પ્રશંસનીય / સલામ આ રાજ્યની પોલીસને, કર્યું એવું કામ કે 100 પરિવારોની આંખો ઠરી 

• દિલ્હીની પોલીસ ચલાવી રહી છે ઓપરેશન મિલાપ 
• આ અભિયાન અંતર્ગત 100 બાળકોને અત્યાર સુધી તેમના પરિવારો સાથે કરાવ્યો મેળાપ 
• દિલ્હી સહિત આસપાસના શહેરોમાંથી ગુમ થયેલા બાળકોને શોધવામાંઅ આવે છે 

તાજેતરમાં, દિલ્હી પોલીસ ના સાઉથ ડિસ્ટ્રિક્ટના એન્ટી હ્યુમન ટ્રાફિકિંગ યુનિટને સારી સફળતા મળી હતી. તેમણે અત્યાર સુધી કુલ 100 બાળકોનો તેમના પરિવારોની સાથે મેળાપ કરાવ્યો હતો. ઓપરેશન મિલાપ અંતર્ગત સાઉથ ડિસ્ટ્રિક્ટએ આ વર્ષે 100 બાળકોને તેમના પરિવારોની સાથે મેળવી આપ્યા છે, એન્ટી હ્યુમન ટ્રાફિકિંગ યુનિટના SI મોહમ્મદ શફીક, SI વીરેન્દ્ર એર ASI એમપી સિંહે આ બાળકોને તેમના પરિવારની સાથે મેળવવામાં મુખ્ય ભૂમિકા ભજવી છે. 

દિલ્હી સહિત ઘણા રાજ્યોથી બાળકોને શોધવામાં આવ્યા છે

દિલ્હી પોલીસ ના સાઉથ ડિસ્ટ્રિક્ટ ડીસીપી અતુલ ઠાકુરના જણાવ્યા અનુસાર, આ બાળકોને ફક્ત દિલ્હી જ નહીં, બિહાર, ઉત્તર પ્રદેશ, રાજસ્થાન અને પશ્ચિમ બંગાળ કબજે કરવામાં આવ્યા છે. તમામ બાળકો દિલ્હી અને નજીકના શહેરોમાંથી ગુમ થયા હતા. જેમાંથી મોટાભાગના દિલ્હી માં ગુમ થયાના રિપોર્ટ છે. જે બાદ પોલીસે 'ઓપરેશન મિલાપ' અંતર્ગત તેમના વિશેની માહિતી એકઠી કરવાની શરૂઆત કરી હતી. 

પોલીસ અધિકારીઓના જણાવ્યા અનુસાર, મોટાભાગના બાળકો, કોઈ કારણસર, અથવા ગુસ્સે થયા હોય અથવા ઘરેથી લડતાં, ટ્રેન અથવા બસમાં બેસીને બીજા શહેર પહોંચી જાય છે અને પછી તેમની પાસે કોઈ વિકલ્પ ન રહેતા તેઓ ભટકવાનું  શરૂ કરે છે. આમાંના ઘણા બાળકો જે તે શહેરોની પોલીસ ને તેમનું સાચું સરનામું કહેવામાં અસમર્થ છે, જેના કારણે એક અનાથ તરીકે તેઓ જીવવાનું શરૂ કરે છે.  

ગુમ થયેલા બાળકોને શોધવાની કામગીરીના લીધે મળે છે પ્રમોશન 

દિલ્હી પોલીસ કમિશનરે ગુમ થયેલ બાળકોને શોધવા પર આઉટ ટર્ન પ્રમોશન એટલે કે OTP આપવાની યોજના શરૂ કરી છે અને તેના કારણે મોટી સંખ્યામાં પોલીસ કર્મચારીઓ દ્વારા ગુમ થયેલ બાળકોને શોધવાનું કામ કરી રહી છે. તાજેતરમાં, દિલ્હી પોલીસમાં હેડ કોન્સ્ટેબલ સીમા ઢાકાને લગભગ 3 મહિનામાં ગુમ થયેલા 76 બાળકોને શોધવા માટે આઉટ ઓફ ટર્ન પ્રમોશન આપવામાં આવ્યું હતું અને ASI તરીકે પદોન્નતિ આપવામાં આવી હતી.