બિગબોસ 15ની ધમાકેદાર શરૂઆત થઇ ચૂકી છે અને આ સિઝનમાં OTTના કન્ટેસ્ટન્ટ રહી ચૂકેલ પ્રતિક સહજપાલ છવાયેલો છે.
પ્રતિક સહજપાલ થયો સલમાનના ગુસ્સાનો શિકાર
વિકેન્ડ કા વારમાં સલમાને પ્રતિકને ધમકાવ્યો
વિધીના બાથરૂમની સ્ટોપર પ્રતિકે તોડી હતી
પ્રતિક પહેલા દિવસે જંગલવાસીઓને નિશાનો બનાવીને તેમના પર ભારે પડતો દેખાઇ રહ્યો છે. આક્રમક પરિસ્થિતિમાં તેણે એવું કર્યું કે વિકેન્ડ કા વારમાં સલમાને પ્રતિકને ખખડાવ્યો હતો.
પ્રતિકે વિધી સાથે લીધો પંગો
બિગ બોસ 15ના પહેલા વિકેન્ડ કા વારના એક વીડિયોએ સોશ્યલ મીડિયા પર ખળભળાટ મચાવ્યો હતો. સામે આવેલા આ પ્રોમોમાં સલમાન પ્રતિક અને વિધી વચ્ચે બાથરૂમવાળા મામલાને લઇને પ્રતિક પર ભડકતો નજરે આવે છે. જેનાથી સાબિત થાય છે કે સલમાન બાથરૂમવાળી ઘટનાથી ખુબ નારાજ છે.
સલમાન ખાન પ્રતિક તરફ ઇશારો કરીને કહે છે, કોઇ કે'ત કે મારી મા અને બહેન બાથરુમમાં હોય ત્યારે પણ હું ગેમ માટે આવું જ કરતો? વિધિ ઇચ્છત તો તારી ધૂળ કાઢી શકતી હતી. જો મારી મા-બેન હોત તો હું તારી...વીડિયોને લઇને કેટલાક લોકો દાવો કરી રહ્યાં છે કે સલમાન ખાને બાથરૂમવાળી ઘટનાને લઇને પ્રતિકને ધમકાવ્યો છે.
શું હતો મામલો
વિધિ પંડ્યા ગાર્ડન એરિયાના એક વોશરૂમમાં ન્હાઇ રહી હતી અને તે વચ્ચે જ પ્રતિકે બાથરૂમની સ્ટોપર તોડી નાંખી હતી. જે બાદ કરન કુન્દ્રા, વિશાલ, જય ભાનુશાલી અને અન્ય લોકોને આ વાતની ફરિયાદ કરે છે. જેને લઇને ઘરના લોકો પ્રતિક પર ભડકી ઉઠે છે.