મુંબઇમાં થયેલા વિરાટ કોહલી અને અનુષ્કા શર્માની રિસેપ્શન પાર્ટી સતત ચર્ચામાં છે. આ ઇવેન્ટની ફોટોઝ અને વીડિયોઝ પણ સોશ્યલ મીડિયા પર ખૂબ જ વાયરલ અને શૅર કરવામાં આવી રહ્યા છે. આ વચ્ચે પાર્ટીમાં પહોંચેલા યુવરાજ સિંહ અને ઝહિર ખાનની વાઇફ સાગરિકા ઘાટગેની એક ફોટો સોશ્યલ મીડિયા પર ખૂબ જ વાયરલ થઇ રહી છે.
વાસ્તવમાં સાગરિકાએ પોતાના ઑફિશ્યલ ઇન્સ્ટાગ્રામ એકાઉન્ટ પર યુવરાજ સિંહ સાથે એક ફોટો શૅર કરતા લખ્યુ છે કે ''ટ્વિનિંગ વિથ યુવરાજ. મિસ યુ હેઝલ કીચ.'' આ ફોટો ઝહીર ખાને જ ક્લિક કર્યો હતો. યોગાનુયોગ બંને રિસેપ્શન પાર્ટીમાં એક જ કલરના કપડા પહેરીને આવ્યા હતા.
સાગરિકાના આ ફોટો પોસ્ટ કર્યા પછી યુવરાજની વાઇફ હેઝલ કીચે કમેન્ટ્ કરતા લખ્યુ કે ''મને એવુ લાગે છે કે મારે પણ ઝહીર ખાન સાથે મેચિંગ આઉટફિટ પહેરવુ જોઈતુ હતુ.''
તમને જણાવી દઇએ કે સાગરિકા અને ઝહિર ખાને તાજેતરમાં જ લગ્ન કર્યા છે. તેમના લગ્ન અને હનીમૂનની ચર્ચા સતત સોશ્યલ મીડિયા પર થઇ રહી છે.