જાણવા જેવું / 600 છોડ વાવો અને 30 કરોડની કમાણી કરો: લાલસોનાની ખેતી તરફ વળ્યા ખેડૂતો, 12 વર્ષે છપ્પરફાડ

• રેડ ગોલ્ડ એટલે ચંદન
• ચંદનની કિંમત લાખોમાં આંકવામાં આવે છે
• ભારતના ઘણા ખેડૂતો આ ખેતી તરફ વળી રહ્યાં છે

ખેડૂત પોતાનું સંપૂર્ણ જીવન ખેતરમાં વિતાવે છે તેમ છતા તે સારા પૈસા કમાઈ શકતા નથી. જેને લઈ મોટાભાગના ખેડૂતો પરંપરાગત ખેતીથી કંટાળીને કંઈક નવું - કંઈક જૂદુ કરી રહ્યા છે. જો તમે ખેડૂત છો  અને કરોડોનો નફો કમાવવા માંગો છો તો તમારી માટે એક જોરદાર ખેતી વિશે અમે માહિતી લઈને આવ્યા છીએ. આ ખેતી કરવાથી તમે અમુક સમયાંતરે કરોડપતિ બની શકો છો તેમજ ખાસ વાત એ છે આની માંગ આખી દુનિયામાં છે અને લોકો તેને રેડ ગોલ્ડના નામથી ઓળખે છે.

લાખો રૂપિયામાં વેચાય
જેને લોકો લાલ સોનું તરીકે ઓળખે છે તેને સામાન્ય ભાષામાં ચંદન કહેવાય છે. બજારમાં ચંદનની કિંમત લાખોમાં આંકવામાં આવે છે અને તેનું એક વૃક્ષ લાખો રૂપિયામાં વેચાય છે. જો તમે થોડાક ચંદન વાવી શકો છો તો આવનારા સમયમાં આ ચંદન તમને કરોડો રૂપિયાની કમાણી આપી શકે છે. જો કે, તેની ખેતી એટલી સરળ નથી જેના માટે  ઘણી મહેનત કરવી પડે છે. પરંતુ જેટલી મહેનત કરશો તેવો ફળ પણ સામે મળશે

એક હેક્ટર જમીનમાં 600 છોડ વાવી શકાય
જો તમને ચંદનની ખેતીની વાત કરીએ તો એક છોડ રૂ.100-150ની વચ્ચે મળી જશે. ખેડૂત ભાઈઓ ઈચ્છે તો એક હેક્ટર જમીનમાં 600 છોડ વાવી શકે છે અને આ છોડ 12 વર્ષમાં મોટો ઝાડ બની શકે જશે  અને 30 કરોડ રૂપિયા સુધીનો નફો આપી શકે છે. એક ચંદનનું વૃક્ષ 6 લાખ રૂપિયા સુધીની કમાણી આપી શકે છે. જેને લઈ ભારતના ઘણા ખેડૂતો આ ખેતી તરફ વળી રહ્યાં છે.

સરકાર સહાય આપે છે
ચંદનની ખેતીમાં સૌથી સારી વાત એ છે કે આ ખેતી માટે સરકાર પણ સહાય આપે છે. અમુક વર્ષો પહેલા ભારતમાં ચંદનની ખેતી પર પ્રતિબંધ હતો એટલે કે ખેડૂતોએ સરકારની પરવાનગી લીધા પછી જ ચંદનની ખેતી કરી શકતા હતા. પરંતુ સરકાર હવે 28-30 હજાર રૂપિયાની સહાય પણ આપી રહી છે. જો કે, સરકારે હજુ પણ ચંદનની ખરીદી પર પ્રતિબંધ મૂક્યો છે એટલે કે ખેડૂતો પાસેથી માત્ર સરકાર જ ચંદન ખરીદી શકે છે.