Same Sex Marriage / 'છોકરા-છોકરી જ બની શકે પતિ-પત્ની' બીજું કોઈ નહીં'? સજાતિય લગ્નને લઈને ચીફ જસ્ટીસનો મોટો સવાલ

• સેમ સેક્સ મેરેજને લઈને SCમાં સુનાવણીનો ત્રીજો દિવસ
• CJIએ પૂછ્યું કે લગ્ન માટે 2 અલગ-અલગ લિંગનાં હોવું જરૂરી ? 
• CJIએ કહ્યું કે મામલાને અયોધ્યા કેસની જેમ સાંભળશું

Same Sex Marriage: સમલૈંગિક લગ્નનાં મુદે સુપ્રીમ કોર્ટમાં હાલમાં સુનાવણી ચાલી રહી છે. ગુરુવારે ત્રીજા દિવસે સુનાવણી દરમિયાન કેન્દ્ર અને અરજદારોની દલીલો સાંભળ્યાં બાદ SCએ આ મુદા પર કેટલીક ટિપ્પણીઓ કરી હતી.

ચીફ જસ્ટિસ ડી.વાઈ. ચંદ્રચૂડે આ દરમિયાન પ્રશ્ન કર્યો કે શું લગ્ન કરવા માટે 2 અલગ-અલગ લિંગનાં હોવું જરૂરી છે? CJIએ આ દરમિયાન કેટલીક ટિપ્પણીઓ પણ કરી હતી. તેમણે કહ્યું કે સમલૈંગિક સંબંધ માત્ર શારીરિક નથી પરંતુ તેનાથી વધારે ઈમોશનલ સંબંધ છે. 69 વર્ષ જૂનાં મેરેજ એક્ટનું વિસ્તરણ કરવું ખોટું નથી. 

Vishwanathan : All that is needed is to add husband, wife or "spouse" in Special Marriage Act. Rest will follow. They (Govt) need to tailor it.#SupremeCourt #SameSexMarriage #LGBTQIA

— Live Law (@LiveLawIndia) April 20, 2023

ચીફ જસ્ટિસે શું શું કહ્યું?

• ચીફ જસ્ટિસે કહ્યું કે સમલૈંગિક લગ્ન માટે જૂનાં સ્પેશિયલ મેરેજ એક્ટનાં વિસ્તરણમાં કંઈ ખોટું નથી.
• સુપ્રીમ કોર્ટે જે રીતે અયોધ્યા મામલાની સુનાવણી કરી એવી જ રીતે આ સમગ્ર મામલાની સુનાવણી કરશે.
• કોર્ટે ગુરુવારે સુનાવણીની સંપૂર્ણ રૂપરેખા નક્કી કરી દીધી છે જેના આધાર પર હવે આગળ સુનાવણી થશે.
• કોર્ટે કહ્યું કે અમે માત્ર એટલું જ જોશું કે સ્પેશિયલ મેરેજ એક્ટમાં સમલૈંગિક લગ્નની વ્યાખ્યા શું કરી શકાશે?
• CJIએ કહ્યું કે અમે આ મામલાને અયોધ્યા કેસની જેમ સાંભળશું.
• અરજદારે સુપ્રીમ કોર્ટમાં દલીલ કરતાં કહ્યું કે નૈતિકતાનો આ મુદો 1800નાં દશકામાં આવ્યો હતો.