ચીનની દિગ્ગજ કંપની અલીબાબાના સ્થાપક જેક મા પણ 2020માં અચાનક ગાયબ થઈ ગયા હતા. કેટલાય મહિનાઓ ગાયબ થયા બાદ તે ક્યારેક જાપાનમાં તો ક્યારેક થાઈલેન્ડમાં દેખાયા હતા.
ઈન્વેસ્ટમેન્ટ બેન્કર્સમાંના એક બાઓ ફૈન અચાનક ગુમ
કર્મચારી બે દિવસથી તેમનો સંપર્ક નથી કરી શક્યા
કંપનીના શેરમાં 50 ટકાનો ઘટાડો જોવા મળ્યો છે
ચીનમાં સરકાર સામે પડવું ખૂબ જ મુશ્કેલ છે. પછી ભલે તમે મજૂર હોય કે અબજોપતિ બિઝનેસ મેન. ચીનમાં અલીબાબાના ફાઉન્ડર જેક માની સ્ટોરી જૂની નથી થઈ ત્યાં હવે તેમના જેવી જ સ્ટોરી બીજા અબજોપતિ બેંકર સાથે બની છે. ચીનના સૌથી હાઈ-પ્રોફાઈલ ઈન્વેસ્ટમેન્ટ બેન્કર્સમાંના એક બાઓ ફૈન અચાનક ગુમ થઈ ગયા છે. તેમની કંપનીએ પોતે તેમના ગુમ થવાની જાણ કરી છે.
Bao Fan, chairman and CEO of Beijing-based China Renaissance Holdings, is missing, according to a Thursday filing, adding to a recent string of disappearances of high-profile business executives in China. https://t.co/MN7Oq5yg2Kpic.twitter.com/7jrU7QRve4
મીડિયા અહેવાલ અનુસાર,કંપનીએ ગુરુવારે શેર બજારમાં આ વાતની જાણકારી આપી છે. ત્યારબાદ કંપનીના શેરમાં 50 ટકાનો ઘટાડો જોવા મળ્યો છે. ફર્મએ શેર બજારને જણાવ્યું કે ચાઈના રેનેસા હોલ્ડિંગ્સના સીઈઓ બાઓ ફૈનનો સંપર્ક નથી રહ્યો. કંપનીએ એ નથી જણાવ્યું કે તેઓ કેટલા સમયથી લાપતા છે. ચીની ન્યૂઝ એજન્સી કૈક્સિનએ સૂત્રોના અહેવાલથી જણાવ્યું કે કર્મચારી બે દિવસથી તેમનો સંપર્ક નથી કરી શક્યા.
કોન છે બાઓ ફૈન
બાઓ ફૈન ચીનના બેકિંગ સેક્ટરના સૌથી મોટી હસ્તિઓમાંથી એક છે. તેઓ ચીનના એક મોટા ડીલબ્રોકર છે. બાઓની તાકાતનો અંદાજ એ વાત પરથી લગાવી શકાય છે તે તેના ક્લાઈન્ટમાં ચીનની ટોપ ટેક્નોલોજી કંપનીઓ દીદી અને મીટુઆન સામેલ છે. બાઓ ફૈનની કંપનીના આ ખુલાસા બાદ બીજી ટ્રેડ અને ટેક્નોલોજી કંપનીઓના વરિષ્ઠ અધિકારી પર પણ ચીની સરકારની કાર્યવાહીની તલવાર લટકી રહી છે.
કંપનીના શેર તૂટ્યા
બાઓના ગુમ થવાથી કંપનીના રોકાણકારોમાં ખલબલી મચી ગઈ છે અને શેર બજારમાં કંપનીની નોટિસ બાદ શુક્રવારે ચીનના રેનેસાંના શેર બજારમાં હોંગકોંગ સ્ટોક એક્સચેન્જમાં 50 ટકા ઘટાડો થયો હતા. એક ખાનગી મીડિયાએ અહેવાલ આપ્યો કે કંપનીએ કહ્યું કે તે બાઓનાં ગુમ થવા પાછળ કોઈ જાણકારીથી વાકેફ નથી જે દર્શાવે છે કે કોઈ મોટું કાવતરું હોય શકે છે.
Another uber rich and famous person has suddenly gone missing in China. Without the rule of law and the protection of basic rights, everyone and every business live in fear of the CCP's erratic wrath. https://t.co/IZiFrY1Mii
શું જેક મા જેવા હાલ થયા
બાઓની સ્ટોરી સાંભળ્યા પછી જેક માની સ્ટોરી સામે આવે છે. ચીનની દિગ્ગજ કંપની અલીબાબાના સ્થાપક જેક મા પણ 2020માં અચાનક ગાયબ થઈ ગયા હતા. કેટલાય મહિનાઓ ગાયબ થયા બાદ તે ક્યારેક જાપાનમાં તો ક્યારેક થાઈલેન્ડમાં દેખાયા હતા. પરંતુ તે 2020 થી જાહેર જીવનથી દૂર છે.
બ્લૂમબર્ગના અહેવાલ મુજબ, બાઓની તેમની કંપનીના પ્રમુખ કોંગ લિન સંબંધિત ભ્રષ્ટાચારના કેસમાં મહિનાઓથી પૂછપરછ કરવામાં આવી રહી હતી. આ જ માહિતી તેના પરિવારના સભ્યોને પણ આપવામાં આવી છે. આ સમાચારે ફરી એકવાર દેશમાં બિઝનેસ અને ટેકનિકલ દિગ્ગજો પર સરકારની સંભવિત કાર્યવાહીની ચિંતા ફરી વધારી દિધી છે.