ઓફર / ઘર ખરીદવાનું વિચારી રહ્યાં હોવ તો પહેલાં SBIની આ નવી ઓફર વિશે એકવાર જાણી લો, તમારો જ ફાયદો થશે

• નવું ઘર ખરીદનારાઓ માટે સારાં સમાચાર
• એસબીઆઈ સસ્તા દરે આપી રહી છે હોમ લોન
• દેશની સૌથી મોટી બેંકમાં આ રીતે લોન માટે કરો એપ્લાય

1 જુલાઈથી એસબીઆઈનો હોમ લોન રેટ 6.95 ટકા વાર્ષિકથી શરૂ થાય છે. એસબીઆઈની વેબસાઈટ પરથી મળેલી જાણકારી મુજબ મહિલાઓને 6.95 ટકા વાર્ષિક શરૂઆતી વ્યાજદર પર હોમ લોન મળે છે. મહિલાઓ માટે હોમ લોન રેટ 0.05 ટકા ઓછું છે. જોકે, અન્ય લોકો માટે વ્યાજ 7 ટકાથી શરૂ થાય છે. ઉદાહરણ તરીકે માની લો કે 15 વર્ષ માટે 20 લાખ રૂપિયાની હોમ લોન લેવામાં આવે તો તેના પર 6.95 ટકા હોમ લોન રેટ લાગશે. 

ઉપરોક્ત લોનની માસિક ઈએમઆઈને જોઈએ તો દર મહિને 17921 રૂપિયા હપ્તો આવશે. એસબીઆઈ હોમ લોનનો લાભ લેવો હોય તો તરત જ ઈન પ્રિન્સિપલ અપ્રૂવલ માટે યોનો એસબીઆઈ એપથી એપ્લાય કરો. 

આ સિવાય તમે https://homeloans.sbi/ અને એસબીઆઈ બ્રાન્ચમાં જઈને પણ લોન માટે એપ્લાય કરી શકો છો. તમને જણાવી દઈએ કે કોરોના સંકટને કારણે રિઝર્વ બેંકે છેલ્લા 3 મહિનામાં બેવાર રેપો રેટમાં ઘટાડો કર્યો છે. અત્યારે રેપો રેટ તેના સૌથી નીચા દરે છે. આ ઘટાડા બાદ ટર્મ લોન સસ્તી થઈ ગઈ છે.