ચીનમાંથી આવેલાં જીવલેણ કોરોના વાયરસ સમગ્ર વિશ્વમાં ફેલાઈ ચૂક્યો છે. રમત જગત અને ખેલાડીઓ પણ તેનાથી બચી શક્યા નથી. અત્યાર સુધી આ વાયરસથી અસરગ્રસ્ત થયેલા મોટાભાગના ફૂટબોલર છે પરંતુ હવે ક્રિકેટર આ વાયરસથી અસરગ્રસ્ત થયા હોવાના સમાચાર મળી રહ્યાં છે. ઓસ્ટ્રેલિયાના કેન રિચર્ડસન અને ન્યૂઝીલેન્ડના લોકી ફર્ગ્યૂસનમાં કોરોનાનાં લક્ષણો જોવા મળ્યાં હતાં, પરંતુ તેમની રિપોર્ટ નેગેટિવ આવી હતી.
કોરોનાનો પગપેસારો વધ્યો
ક્રિકેટ જગતમાં કોરોનાનો પહેલો પોઝિટિવ કેસ સામે આવ્યો
આ ક્રિકેટરમાં કોરોના પોઝિટિવ આવ્યું
હવે ક્રિકેટ જગતમાં કોરોનાનો પહેલો પોઝિટિવ કેસ સામે આવ્યો છે. પાકિસ્તાનના મૂળના ઓફ સ્પિનર માજિદ હકનો રિપોર્ટ કોરોના પોઝિટિવ આવ્યો છે. શુક્રવારે સ્કોટલેન્ડના પાકિસ્તાની મૂળના ક્રિકેટર માજિદ હકને કોરોના વાયરસ પોઝિટિવ મળ્યો છે.
Looking forward to potentially getting back home today after testing positive with Coronavirus. Staff at the RAH in Paisley have been good to me & thank you to everyone who has sent me messages of support. Insha Allah the Panther will be back to full health soon. #covid19UKpic.twitter.com/19QfWjzaOq
ખાસ વાત એ છે કે, ખુદ માજિદ હકે સોશિયલ મીડિયા પર પોસ્ટ કરીને આ વિશે માહિતી આપી હતી. હાલ માજિદની સારવાર ગ્લાસ્ગોની રોયલ અલેક્સાંદ્રા હોસ્પિટલમાં ચાલી રહી છે. તેમણે ટ્વિટર પર લખ્યું કે, કોરોના વાયરસ પોઝિટિવ છે જાણવા મળ્યું છે. હોસ્પિટલના સ્ટાફ અને ઠીક થવાનો સંદેશ મોકલનારાઓને આભાર. જલ્દી સ્વસ્થ થઈને પાછો આવીશ.
આંતરરાષ્ટ્રીય ક્રિકેટની વાત કરીએ તો માજિદે 2006માં બાંગ્લાદેશ સામેની વનડે મેચમાં સ્કોટલેન્ડ તરફથી ક્રિકેટમાં પદાપર્ણ કર્યું હતું. માજિદે છેલ્લે બાંગ્લાદેશ સામે વર્લ્ડ કપ 2015માં સ્કોટલેન્ડ તરફથી રમ્યું હતું.