સતીશ કૌશીકનાં મૃત્યુથી બોલિવૂડ શોકમગ્ન બન્યું છે ત્યારે મિત્ર અનીલ કપૂરથી લઈને ઘણાં લોકોએ પોતાનું દુ:ખ વ્યક્ત કરતી પોસ્ટ કરી હતી.
સતીશ કૌશીકનાં મૃત્યુથી બોલિવૂડ શોકમગ્ન
બેસ્ટફ્રેન્ડ્ઝ અનીલ કપૂર અને અનુપમ ખેરને લાગ્યો આઘાત
અનેક બોલિવૂડ સ્ટારે આપી સોશિયલ મીડિયા પર શ્રદ્ધાંજલિ
બોલિવૂડમાં હાલ શોકમગ્ન વાતાવરણ છવાઈ ગયું છે કારણકે ભારતીય ફિલ્મજગતે એકાએક બોલિવૂડનું રત્ન ગુમાવ્યું છે. સતીશ કૌશિકનાં દુ:ખદ મૃત્યુ પછી મિત્રો-પરિવારજનો અને ફેન્સ સહિત તમામ લોકો પોતાની સતીશ કૌશિક સાથેની યાદો સોશિયલ મીડિયા પર ટાંકી શ્રદ્ધાંજલિ પાઠવી રહ્યાં છે.
અનિલ કપૂરને લાગ્યો આઘાત
પરિવાર અને નજીકી મિત્રો માટે આ સૌથી કપરો સમય છે. કોઈએ વિચાર્યું પણ નહોતું કે અચાનક આ દુ:ખદ બનાવ ઈન્ડસ્ટ્રીમાં બનશે. સતીશ કૌશિકનાં આ ઈન્ડસ્ટ્રીમાં 2 બેસ્ટફ્રેન્ડઝ હતાં. અનિલ કપૂર અને અનુપમ ખેર... આ બંનેને સતીશ કૌશિકના મૃત્યુનો આઘાત લાગ્યો છે. અનિલ કપૂર અને અનુપમ ખેર બંનેએ પોતાના સોશિયલ મીડિયા પર પોતાનાં ફોટોઝ શેર કર્યાં છે જેમાં તેમણે નેશનલ સ્કૂલ ઓફ ડ્રામાનાં સમયની કેટલીક પળો દર્શાવી છે.
અનીલ કપૂરે જે ફોટોઝ શેર કરી છે તેમાં તેમણે કેપ્શનમાં લખ્યું કે 'ઈન્ડસ્ટ્રનાં લોરેલ્સે પોતાની હાર્ડીને ગુમાવી છે. ત્રણ મસ્કીટિયર્સે પોતાના સૌથી ટેલેન્ટેડ, નાજુક દિલ વ્યક્તિ અને નાના ભાઈને હંમેશા માટે અલવિદા કહ્યું છે. તમે ઘણાં જલ્દી જતાં રહ્યાં નાના ભાઈ...આઈ લવ યૂ સતીશ. '
સલમાન ખાને પણ કરી પોસ્ટ
એટલું જ નહીં... દબંગ ભાઈજાન પણ સતીશ કૌશિકનાં એકાએક મોતથી દુ:ખ અનુભવી રહ્યાં છે. એક્ટર સકીશ કૌશિકની સાથે તેમણે ફોટો પોસ્ટ કરી જેમાં 3 ખાન ભાઈઓ અને વચ્ચે સતીશ દેખાઈ રહ્યાં છે.
અનુપમ ખૈરે પોતાના જીગરી મિત્રને ગુમાવ્યો
સતીશનાં અંતિમ દર્શન સમયે મિત્ર અનુપમ ખૈરે પણ પ્રતિક્રિયા આપી. તેમણે કહ્યું કે મારી ગઈકાલે સાંજે જ સતીશ સાથે વાત થઈ હતી...તેમણે કહ્યું કે તેમની જગ્યા કોઈ નહીં ભરી શકે, તેમના જેવો એક્ટર, તેમના જેવો મિત્ર તેમના જેવો હસમુખ વ્યક્તિ...ઘણું અઘરૂં છે તેમના જેવો વ્યક્તિ હોવું. મિત્ર હોય છે એ ક્યારેક પરિવારજનોથી પણ વધારે નજીકનો હોય છે...