ધમકી / મુંબઈના પોલીસ કમિશનરને મળવા પહોંચ્યો સલમાન ખાન, જાણો શું છે કારણ

• સુપર સ્ટાર સલમાન ખાન અને પિતાને મળી ઘમકી
• લોરેન્સ બિશ્નોઇ ગેંગે આપી હતી સુપરસ્ટારને ઘમકી 
• ધમકી મળતા સ્ટાર પહોચ્યો મુંબઈ પોલીસ સ્ટેશન

સુપર સ્ટાર સલમાન ખાન આજે મુંબઈ પોલીસ કમિશનરને મળવા પહોંચ્યો હતો. સલમાન ખાન મુંબઈના પોલીસ કમિશનર વિવેક ફણસલકરને મળ્યા હતા અને પોતાના ઘરે જવા રવાના થયા હતા. થોડા દિવસ પહેલા લોરેન્સ બિશ્નોઇ ગેંગે તેના પિતા સલીમ ખાન અને તેને જાનથી મારી નાખવાની ધમકી આપી હતી. સલીમ ખાન રોજની જેમ સવારે ફરવા માટે ઘરની બહાર ગયો હતો. જે બાંકડા પર તેઓ અવારનવાર બેસતા હતા, તેના પર તેમને એક પત્ર લખેલો જોવા મળ્યો. તેમાં ધમકી આપવામાં આવી હતી કે તેને અને સલમાન ખાનને પંજાબી ગાયક સિદ્ધુ મોસવાલાની જેમ જ મારી નાખશું. આ પછી સલમાન ખાનની પોલીસ સુરક્ષા વધારી દેવામાં આવી હતી.

#WATCH | Maharashtra: Actor Salman Khan leaves from the office of Mumbai Commissioner of Police Vivek Phansalkar pic.twitter.com/1NsJ2T375a

— ANI (@ANI) July 22, 2022

ઘમકીઓ મળી હતી
ધમકીઓ મળ્યા બાદ સલમાન ખાને પોતાની સુરક્ષા માટે હથિયાર રાખવાના લાયસન્સ માટે પણ અરજી કરી હતી. આજે સલમાન ખાને મુંબઇ પોલીસ કમિશનરને મળીને પોતાની સુરક્ષા સાથે જોડાયેલી અપડેટ લેવા અને તેમને આપવામાં આવેલી ધમકીઓ અંગે વિસ્તૃત જાણકારી આપી હતી.

દિલ્હી પોલીસે કરી હતી પૂછપરછ 
લોરેન્સ બિશ્નોઈ હાલ દિલ્હીની જેલમાં બંધ છે. જ્યારે દિલ્હી પોલીસે લોરેન્સ બિશ્નોઈને ધમકીભર્યા પત્ર અંગે પૂછપરછ કરી ત્યારે તેણે સ્પષ્ટ પણે પીછેહઠ કરી હતી. તેણે કહ્યું કે તે જાણતો નથી કે તેના નામે ધમકીભર્યો પત્ર કોણે જારી કર્યો હતો. પરંતુ લોરેન્સ બિશ્નોઇએ કબૂલ્યું હતું કે, થોડા વર્ષો પહેલા કાળા હરણના શિકારના કેસમાં તે સલમાન ખાન પર ખૂબ ગુસ્સે થયો હતો અને પછી તેણે તેના એક સાથી સંપત નેહરાને મારી નાખવા કહ્યું હતું. લોરેન્સ બિશ્નોઇએ પૂછપરછ દરમિયાન કબૂલાત પણ કરી હતી કે તેણે આ હેતુ માટે 3-4 લાખ રૂપિયાની કિંમતની ખાસ આરકે સ્પ્રિંગ રાઇફલ પણ મંગાવી હતી. પરંતુ તે કામ પાર પાડે તે પહેલા જ પોલીસે તેની ધરપકડ કરી લીધી હતી. લોરેન્સ બિશ્નોઇએ કહ્યું હતું કે જ્યાં સુધી સલમાન ખાન આ કેસમાં માફી નહીં માંગે ત્યાં સુધી તેના બિશ્નોઇ સમાજના લોકો સલમાન ખાનને માફ નહીં કરે. તેણે કહ્યું હતું કે જો સલમાને માફી નહીં માંગી તો 1998માં કાળિયાર હરણની હત્યાના કેસમાં કોર્ટનો નિર્ણય સલમાન માટે અંતિમ નિર્ણય નહીં હોય.