દુષ્કર્મ / શાળાના આચાર્યના પુત્રએ શિક્ષિકાને બનાવી હવસનો શિકાર, બાદમાં ડુપ્લીકેટ મેરેજ સર્ટિફિકેટ પણ બનાવ્યું

• આચાર્યના પુત્રએ શિક્ષીકાને બનાવી હવસનો શિકાર 
• ધાક-ધમકી આપીને શિક્ષિકા સાથે આચર્યું દુષ્કર્મ 
• શિક્ષિકાના ડોક્યુમેન્ટ મેળવીને બનાવ્યું નકલી મેરેજ સર્ટિફિકેટ 

કેશોદમાં એક દુષ્કર્મનો બનાવ સામે આવ્યો છે. જેમા શાળામાં શિક્ષિકા તરીકે ફરજ બજાવતી યુવતી સાથે દુષ્કર્મનો શિકાર બની છે. સાંભળીને તમને નવાઈ લાગશે કે જે યુવકે દુષ્કર્મ આચર્યું છે, તે યુવક શાળાના આચાર્યનોજ પુત્ર છે. જેનું નામ અભિષેક મનસુખભાઈ આંકોલા હોવાનું સામે આવ્યું છે. જેણે એક લાચાર ગરબી યુવતીને પોતાની હવસનો શિકાર બનાવી છે. 

વાડીમાં લઈ જઈને આચર્યું દુષ્કર્મ 

પીડિતા કેશોદના ઉમિયા નગર વિસ્તારમાં રહે છે અને તે કેશોદના ડી.પી રોડ પર આવેલ વી. વી એકડમી શાળામાં શિક્ષિકા તરીકે ફરજ બજાવતી હતી. શાળાના આચાર્યનો પુત્ર પહેલા પીડિતાને તેની બાઈક પર બેસાડીને અક્ષયગઢ વાડી તરફ લઈ ગયો હતો. જ્યા તેણે તેની સાથે દુષ્કર્મ આચર્યું. 

નોકરીમાંથી કાઢી મુકવાની આપી હતી ધમકી 

તે સમયે હવસખોરે તેને નોકરીમાંથી કાઢી મુકવાની ધમકી આપીને તેની સાથે દુષ્કર્મ આચર્યું હતું. બાદમાં તે યુવતીને બીજી વખત સ્કુલની ઉપર આવેલ તેના ઘરના રૂમમાં લઈ ગયો જ્યા ફરી વખત તેણે યુવતીને પોતાની હવસનો શિકાર બનાવી હતી. 

ડુપ્લીકેટ મેરેજ સર્ટિફિકેટ બનાવ્યું 

બીજી વખત આરોપીએ જ્યારે દુષ્કર્મ આચર્યું ત્યારે તેણે પીડિતાને એવું કહ્યું હતું કે તારા ડોક્યુંમેન્ટ સ્કુલમાં આપવાના છે. યુવતીના ડોક્યમેન્ટ મેળવીને તેણે તેનું મેરેજ સર્ટીફિકેટ પણ બનાવી લીધું. આ ઘટના ગત વર્ષે બની હતી જોકે પીડિતા તે સમયે કશું બોલી ન શકી કારણકે તે ગભરાઈ ગઈ હતી. પરંતુ તેણે હિંમત કરીને સમગ્ર મામલે પોલીસમાં ફરિયાદ નોંધાવી ત્યારે સમગ્ર મામલો સામે આવ્યો