Samsung Galaxy A9 (2018) અને Samsung Galaxy A7 (2018) ભારતમાં સસ્તા બની ગયા છે. કંપનીએ બંને સ્માર્ટફોનનાં ભાવમાં ઘટાડો કર્યો છે. આ હેન્ડસેટ Samsungની ઓફિસિઅલ ઑનલાઇન શોપિંગ સાઇટ પર નવી કિંમતે ઉપલબ્ધ છે. બીજી બાજુ, એક જાણીતા રિટેલરે માહિતી છે કે આ બંને ફોન ઓફલાઇન સ્ટોર્સમાં પણ સસ્તા બની ગયા છે છે.
અગાઉ, Samsung Galaxy A7 (2018)ની કિંમતમાં જાન્યુઆરીમાં ઘટાડો થયો હતો.Samsung Galaxy A9 (2018)ની કિંમત એપ્રિલમાં ઘટાડવામાં આવી હતી. કંપનીની વેબસાઇટની લિસ્ટિંગ અનુસાર, Samsung Galaxy A9 (2018) 6GB RAM+128GBની કિંમત રૂ. 25,990 થશે. અગાઉ, આ ફોનની કિંમત રૂ. 28,990 હતી. તેનું 8GB+128 GB વેરિઅન્ટ હવે 28,990 રૂપિયામાં વેચવામાં આવશે, જેની મૂળ કિંમત 31,990 રૂપિયા હતી. Samsung Galaxy A9 (2018) ગયા વર્ષે નવેમ્બરમાં રૂ. 36,9090ની કિંમતે લોન્ચ કરવામાં આવ્યો હતો.
Samsung Galaxy A7 (2018) 6BG+64GB વેરિઅન્ટ રૂ.15,990માં વેચાઈ રહ્યો છે. તેની જૂની કિંમત 18,990 રૂપિયા હતી. આ હેન્ડસેટના 6GB+128GB મોડલનું વેચાણ રૂ. 19,990માં થઈ રહ્યું છે, તેની જૂની કિંમત 22,909 રૂપિયા હતી. ગયા વર્ષે સપ્ટેમ્બરમાં Samsung Galaxy A7(2018) રૂ. 23,900 ની પ્રારંભિક કિંમતે લોંચ કરવામાં આવ્યો હતો.
જોકે આ અંગે સ્પષ્ટતા કરવામાં આવી નથી કે આ કિંમતમાં ઘટાડો કાયમી ધોરણે છે કે પછી થોડા સમય માટે, ગ્રાહકો આ સ્માર્ટફોનને બદલાયેલી કિંમતમાં Samsungના ઑનલાઇન શોપ અથવા તો ઑફલાઇન રિટેલ સ્ટોરથી ખરીદી શકે છે. નવી કિંમત Paytm Mall તથા એેમેઝોન પર જોઇ શકાય છે.
Samsung Galaxy A7 (2018) અને Samsung Galaxy A9 (2018)એ મિડ-રેન્જ સ્માર્ટફોન છે. Samsung Galaxy A7 (2018) 6-ઇંચની ફુલ HD+ડિસ્પ્લે સાથે આવે છે, જ્યારે Samsung Galaxy A9 (2018)માં 6.3-ઇંચની ફુલ HD+ સ્ક્રીન આપી છે. બંને ફોન ઓક્ટા-કોર પ્રોસેસરથી ચાલે છે. Samsung Galaxy A9 (2018)માં ચાર રીઅર કેમેરા સાથે આવે છે, જ્યારે ગેલેક્સી A7 (2018) ત્રણ રીઅર કેમેરા સાથે આવે છે.