SBIના ગ્રાહકો આજે છે છેલ્લો મૌકો નહીં તો બંધ થઇ જશે એકાઉન્ટ

જો તમે ભારતીય સ્ટેટ બેંક ઑફ ઇન્ડિયા (SBI) ના ગ્રાહક હોવ અને તમે બેંકની ઇન્ટરનેટ બેન્કિંગ સેવાઓનો ઉપયોગ કરતાં હોય તો તમારો મોબાઇલ નંબર બેન્કમાં રજીસ્ટર કરાવી દો. SBIના એકાઉન્ટ હોલ્ડર્સ માટે આજે એટલે કે શુક્રવારે અંતિમ તક છે કે તે પોતાના ખાતાને લઇને કેટલાંક જરૂરી સુધારા કરાવી લે નહી તો શનિવારથી નવા મહિનાની શરૂઆત સાથે અનેક સુવિધાઓ બંધ થઇ જશે.

SBI 1 ડિસેમ્બરથી 3 નિયમોમાં ફેરફાર કરવા જઇ રહ્યું છે. બેંકે મહિનાના અંત સુધીમાં ઇન્ટરનેટ બેન્કિંગ ગ્રાહકોને બેંકમાં મોબાઇલ નંબર રજીસ્ટર કરાવાનું કહ્યું છે. આ તમામ ગ્રાહકોએ 30 નવેમ્બર પહેલા પોતાનો મોબાઇલ નંબર બેંકમાં રજીસ્ટર કરાવાનો રહેશે.

બંધ થઇ શકે છે તમારુ ખાતુ:

જો નિર્ધારિત સમય મર્યાદામાં તમે તમારો મોબાઇલ નંબર રજીસ્ટર નહી કરાવ્યો હોય તો બેંક તકફથી તમારુ એકાઉન્ટ 1 ડિસેમ્બરથી બંધ કરી દેવામાં આવે તેવી શક્યતા છે. તેવામાં તમે એકાઉન્ટમાંથી કોઇ ટ્રાન્જેક્શન નહી કરી શકો.

બેંકે વેબસાઇટ પર જણાવ્યું છે કે રિઝર્વ બેંક ઑફ ઇન્ડિયાની ગાઇડલાઇન હેઠળ જો તમે બેન્કની ઇન્ટરનેટ બેન્કિંગ સેવાનો પ્રયોગ કરતા હોય તો તમારે બેન્કમાં તમારો મોબાઇલ નંબર રજીસ્ટર કરાવો પડશે. 

રિઝર્વ બેન્કે આપ્યા હતાં આદેશ:

ઉલ્લેખનીય છે કે રિઝર્વ બેંકે તાજેતરમાં જ કોમર્શિયલ બેન્કો માટે ગાઇડલાઇન બહાર પાડી હતી જેમાં કહેવામાં આવ્યું હતું કે બેન્ક ઇન્ટરનેટ બેન્કિંગ પ્રયોગ કરનાર ગ્રાહકોને પોતાનો મોબાઇલ નંબર રજીસ્ટર કરવા કહે જેથી કોઇપણ ઇલેક્ટ્રોનિક ટ્રાન્જેક્શન પર તેમને SMS દ્વારા એલર્ટ મોકલી શકાય.