VIDEO / હાર્ટએટેકથી બસ ચલાવી રહેલો ડ્રાઈવર ઢળી પડ્યો, કૂદકો મારીને છોકરાએ સંભાળ્યું સ્ટીયરિંગ, 50 બચી ગયાં

• સ્કૂલ બસ ચલાવતા સમયે ડ્રાઈવરને આવ્યો હાર્ટ અટેક
• બસમાં સવાર 13 વર્ષનાં બાળકે સંભાળ્યું સ્ટેરિંગ
• તમામ બાળકોનો બચી ગયો જીવ, વીડિયો વાયરલ

રોડ એક્સિડેન્ટનાં કિસ્સાઓ આજકાલ ઘણાં વધી ગયાં છે.અને મોટાભાગે લોકો વાહનચાલકને જ દોષી ઘણાવતાં હોય છે. પરંતુ શું તમે કોઈ દિવસ વિચાર્યું છે કે જો ડ્રાઈવરને જ હાર્ટ અટેક આવે તો બેઠેલા પેસેન્જર્સનું શું? તમે એવી જ એક ઘટનાનો વીડિયો આજે અહીં જોઈ શકશો.

વીડિયો જોઈ ચોંકી જશો
ટ્વિટર એકાઉન્ટ પર મોટાભાગે અવનવાં વીડિયોઝ પોસ્ટ થતાં હોય છે. ત્યારે એક યુઝરે એવો જ એક અજબ વીડિયો પોસ્ટ કર્યો છે જેને જોઈને તમે ચોંકી જશો. આ વીડિયોમાં એક સ્કૂલ બસની અંદરનો સીન જોવા મળી રહ્યો છે. કોઈ પણ પબ્લિક ટ્રાંસ્પોર્ટ સાથે જોડાયેલા સાધનો ચલાવવાવાળા ડ્રાઈવરની નોકરી ઘણી પડકારરૂપ હોય છે કારણકે તેમના પર યાત્રીકોની સુરક્ષાની જવાબદારી હોય છે.  પરંતુ આ વીડિયોમાં તમે જોઈ શકો છો કે ડ્રાઈવરની પણ કોઈ ભૂલ છે નહીં. કુદરતી ધોરણે ડ્રાઈવરને બસ ચલાવતી વેળાએ જ હાર્ટ અટેક આવે છે અને તે સ્ટેયરિંગ વ્હિલ છોડી દે છે.

School bus driver suffers heart attack and 13-year-old gets behind the wheel and saves all children's lives pic.twitter.com/V0hoandvnt

— Great Videos (@Enezator) March 22, 2023

બાળકે સંભાળી સ્થિતિ
બસની અંદર લાગેલા કેમેરામાં સમગ્ર ઘટના શૂટ થઈ છે. જેમાં તમે જોઈ શકો છો કે બસમાં એક નાના છોકરાએ ડ્રાઈવરને અટેક આવે છે ત્યારે બસની કમાન પોતાના હાથમાં લે છે. 13 વર્ષનો આ બાળક પોતાની સીટ પરથી દોડીને આવે છે અને સ્ટીયરિંગ વ્હિલ સંભાળવાનાં પ્રયત્નો કરે છે. તમામ બાળકો પેનિક થઈ ગયાં છે પરંતુ બસને સાચવી રહેલો આ બાળક શાંત રહીને સ્ટેરિંગ સાચવે છે. ત્યારબાદ તે ડ્રાઈવરની છાતી પણ પ્રેસ કરવા લાગે છે. ત્યારબાદ એક અન્ય બાળક આવે છે અને બસને રોકી દે છે. આ રીતે બસમાં બેઠેલા બાળકોનો જીવ બચી જાય છે.

આ વીડિયો થઈ રહ્યો છે વાયરલ
આ વીડિયોને 95 લાખથી વધારે વ્યૂઝ મળી ચૂક્યાં છે અને અનેક લોકો કમેન્ટ પણ કરી રહ્યાં છે. એક યૂઝરે તો કહ્યું કે અચાનક હાર્ટ અટેકનાં મામલા આજકાલ વધી રહ્યાં છે, સારું થયું કે બાળકે મદદ કરી.