સંબિત પાત્રાએ કહ્યું કે સત્યેન્દ્ર જૈન માટે જેલમાં 10 લોકો રાખવામાં આવ્યાં છે જે તેમની સેવા કરી રહ્યાં છે. દરરોજ તેમનો એક વીડિયો સામે આવી રહ્યો છે.
દિલ્હી ચૂંટણીને લઇને બીજેપી જોશમાં
સંબિત પાત્રાએ AAP પર કર્યાં પ્રહારો
સત્યેન્દ્ર જૈનથી લઇ કેજરીવાલ પર કરી ટિપ્પણીઓ
દિલ્હી એમ.સી.ડી ચૂંટણીઓને લઇને તમામ પક્ષ રાજનિતીનાં નવા ખેલ રમી રહ્યું છે. ચૂંટણીનાં આ માહોલમાં કેજરીવાલનાં મંત્રી સત્યેન્દ્ર જૈનનો જેલમાંથી વધુ એક વીડિયો સામે આવ્યો છે. આ વીડિયોને લઇને પણ બીજેપીએ આપ પર પ્રહારો કર્યાં છે. બીજેપીનાં પ્રવક્તા સંબિત પાત્રાએ પ્રેસ કોન્ફેરેન્સ કરીને દિલ્હીનાં મુખ્યમંત્રી અરવિંદ કેજરીવાલ પર નિશાન સાધ્યું છે. સંબિત પાત્રાએ કહ્યું કે રોજ એક નવો વીડિયો સામે આવી રહ્યો છે, દિલ્હીનાં લોકો જાણે છે કે રોજ સવારે ટીવી પર સત્યેન્દ્ર જૈનનો નવો વીડિયો સામે આવશે.
સંબિત પાત્રાએ કરી તીખી વાતો
પાત્રાએ કહ્યું કે સત્યેન્દ્ર જૈન માટે જેલમાં 10 લોકો રાખવામાં આવ્યાં છે જે તેની સેવા કરી રહ્યાં હોય છે. દરરોજ તેમનો એક નવો વીડિયો સામે આવે છે. તેમણે કહ્યું કે આ અતિ ગંભીર મુદો છે કે ઘૃણાસ્પદ અપરાધમાં જેલમાં બંધ થયેલ વ્યક્તિ કઇ રીતે ડિક્ટેટ કરી રહ્યો છે. પાત્રાએ દિલ્હીનાં સીએમ પર નિશાન સાધતાં કહ્યું કે કેજરીવાલ કઇ રીતે ખોટું બોલીને ચાલી રહ્યાં છે. તે કહે છે કે સત્યેન્દ્ર જૈન ફિઝ્યોથેરેપિસ્ટ પાસેથી મસાજ લઇ રહ્યાં છે જ્યારે તે રેપિસ્ટ છે.
કેજરીવાલને નૌટંકીબાજ કહ્યું
પાત્રાએ કહ્યું કે અન્ના હજારેજી એ સાચું કહ્યું હતું કે અરવિંદ કેજરીવાલજીનાં મગજ પર પાવર ચઢી ગયો છે. આજે એવું લાગે છે કે ઇન્ડિયન જ્યૂડિશરીથી વધુ કેજરીવાલનાં સર્ટિફિકેટની આવશ્યકતા છે. જો કેજરીવાલ કહે કે આ તમામ લોકો ભ્રષ્ટ છે તો તે ભ્રષ્ટ છે. કોઇ પણ રાજ્યની ચૂંટણી આવે છે તો આ પ્રકારની નૌટંકી શરૂ થઇ જાય છે. તે કહેવા લાગે છે કે અમે આવી રહ્યાં છીએ. અમારો સર્વે આવી ગયો છે અને બધાં ડરી ગયાં છે. હિમાચલ, ઉત્તરાખંડમાં પણ આ જ કામ કર્યું હતું. મને તો નવાઇ લાગે છે કે તે જો બાઇડન પર કેમ પ્રહાર નથી કરતાં. હવે ડરવાનું માત્ર બાઇડનને જ છે બાકી તો બધાં તેમનાથી ડરે જ છે.
CAG રિપોર્ટ પર કેજરીવાલ પર સાધ્યું નિશાન
સત્યેન્દ્ર જૈનને લઇને પાત્રાએ કહ્યું કે તેમને આજ સુધી બેલ મળી નથી. પંજાબનાં સ્વાસ્થ્યમંત્રીની સીડી બહાર આવી ગઇ તો તેને પણ કાઢવું પડ્યું. હું કેજરીવાલનો કાચો ચિઠ્ઠો લાવ્યો છું. CAG રિપોર્ટ કહે છે કે ચાર વર્ષોમાં દિલ્હીનું દેવું 7 ગણું વધી ગયું છે. લગભગ 3 હજાર કરોડનું દેવું દિલ્હી પર છે. અમે તો કેજરીવાલનાં ભ્રષ્ટાચારને મોટા પડદાં પર દેખાડ્યાં છે. કેજરીવાલને ચેલેન્જ કરતાં પાત્રાએ કહ્યું કે તમે તો સ્ટિંગ માસ્ટર છો, હવે સ્ટિંગથી ડરો કેમ છો?