સેમસંગના ફલેગશીપ ફોન ગેલેકસી એસ 10 (Samsung Galaxy s10) અને ગેલેક્સી એસ 10 પ્લસ પ્રીમિયમ સેગમેન્ટમાં યુઝર્સમાં ખૂબ પોપ્યુલર છે. સેમસંગ તેના એસ સિરીઝના ગેલેક્સી એસ 11 (Samsung Galaxy s11) પર કામ કરી રહી છે.
s11ની સીધી સ્પર્ધા ગુગલ, હુઆવેના ફલેગશીપ ફોન ઉપરાંત આઇફોન 11 પ્રો મેક્સ સાથે
Samsung Galaxy s11માં 1 ટીબી સુધી સ્ટોરેજ હોઇ શકે છે
છેલ્લા બે-ત્રણ વર્ષથી લગભગ તમામ કંપનીના નવા ફોનની ડિટેઇલ્સ લીક થાય છે. તેમાં ગેલેક્સી એસ 11 પણ બાકાત નથી. લીક થયેલી વિગતો એસ 11 સિરિઝના ફોન 2020ના ફેબ્રુઆરીના ત્રીજા અઠવાડિયામાં લોન્ચ થશે. રિપોર્ટ અનુસાર, સેમસંગની હાઇ-પ્રોફાઇલ અનપેક્ડ ઇવેન્ટ 18 ફેબ્રુઆરી, 2020 ના રોજ થઈ યોજાઇ શકે છે. એસ 10 ફોન 20 ફેબ્રુઆરી, 2019 ના રોજ લોન્ચ કરાયા હતા અને તેનું વેચાણ 8 માર્ચથી શરૂ થયું હતું.
Samsung Galaxy s11 ફોન અનેક અપગ્રેડ સાથે આવશે તેવું માનવામાં આવી રહ્યું છે. તેની સીધી સ્પર્ધા ગુગલ, હુઆવેના ફલેગશીપ ફોન ઉપરાંત આઇફોન 11 પ્રો મેક્સ સાથે થશે. એપલે 11 સિરિઝના ફોનમાં કેમેરા પર ખાસ ધ્યાન આપ્યું છે. ગેલેક્સી એસ 11 પણ જોરદાર કેમેરા સિસ્ટમ સાથે આવી શકે છે. રિપોર્ટ મુજબ સેમસંગ આ સ્માર્ટફોનમાં 108 મેગાપિક્સલનો કેમેરા હશે. જે 5 એકસ ઓપ્ટિકલ ઝૂમ સપોર્ટ સાથે આવશે. આ સેન્સર અગાઉ શાઓમીના એમઆઇ મીક્સ આલ્ફા કોન્સેપ્ટ ફોનમાં જોવા મળી ચૂક્યો છે.
એસ 11માં બટનલેસમાં ડિઝાઇન હશે અને સ્પીડોમીટર જેવા ફિચર પણ હશે. એસ 11માં 1 ટીબી સુધી સ્ટોરેજ હોઇ શકે છે. એવું પણ કહેવાય છે કે સેમસંગ ગેલેક્સી એસ 11 સિરીઝનું એક મોડેલ એસ પેન સાથે લોન્ચ શકે છે. જે ગેલેક્સી નોટ સિરીઝને બદલશે. એસ પેન આમ તો સેમસંગની નોટ સિરીઝ માટે એકસકલુઝીવ છે. પણ સેમસંગ ગેલેકસી 11 સાથે આ પરંપરા તોડી શકે છે.