દેશની સૌથી મોટી સરકારી બેંક સ્ટેટ બેંક ઓફ ઇન્ડિયા (SBI) એ હોળી પહેલાં ગ્રાહકોને મોટી ભેટ આપી છે. SBIએ રિટેલ ટર્મ ડિપોઝિટ (ફિક્સ ડિપોઝિટ)(FD) ના દરમાં ફેરફાર કર્યા છે. બેંકે કુલ 9 સમયગાળા વાળી FD ના વ્યાજદરમાં 10 માંથી 50 બેસિસ પોઇન્ટનો વધારો કર્યો છે. SBIએ આ દર 1 કરોડથી ઓછી જમા રકમ પર વ્યાજ વધાર્યું છે. નવા વ્યાજ દર આજ એટલે કે 28 ફેબ્રુઆરીથી લાગૂ થઇ જશે. તમને જણાવી દઇએ કે આ પહેલાં 30 જાન્યુઆરીએ સ્ટેટ બેંકે 1 કરોડથી વધુ જમા પર વ્યાજ દરોમાં 50 થી 140 બેસિસ પોઇન્ટનો વધારો કર્યો હતો.
કેટલા સમયગાળાની FD પર કેટલું વ્યાજ?
- બેંકે 7 થી 45 દિવસની FD પર વ્યાજ દર 5.25% થી વધારીને 5.75% કર્યું છે.
- 180 થી 210 દિવસના સમયગાળા માટે વ્યાદર 6.25% થી 6.35% કરવામાં આવ્યું છે.
- 211 દિવસોથી લઇને એક વર્ષની ઓછા સમયગાળા માટે વ્યાજ દર 6.25%થી વધારીને 6.40% કરવામાં આવ્યું છે.
- એક વર્ષના સમયગાળા માટે FD પર વ્યાજ દર 6.25% થી વધારીને 6.40% કરવામાં આવ્યું છે.
- એક વર્ષથી વધુ 455 દિવસ માટે વ્યાજ દર 6.25% થી વધારીને 6.40% કરવામાં આવ્યું છે.
- બેંકે 456 દિવસથી માંડીને બે વર્ષથી ઓછા સમયગાળા માટે વ્યાજ દર 6.25%થી વધારીને 6.40% કરવામાં આવ્યું છે.
- બે વર્ષથી ત્રણ વર્ષથી ઓછા સમય માટે વ્યાજ દર 6% થી વધારીને 6.50% કરવામાં આવ્યું છે.
- 3 વર્ષથી 5 વર્ષથી ઓછા સમયગાળા માટે વ્યાજદર 6% થી વધારીને 6.50% કરવામાં આવ્યું છે.
- 5 વર્ષથી 10 વર્ષના સમયગાળા માટે FD પર વ્યાજ દર વધારીને 6.50% કરવામાં આવ્યું છે.
ટર્મ ડિપોઝિટ અને ફિક્સ્ડ ડિપોઝિટમાં શું છે ફરક
ટર્મ ડિપોઝિટ એક દમ ફિક્સ્ડ ડીપોઝિટ જેવી જ હોય છે. ફરક માત્ર એટલો જ છે કે 3 મહિના અથવા તેનાથી ઓછા સમય માટે જમા કરવામાં આવેલી રકમને ટર્મ ડિપોઝિટ અને 6 મહિનાથી વધુ અથવા તેનાથી વધુ સમય માટે રોકાણ કરવામાં આવેલી રકમને ફિક્સ્ડ ડિપોઝિટ એટલે કે FD કહેવામાં આવે છે. ટર્મ ડિપોઝિટ જો કે તે રોકાણકારો માટે હોય છે જે પોતાની રકમ પર કોઇપણ રિક્સ લીધા વિના ઓછા સમયમાં સારું રિટર્ન મેળવવા માંગે છે. ટર્મ ડિપોઝિટ થોડા દિવસોથી માંડીને થોડા મહિનાઓ સુધીની હોય છે.