વાહ / અમદાવાદી યુવકની ગજબ શોધ, પ્રજ્ઞાચક્ષુઓને પુસ્તકો વાંચી સંભળાવે છે આ કીમોસ્કેનર

સામાન્ય રીતે દિવ્યાંગ વિધ્યાર્થીઓને વાંચવા માટે ભારતમાં હજુ એવી કોઈ બુક્સ બની નથી જેથી દિવ્યાંગ વિદ્યાર્થીઓને ઘણા નોલેજથી વંચિત રહેવું પડે છે અને જો કોઈ બુક્સ વાંચવા માંગતા હોય તો તે બુક્સનું કોઈ પાસે રેકોર્ડિંગ કરાવવુ પડે અને પછી તેને સાંભળીને એ જાણતા હોય છે કે, બુક્સમાં શુ કહેવા માંગે છે. 

પરંતુ હવે દિવ્યાંગ વિદ્યાર્થીઓએ રેકોર્ડિંગ પર આધાર રાખવો નહીં પડે. કેમ કે, ગુજરાત યુનિવર્સિટીએ અમદાવાદના સોફ્ટવેર ડેવલોપર યુવાનની સાથે મળીને ગુજરાત યુનિવર્સિટી લાયબ્રેરીમાં અનોખું સેક્શન ઊભુ કર્યું છે જેમાં દિવ્યાંગ વિદ્યાર્થી જે પણ બુક્સ વાંચવા માંગતા હશે તે બુક્સ તેઓ ઓડિયો સ્વરુપે સહેલાઈથી સાંભળી શકશે.

દિવ્યાંગજનો માટે આશીર્વાદરૂપ આ સ્કેનરની શોધ બોની દવે નામના યુવાને 2017માં કરી હતી અને તેનું નામ આપ્યું હતું કીમો. આ કીમો સ્કેનર બનાવતા પહેલા બોનીએ  100 કરતા વધુ દિવ્યાંગ લોકોને મળ્યો હતો. ત્યારે તેને એ ખ્યાલ આવ્યોકે, દિવ્યાંગ જનોને સૌથી વધુ સમસ્યા વાંચનમાં નડતી હતી. 

આ પ્રશ્નોને સોલ્વ કરવા માટે અમદાવાદના બોની દવે નામના યુવકે રાત દિવસ મહેનત કરીને આખરે એક ડિવાઈસ બનાવ્યું જેનું નામ આપ્યુ કીમો સ્કેનર.. આ સ્કેનર કોઈ પણ પ્રકારની વધારાની મહેનત કર્યા વગર આખી બુક્સ સ્કેન કરી દેશની 10 ભાષામાં સરળતાથી વાંચી આપે છે. જેથી હવે દિવ્યાંગ લોકો માટે આ ડિવાઈસ આશીર્વાદરૂપ બનશે.

હવે ધોરણ 10-12માં પરીક્ષા આપતા તેમજ કોલેજમાં અભ્યાસ કરતાં  દિવ્યાંગ વિદ્યાર્થીઓએ ઓડિયો બુક્સની રાહ જોવી નહી પડે. તેમના માટે ગુજરાત યુનિવર્સિટીની લાયબ્રેરીમાં લગાવેલી આ ડિવાઈસ આશીર્વાદરૂપ થશે અને તેઓ કોઈ પણ બુકસને વાંચી શકશે.