વૈજ્ઞાનિક સંસ્થાએ તીડમાંથી પશું આહાર અને ઑર્ગેનિક ફર્ટિલાઈઝર બનાવીને ખેડૂતો માટે આવકનું સાધન પ્રદાન કર્યુ છે.
તીડની આફત બની ગઇ વરદાન
ખેડૂતોને થશે તીડનો ફાયદો
ખેડૂતોનું જીવન બદલાઇ ગયુ
આફ્રીકી દેશ કેન્યામાં તીડનું ભયાનક આક્રમણ થયું છે. ત્યાંના ખેડૂતો તો પહેલાં આ વાતથી દુ:ખી હતાં પરંતુ હવે તેઓ તીડના આવવાથી ખુશ છે. કારણ કે એક વૈજ્ઞાનિક સંસ્થાએ ખેડૂતોને કહ્યું કે, " તમે તીડને અમારી પાસે લાવો અમે તમને તેના પૈસા આપીશું. આ સંસ્થા તીડને મારીને પ્રોટીનથી ભરપૂર આહાર બનાવે છે. હવે આ પ્રક્રિયાથી ખેડૂતો પણ ખુશ છે અને પશુ આહાર ખરીદવાવાળા પણ ખુશ છે તો બીજી તરફ તીડના આક્રમણથી થયેલા નુકશાનની પણ ભરપાઈ થઈ રહી છે.
તીડના બદલે ખેડૂતોને મળે છે પૈસા
કેન્યાની આ સંસ્થા 'ધ બગ પિક્ચર' એ તીડ હુમલાથી પરેશાન ખેડુતોની જીંદગી બદલી નાંખી છે. આ સંસ્થાએ ખેડૂતોને કહ્યું કે તમે તીડને ભેગા કરીને લઈ આવો અમે તેના પૈસા આપીશું. જો ખેડૂત 1 કિલોગ્રામ તીડ ભેગા કરીને લઈ જાય છે તો આ સંસ્થા તેને 50 કેન્યન શિલિંગ એટલે કે, 33.14 રુપિયા મળે છે. તીડને રાત્રે ટોર્ચની લાઈટમાં ભેગા કરવામાં આવે છે.
'ધ બગ પિક્ચર' સંસ્થા કરે છે આ કામ
ખેડૂતો કલાકોના કલાકો કામ કરીને કેટલાંય કિલો તીડ ભેગા કરે છે. ત્યારબાદ તેને વેચીને સારા પૈસા કમાય છે. આફ્રિકાના તટીય વિસ્તારમાં સામુદ્રીક ગરમીના કારણે વરસાદ પડી રહ્યો છે. જેના કારણે તીડની સંખ્યામાં વધારો થઈ ગયો છે. 'ધ બગ પિક્ચર' આ સમયે મધ્ય કેન્યાના લાઈકિપિયા, ઈસિઓલો અને સામ્બુરુમાં ખેડૂતો પાસે તીડ ભેગા કરાવી રહ્યા છે.
તીડ એક વૈકલ્પિક પાક
' ધ બગ પિક્ચર 'માં કામ કરવાવાળાં વૈજ્ઞાનિકો આ તીડોને મારીને તેમાંથી ઑર્ગેનિક ફર્ટિલાઈઝર અને પશુ આહાર બનાવી રહ્યાં છે. આ સંસ્થાની ફાઉન્ડર લૉરા સ્ટેનફોર્ડે જણાવ્યું કે, " અમે ખેડૂતોની નિરાશાને આશામાં બદલવા માંગીએ છીએ. અમે ઈચ્છીએ છીએ કે, ખેડૂતો તીડથી હવે હેરાન પરેશાન ન થાય. તે તીડને એક વૈકલ્પિક પાક માને, જે દર વર્ષે આવશે. ખેડૂતો અમને તીડ આપે છે અમે તેમને પૈસા આપીએ છીએ"
પાકિસ્તાનમાંથી આ વિચાર આવ્યો
તીડનુ એક ઝૂંડ એક દિવસમાં 150 કિલોમીટરની સફર ખેડે છે. તીડના ઝૂંડમાં પ્રતિ વર્ગ કિલોમીટર 4 થી 8 કરોડ તીડ હોય છે. લૉરા સ્ટેનફોર્ડે જણાવ્યું કે, તેમને તીડમાંથી પ્રોટીન યુક્ત પશુ આહાર અને ફર્ટિલાઈઝર બનાવવાનો વિચાર પાકિસ્તાનમાંથી આવ્યો હતો. ત્યાં પણ ઘણા લોકો આવું જ કરે છે. પરંતુ ત્યાંની સરકાર તીડની આ સમસ્યા પર ધ્યાન જ નથી આપતી પણ અમે તો અહીં આ કામ શરુ કરી દીધું છે.
રાત્રી દરમિયાન કરાય છે તીડ ભેગા કરવાનું કામ
લૉરા સ્ટેનફોર્ડે કહ્યુ કે, અમે રાત્રિના સમયે ગામના લોકો પાસે સામુદાયિક રીતે ખેતર, પહાડ, અને ઘરમાંથી તીડને એકત્રિત કરવાનું કામ કરાવીએ છીએ. ખેડૂત આખી રાત્રી દરમિયાન કેટલાંય તીડ ભેગા કરી લે છે. તે પછી અમે તેમને તે તીડના બદલે પૈસા આપીએ છીએ. ત્યારબાદ તે તીડને કચેડી નાંખીને સુકવવામાં આવે છે. પછી તેનો પાવડર બનાવવામાં આવે છે જે પશું આહાર અને ફર્ટીલાઈઝર તરીકે ઉપયોગમાં લેવામાં આવે છે.