તપાસ / આણંદમાં કબૂતરબાજીના કૌભાંડનો પર્દાફાશ, 173 નકલી સર્ટિફિકેટ મળી આવ્યા, એક શખ્સની અટકાયત

• આણંદમાં કબૂતરબાજીના કૌભાંડનો પર્દાફાશ
• દેશની વિવિધ યુનિવર્સિટીના નકલી સર્ટિફિકેટ મળી આવ્યા 
• 16 ઓરિજનલ સહિત 189 નકલી સર્ટિફિકેટ મળી આવ્યા

રાજ્યમાં વધુ એકવાર કબુતરબાજીના કૌભાંડનો પર્દાફાશ થયો છે. આણંદ  એસઓજીએ નકલી સર્ટિફિકેટના આધારે  વિદેશ  મોકલવાનું કૌભાંડ ઝડપી પાડ્યું છે. ચાંગા ચારુસેટ યુનિવર્સિટી પાસે આવેલી પ્રાઈમ કોમ્પ્લેક્ષમાંથી દેશની જુદી જુદી યુનિવર્સિટીની શેક્ષણિક સંસ્થાના નકલી સર્ટિફિકેટ મળી આવ્યા છે.

પોલીસે રોનક પંડ્યા નામના શખ્સની કરી અટકાયત
આણંદના પ્રાઈમ કોમ્પ્લેક્ષમાંથી કબૂતરબાજીનો કૌભાંડ ઝડપાયું છે. જ્યાંથી દેશની વિવિધ યુનિવર્સિટીના નકલી સર્ટિફિકેટ મળી આવ્યા છે. 16 ઓરિજનલ સહિત 189 નકલી સર્ટિફિકેટ મળી આવ્યા છે. જેમાં 173 જેટલા નકલી સર્ટિફિકેટ મળી આવ્યા છે. જે સમગ્ર મામલે પોલીસે રોનક પંડ્યા નામના શખ્સની અટકાયત કરી છે. જ્યાંથી SOGએ કુલ 85 હજારનો મુદ્દામાલ જપ્ત કર્યો છે તેમજ પોલીસ તપાસમાં અનેક ખુલાસાઓ સામ આવી શકે છે જેને લઈ પોલીસે સમગ્ર મામલે વધુ તપાસ હાથ ધરી છે.

SOGએ કુલ 85 હજારનો મુદ્દામાલ કર્યો જપ્ત
આણંદ એસ.ઓ.જીએ બાતમીના આધારે  રેડ કરી હતી જેમાં 16 ઓરીજીનલ સહિત 189 નકલી સર્ટિફિકેટ મળી આવ્યા હતાં. રોનક પંડ્યા રહે નરસંડાની અટકાયત કરી છે તેમજ અન્ય બે આરોપીઓ દેવેન્દ્ર પટેલ અને નીસીથ અંગે પોલીસે વધુ તપાસ હાથ ધરી છે. પોલીસે આરોપીની ઓફિસથી કમ્પ્યુટર, પ્રિન્ટર, આઇફોન, બેન્કની પાસબુક તેમજ એટીએમ કાર્ડ, અને ચેકબુક સહિતના દસ્તાવેજો જપ્ત કર્યો છે. પોલીસ તપાસમાં આગામી દિવસોમાં રાજ્યવ્યાપી કૌભાંડ બહાર આવે  તેવી પણ ચર્ચાઓ ચાલી રહી છે.