હજુ કોરોના ગયો નથી ને રશિયામાં એક વ્યક્તિને બર્ડ ફ્લૂ થવાની વાતને લઈને ચિંતા સર્જાઈ છે.
કોરોનાનો ખતરો યથાવત
રશિયામાં આવ્યો બર્ડ ફ્લૂનો પહેલો કેસ
WHOને કરાયું એલર્ટ
કોરોના સંક્રમણની સામે લડી રહેલી દુનિયાની ચિંતા વધી છે. રશિયાએ શનિવારે કહ્યું કે તેના વૈજ્ઞાનિકોએ બર્ડ ફ્લૂ H5N8 સ્ટ્રેનનું માણસમાં થયેલું ટ્રાન્સમિશન શોધ્યું છે. આ પહેલી વાર છે જ્યારે બર્ડ ફ્લૂનો પહેલો સ્ટ્રેન માણસોમાં સામે આવ્યો છે. આ કેસ બાદ વિશ્વ સ્વાસ્થ્ય સંગઠનને પણ એલર્ટ કરાયું છે. રશિયાના સ્વાસ્થ્ય અધિકારીએ કહ્યું છે કે બર્ડ ફ્લૂ H5N8નું સંક્રમણ માણસ સુધી પહોંચ્યું હોવાની સૂચના વિશ્વ સ્વાસ્થ્ય સંગઠનને કરી દેવામાં આવી છે.
બર્ડ ફ્લૂનો સ્ટ્રેન ખૂબ જ સંક્રામક
કહેવાઈ રહ્યું છે કે બર્ડ ફ્લૂનો સ્ટ્રેન ખૂબ જ સંક્રામક છે અને પક્ષીઓ માટે જીવલેણ સાબિત થયો છે પણ તે પહેલાં ક્યારેય માણસોમાં ફેલાયો ન હતો. રશિયાના સ્વાસ્થ્ય વિભાગના પ્રમુખ અન્ના પોપોવાએ કહ્યું કે વૈજ્ઞાનિકોએ વેક્ટર લેબમાં એક પોલ્ટ્રી ફાર્મના 7 કર્મચારીઓને સ્ટ્રેનનો જેનેટિક મટિરિયલ આઈસોલેટ કર્યું છે. અહીં ડિસેમ્બરમાં બર્ડ ફ્લૂ ફેલાયો હતો.
દુનિયાને સંભવિત મ્યુટેશનની વિરુદ્ધમાં તૈયારીનો સમય મળ્યો
તેઓએ કહ્યું કે આનાથી કર્મચારીઓના સ્વાસ્થ્ય પર કોઈ ગંભીર પ્રભાવ જોવા મળ્યો નથી. તેમનામાં સામાન્ય લક્ષણો જોવા મળ્યા અને પછી તેઓ રીકવર થયા હતા. પોપોવાએ આ શોધને મહ્ત્વની ગણાવતા કહ્યું કે આ સમય જ બતાવશે કે શું વાયરસ મ્યુટેટ કરી શકે છે. પોપોવાએ કહ્યું આવા સમયમાં આ મ્યૂટેશનની શોધ ખાસ છે જ્યારે વાયરસમાં પણ માનવથી માનવ સંક્રમણની ક્ષમતા આવી નથી. તેનાથી આખી દુનિયાને સંભવિત મ્યુટેશનની વિરુદ્ધમાં તૈયારીનો સમય મળ્યો છે.
WHO ની વેબસાઈટના આધારે A (H5) વાયરસથી માનવ સંક્રમણ દુર્લભ હોય છે અને સાથે એ લોકોમાં તેને જોવા મળે છે જે બીમાર અને મૃત થયેલા સંક્રમિત પક્ષીઓના સંપર્કમાં રહે છે. તેનાથી માણસોમાં ગંભીર બીમારી કે મૃત્યુ થઈ શકે છે. 2014થી નવેમ્બર 2016 ની વચ્ચે એવિયન ફ્લૂ H5N6ના 16 કેસ આવ્યા હતા જેમાંથી 6ના મોત થયા હતા.