આજથી દેશના પાંચ મોટા રાજ્યોમાં સ્કૂલો ફરી શરૂ થવા જઈ રહી છે. કોરોનાનાં કારણે ઘણા લાંબા સમય બાદ સ્કૂલો શરૂ થઈ રહી હોવાથી સરકારોએ પણ ગાઈડલાઇન્સ જાહેર કરવી પડી હતી.
આજથી 5 રાજ્યમાં સ્કૂલ શરૂ થશે. આ પાંચ રાજ્યોમાં દિલ્હી, ઉત્તર પરદેશ, મધ્યપ્રદેશ, કર્ણાટક અને રાજસ્થાનમાં સ્કૂલ ખુલશે.
કોરોનાને કારણે સ્કૂલો બંધ કરાઈ હતી
કોરોનાનાં કારણે છેલ્લા ઘણા સમયથી શાળા કોલેજોમાં શિક્ષણ કાર્ય બંધ છે. પરંતુ હવે કેસોની સંખ્યા અગાઉની સાપેક્ષમાં ઘટી રહી છે. એક બે રાજ્યોને બાદ કરતાં દેશમાં તમામ રાજ્યોમાં કોરોનાનાં કેસ ઓછી સંખ્યામાં જોવા મળી રહ્યા છે. હવે શિક્ષણ કરી રાબેતા મુજબ શરૂ થાય તે જરૂરી છે. માટે આજથી દેશના પાંચ મોટા રાજ્યોમાં શાળાઓ શરૂ થવા જઈ રહી છે. ઉત્તરપ્રદેશ, દિલ્લી, મધ્યપ્રદેશ, કર્ણાટક અને રાજસ્થાનમાં સ્કૂલ ખુલશે.
ઉત્તરપ્રદેશમાં આજથી ધોરણ 1 થી 5 ના વર્ગો શરૂ થશે
દિલ્લીમાં આજથી ધોરણ 9 થી 12 ના વર્ગો શરૂ થશે
મધ્યપ્રદેશમાં આજથી ધોરણ 9 થી 12 ના વર્ગો શરૂ થશે
રાજસ્થાનમાં ધોરણ 9 થી 12 ના વર્ગો શરૂ થશે
કર્ણાટકમાં પણ આજથી સ્કૂલ, કોલેજો શરૂ થશે
સખત પ્રોટોકોલ સાથે ખુલશે સ્કૂલો
દિલ્હી અને ઉત્તરપ્રદેશમાં સખત પ્રોટોકોલનું પાલન કરવામાં આવશે. એટલે સુધી કે દિલ્હીમાં તો સરકાર ઓડ ઇવન સ્કીમ શરૂ કરવા પર પણ વિચારણા કરી રહી હોવાના સમાચાર આવ્યા હતા. રાજસ્થાનમાં 9 થી 12 ધોરણ માટે વર્ગો ખૂલી રહ્યા છે પરંતુ એક થી આઠ ધોરણના વર્ગો ક્યારથી શરૂ થશે તેની કોઈ જાણકારી સરકારે આપી નથી.
સખત ગાઈડલાઇન્સ પણ જાહેર
સરકારોએ સ્કૂલોને પરમીશન તો આપી દીધી છે પરંતુ સાથોસાથ સખત ગાઈડલાઇન્સ પણ જાહેર કરી દીધી છે અને તેનું પાલન અનિવાર્યપણે કરવા માટે સૂચના પણ અપાઈ છે. સોશ્યલ ડિસ્ટનસિંગ સાથે માસ્ક અને સેનેટાઈઝેશન પર ખાસ ભાર આપવામાં આવ્યો હતો. રાજસ્થાન સરકારની ગાઈડલાઇન્સ મુજબ 60% બાળકો જ સ્કૂલે જઈ શકશે 40% બાળકોને ઓનલાઈન ભણવાનું રહેશે.