અમદાવાદ / ગૂગલ પર સર્ચ કરી કસ્ટમર કેરમાં ફોન કર્યો ને યુવકે ૨૭ હજાર ગુમાવ્યા

• શહેરમાં સાયબર ક્રાઇમ વધી રહ્યા છે
• શૂઝ ડેમેજ હોવાથી રાજે પરત કરવાની પ્રોસેસ કરી હતી
• શૂઝ પરત કર્યા બાદ રિફંડ આવ્યું ન હતું

ચાણક્યપુરીમાં આવેલ નિર્માણ કોમ્પ્લેક્સમાં રહેતા જીસીએસ મેડિકલ હોસ્પિટલમાં એન્ડ રિસર્ચ સેન્ટરમાં અભ્યાસ કરતો વિદ્યાર્થી રાજ સુરાણાએ સોલા પોલીસ સ્ટેશનમાં અજાણ્યા ઈસમ વિરુદ્ધમાં ફરિયાદ કરી છે. ફરિયાદમાં જણાવ્યા મુજબ થોડા દિવસ પહેલાં આજીઓ એપ્લિએક્શન પરથી શૂઝ મગાવ્યા હતા. 

જોકે શૂઝ ડેમેજ હોવાથી રાજે પરત કરવાની પ્રોસેસ કરી હતી. શૂઝ પરત કર્યા બાદ રિફંડ આવ્યું ન હતું. જેથી રાજે ગૂગલ પરથી સર્ચ કરીને કસ્ટમર કેરનો નંબર મેળવીને ફોન કર્યો પરંતુ કોઈએ ઉપાડ્યો ન હતો. પરંતુ થોડા સમય બાદ ફોન આવતા રાજે યુવકને શૂઝના રિફંડની વાત કરી હતી. ત્યાર બાદ યુવકે રાજના મોબાઈલ પર  એક લિંક મોકલી હતી યુવકની જાળમાં ફસાઈ રાજે લિંક ઓપન કરી તમામ વિગત ભરી દીધા બાદ રાજના મોબાઈલ પર રૂ.૨૭હજાર ડેબિટ થયાનો મેસેજ આવતાં તે ચોંકી ગયા હતા.

ત્યારબાદ રાજે તેનાં તમામ કાર્ડ બ્લોક કરી દીધાં હતા. રાજ સાથે છેતરપિંડી થઇ હોવાથી સોલા પોલીસ સ્ટેશનમાં તે ઈસમ વિરુદ્ધમાં ફરિયાદ નોંધાવતાં પોલીસે યુવકની શોધખોળ શરૂ કરી છે.