મુલાકાત / સલમાન ખાન અમદાવાદની મુલાકાતે : ગાંધી આશ્રમમાં રેટિંયો કાત્યો, ફેન્સે ભાઇજાનની ઝલક જોવા કરી પડાપડી

• સલમાન ખાન અમદાવાદની મુલાકાતે
• ફિલ્મના પ્રમોશન માટે અમદાવાદમાં ભાઇજાન
• એક ઝલક જોવા અધીરા બન્યા ફેન્સ

સલમાન ખાને લીધી આશ્રમની મુલાકાત
દબંગ ખાનની ફિલ્મ અંતિમ થોડા દિવસ પહેલા જ રિલીઝ થઇ છે અને બોક્સ ઓફીસ પર તે સુપર હિટ રહી છે. ત્યારે સલમાન અમદાવાદ આવ્યો છે અને ગાંધી આશ્રમની મુલાકાત લીધી હતી. ગાંધી આશ્રમમાં તેણે રેંટિયો પણ કાત્યો હતો. 

ફિલ્મના પ્રમોશન માટે અમદાવાદમાં સલમાન
ભાઇજાને તેના સાળા આયુષ શર્મા સાથે અંતિમ નામની ફિલ્મ કરી છે અને તેના જ પ્રમોશન માટે તે અમદાવાદની મુલાકાતે આવ્યો છે. ભાઇજાનની એક ઝલક માટે ફેન્સે પડાપડી કરી દીધી હતી. અંતિમ એ એક મરાઠી ફિલ્મની રિમેક છે. 

સુતરની આંટી લકીની જેમ પહેરી
સલમાને જ્યારે ગાંધી આશ્રમની મુલાકાત લીધી ત્યારે તેનું પણ સુતરની આંટીથી સન્માન કરવામાં આવ્યું હતુ પરંતુ સલમાને ગળાની જગ્યાએ હાથમાં લકીની જેમ તે આંટી પહેરી હતી અને તે પહેરીને જ આખા આશ્રમની મુલાકાત લીધી હતી. 

બેરીકેટ તોડ્યા
સલમાનની એક ઝલક જોવા માટે ફેન્સ ગાંડાતૂર બન્યા હતા. પોતાનો ફેવરિટ સ્ટાર અમદાવાદમાં પોતાની નજરો સામે હોય તો ફેન્સ કેવી રીતે શાંત રહી શકે. તેને જોવા માટે લોકોએ પડાપડી કરી હતી. બેરિકેટ તોડી દેવામાં આવ્યા હતા અને આશ્રમમાંથી નીકળતા સમયે સલમાનની ગાડીને લોકોએ ઘેરી લીધી હતી. 

આયુષ શર્માને ટ્રોલ કરવામાં આવ્યો
આયુષ શર્માએ ફિલ્મ 'અંતિમ - ધ ફાઈનલ ટ્રુથ'માં નેગેટિવ રોલ કર્યો છે અને આ ફિલ્મમાં સલમાન ખાન લીડ રોલ કરી રહ્યો છે. ફિલ્મને બોક્સ ઓફિસ પર સારી શરૂઆત મળી છે અને માનવામાં આવી રહ્યું છે કે તે સારી કમાણી કરવામાં સફળ રહેશે. દરમિયાન આયુષે તેની ડેબ્યુ ફિલ્મ લવયાત્રીના દિવસોને યાદ કર્યા હતા. તેણે કહ્યું જ્યારે મારી પહેલી ફિલ્મ આવી ત્યારે પણ લોકોએ મને ટ્રોલ કર્યો હતો અને મેં કેટલીક કૉમેન્ટ્સ પણ વાંચી હતી. 

સલમાને કૂતરો લૉન્ચ કર્યો હોત તો...
આયુષે કહ્યું, 'મેં એવી કોમેન્ટ્સ વાંચી કે 'આયુષ શર્માને બદલે સલમાન ખાને કૂતરાને લૉન્ચ કરવો જોઈએ'. કોઈએ લખ્યું કે 'હું છોકરી જેવો દેખાઉં છું અને મારે અભિનય ન કરવો જોઈએ'. આ બધા પછી હું સોશ્યલ મીડિયાથી દૂર જ રહ્યો છું. મારું Instagram પર એક પબ્લિક એકાઉન્ટ છે જે હું હેન્ડલ કરતો નથી. હું Twitter પર નથી અને મારું Instagram પર પ્રાઇવેટ એકાઉન્ટ છે જ્યાં હું મારા મિત્રો માટે તસવીરો શેર કરું છું.