મુંબઇ: બોલીવુડના ક્યૂટ સ્ટારકિડ તૈમૂર અલી ખાનની ચર્ચા દરરોજ થાય છે. સૈફ અલી ખાન અને કરીના કપૂરના પુત્રનું દરેક લોકો દીવાના છે. એની ક્યૂટનેસ જોઇને લોકો દીવાના થઇ જાય છે. જો કે સૈફ અને કરીના પુત્રની પ્રાઇવેસીને લઇને મીડિયાને ભલામણ પણ કરે છે કે વધારે ફોટો લીક ના કરે. ઘણી વખત તો સૈફ મીડિયા પર ગુસ્સે પણ થઇ જાય છે. ગત વર્ષે લંડનમાં સૈફે કમેરા પર્સનને એના ફેમિલી ફોટોને સતત ક્લિક કરવા માટે ખબહ ખખડાવ્યો હતો.
હવે આ વખતે ફરીથી એક વખત ફોટોગ્રાફર્સ પર ગુસ્સો કરતાં કહ્યું કે એ આવું ના કરે. થયું એવું કે થોડાક કલાકો પહેલા કરીને અને સૈફ પુત્ર સાથે પટોડી માટે રવાના થયા. એ દરમિયાન તૈમૂર સૈફના ખભા પર બેઠેલો હતો.
આ ઉપરાંત કરીના પણ સાથે હતી. હંમેશાની જેમ આ વખતે પણ પેપરાઝીએ એના ફોટો ક્લિક કર્યા. ફોટોગ્રાફર્સ તૈમૂરનો ફોટો ક્લિક કરી રહ્યો હતો ને એ જ દરમિયાન સૈફ ભડક્યો. એને ગુસ્સામાં ફોટોગ્રાફર્સને ખખડાવતા કહ્યું કે, બસ કરો યાર, એટલી પણ ફ્લેશ ના કરો. બાળક આંધળો થઇ જશે.
સૈફ ખખડાવી રહ્યો હતો અને તૈમૂર હંમેશાની જેમ હેલો કરી રહ્યો હતો. તાજેતરમાં સમાચાર મળ્યા હતા કે તૈમૂર જલ્દી જ બોલીવુડમાં ડેબ્યૂ કરવા જઇ રહ્યો છે. કહેવામાં આવ્યું હતું કે ગૂડ ન્યૂઝ ફિલ્મમાં તૈમૂર 10 મીનિટનો કેમિયો કરતો જોવા મળશે.