ફેસ્ટિવ સીઝનમાં પોતાના રિટેલ ગ્રાહકો માટે ભારતીય સ્ટેટ બેંક ઘણી ઓફર્સ લઈને આવી છે. દેશની સૌથી મોટી બેંકે જાહેરાત કરી છે કે, યોનો એપ દ્વારા કાર, ગોલ્ડ, હોમ અથવા પર્સનલ લોન માટે અરજી કરનારા ગ્રાહકોને કોઈ પ્રોસેસિંગ ફીસ ચૂકવવી નહીં પડે. કાર લોન લેવા માંગતા ગ્રાહકોને 7.5 ટકાના વ્યાજથી લોન મળશે. સાથે જ કેટલાક સિલેક્ટેડ મોડલ્સ પર 100 ટકા ઓન રોડ ફાઈનાન્સિંગની સુવિધા પણ મળશે.
એસબીઆઈના ગ્રાહકો માટે સારાં સમાચાર
ફેસ્ટિવ સીઝનમાં બેંક લાવી જોરદાર ઓફર્સ
હવે ઓછાં ચાર્જિસ સાથે મેળવો લોન
ઘર ખરીદનારા માટે પણ એસબીઆઈ ઓફર્સ લઈને આવી છે. અપ્રૂવ્ડ પ્રોજેક્ટ્સમાં ઘર ખરીદનારા ગ્રાહકોને હોમ પર કોઈ પ્રોસેસિંગ ફીસ નહીં આપવી પડે. સાથે જ બેંક સારાં ક્રિડેટ સ્કોર અને વધુ લોન અમાઉન્ટવાળા ગ્રાહકોને વ્યાજદરમાં 0.10 ટકાની સ્પેશિયલ છૂટ આપી રહી છે. જો ગ્રાહકો યોનો એપ દ્વારા એપ્લાય કરે છે તો તેને 0.5 ટકા એક્સ્ટ્રા છૂટ મળશે.
ગોલ્ડ લોન લેનારા ગ્રાહકો માટે પણ સ્પેશિયલ ઓફર
ગોલ્ડ લોન લેનારા ગ્રાહકો માટે પણ સ્પેશિયલ ઓફર છે. એસબીઆઈના ગ્રાહકોને 7.5 ટકા લઘુતમ વ્યાજદર પર 36 મહિના સુધી રિપેમેન્ટની સુવિધા મળશે. હાલની સ્થિતિને ધ્યાનમાં રાખવા ક્રેડિટકાર્ડ ધારકોને બેંક 9.6 ટકાના દરથી પર્સનલ લોન ઓફર કરી રહી છે.
ડિજિટસ બેંકિંગના વધતા ઉપયોગ અને માંગને જોતા એસબીઆઈએ યોનો એપ યુધર્સ માટે પણ ઓફર્સ લઈને આવી છે. એપ દ્વારા ગ્રાહકોને ઈન-પ્રિન્સિપલ અપ્રૂવલના આધારે કાર અને ગોલ્ડ લોન માટે અરજી કરી શકે છે.
આ રીતે પ્રિ-અપ્રૂવ્ડ લોન માટે યોગ્યતા ચેક કરો
માત્ર 4 ક્લિક્સમાં જ એસબીઆઈના ગ્રાહકોને પ્રિ-અપ્રૂવ્ડ પેપરલેસ પર્સનલ લોન યોનો એપ દ્વારા મળી જશે. આના માટે ગ્રાહકોએ પહેલાં પોતાની યોગ્યતા ચેક કરવી પડશે. જેના માટે ગ્રાહકોએ PAPL <space> <last 4 digits of SBI a/c no.> ટાઈપ કરી 567676 પર SMS
કરવો પડશે.