરી વિસ્તારમાં મતદાન મથકો
બીજા તબક્કામાં કુલ 17,876 ગ્રામ્ય વિસ્તારમાં મતદાન મથકો
બીજા તબક્કામાં મોડલ મતદાન મથકની સંખ્યા 93
બીજા તબક્કામાં દિવ્યાંગ સંચાલિત મતદાન મથકની સંખ્યા 93
બીજા તબક્કામાં ઈકો ફ્રેન્ડલી મતદાન મથકની સંખ્યા 93
બીજા તબક્કામાં સખી મતદાન મથકની સંખ્યા 651
બીજા તબક્કામાં 14 યુવા સંચાલિત મતદાન મથક
બીજા તબક્કામાં 13,319 મતદાન મથક પરથી વેબકાસ્ટિંગ થશે
બીજા તબક્કામાં કુલ 37,432 બેલેટ યુનિટ ઉપયોગમાં લેવાશે
બીજા તબક્કામાં કુલ 36,157 કંટ્રોલ યુનિટ ઉપયોગમાં લેવાશે
બીજા તબક્કામાં કુલ 40,066 VVPAT ઉપયોગમાં લેવાશે
સૌથી વધુ 29 ઉમેદવાર બાપુનગર બેઠક પર મેદાને
પાટણમાં 16 ઉમેદવાર હોવાથી 2 બેલેટ યુનિટ વપરાશે
નરોડા બેઠક પર 17 ઉમેદવાર હોવાથી 2 બેલેટ યુનિટ વપરાશે
બાપુનગર બેઠક પર 29 ઉમેદવાર હોવાથી 2 બેલેટ યુનિટ વપરાશે
અમરાઈવાડી બેઠક પર 17 ઉમેદવાર હોવાથી 2 બેલેટ યુનિટ વપરાશે
બીજા તબક્કામાં કુલ 1,13,325 કર્મી ફરજ પર
બીજા તબક્કામાં કુલ 29,062 પ્રિસાઈડીંગ ઑફિસર્સ તૈનાત
બીજા તબક્કામાં કુલ 84,263 પોલિંગ સ્ટાફ તૈનાત
(06:50 AM)
રાજ્યમાં બીજા તબક્કાનું મતદાન થવા જઈ રહ્યું છે. અમદાવાદના સરસપુરમાં ખુલ્લા મેદાનમાં મતદાન મથક બનાવવામાં આવ્યું છે. 2 દિવસમાં ડોમ ઉભા કરવામાં આવ્યા છે. અંદાજે લાકડાના 10 ડોમ બનાવાયા છે. અગાઉ આ મેદાનમાં કોર્પોરેશનની સ્કૂલ હતી.