કૉફી વિથ કરણમાં આ અઠવાડિયે અક્ષય કુમારની સાથે સાઉથ સ્ટાર સામંથા પ્રભુ જોવા મળશે. આ સ્પેશિયલ એપિસોડમાં અક્ષય અને સામંથાનો ડાન્સ કરતો વીડિયો સોશિયલ મીડિયામાં છવાયો છે.
કૉફી વિથ કરણ આ વખતે વધુ સ્પેશિયલ બનશે
અક્ષય અને સામંથાનો ડાન્સ કરતો વીડિયો સો. મીડિયામાં છવાયો
ઓ અંટાવા ગીત પર બંનેએ એકસાથે ડાન્સ કર્યો
સામંથા અક્ષય સાથે ઓ અંટાવા ગીત પર કરી રહી છે ડાન્સ
આ વખતે કૉફી વિથ કરણ વધુ સ્પેશિયલ થવાનુ છે. કારણકે આ વખતે શોમાં બોલીવુડના ખેલાડી અક્ષય કુમાર અને સાઉથની હસીના સામંથા પ્રભુ પહોંચી રહી છે. બંને અલગ-અલગ ઈન્ડસ્ટ્રી સાથે સંબંધ ધરાવે છે, જો કે, બંને પોતાની પ્રોફેશનલ અને પર્સનલ લાઇફને લઇને ઘણુ કહેતા દેખાશે. શોનો પ્રોમો સામે આવી ગયો છે, તો આ દરમ્યાન એક વીડિયો પણ વાયરલ થઇ રહ્યો છે, જેમાં સામંથા અક્ષય સાથે ઓ અંટાવા ગીત પર ડાન્સ કરી રહી છે અને તે પણ નોટી અંદાજમાં.
કૉફી વિથ કરણ 7ના અપકમિંગ એપિસોડનો એક વીડિયો સોશિયલ મીડિયામાં છવાયો છે, જેમાં સામંથા પ્રભુ બોલીવુડના ટૉપ અભિનેતા અક્ષય કુમાર સાથે ઓ અંટાવા ગીત પર હુક સ્ટેપ કરી રહી છે. બંને એકબીજા સાથે ઘણા કમ્ફર્ટેબલ મહેસૂસ કરી રહ્યાં છે અને તેમનો આ ડાન્સ હવે સોશિયલ મીડિયામાં વાયરલ થઇ રહ્યો છે. સામંથાનુ આ ગીત હાલમાં ખૂબ લોકપ્રિય થયુ હતુ. જેમાં તેમની સાથે અલ્લૂ અર્જુન હતો. આ ગીતે સાઉથમાં જ નહીં, પરંતુ વિદેશમાં પણ ધૂમ મચાવી હતી.
સામંથા પ્રભુ અને અક્ષય કુમાર બંને હોટસ્ટાર પર સ્ટ્રીમ થનારા સેલિબ્રિટી ટૉક શો કૉફી વિથ કરણમાં જોવા મળશે. જ્યાં બંને પોતપોતાની ઈન્ડસ્ટ્રીને લઇને વાત કરશે જ પરંતુ પહેલી વખત સામંથા નાગા ચૈતન્યા સાથેના છૂટાછેડાને લઇને અમુક વાત જણાવી શકે છે.