રિપોર્ટ / આગામી મહિને દુનિયાને ફરી ચોંકાવવાની તૈયારી કરી રહ્યું છે રશિયા, વિગત જાણી ચોંકી જશો

• રશિયા લોન્ચ કરી શકે બીજી વેક્સિન
• ફરી દુનિયાને ચોંકાવવાની તૈયારીમાં છે રશિયા 
• ટ્રાયલ અંતિમ તબક્કામાં 

મીડિયા અહેવાલો અનુસાર, આ કોરોના રસી મનુષ્યમાં શરૂઆતના ટેસ્ટિંગમાં એકદમ સલામત હોવાનું જાણવા મળ્યું છે. આ રસી રશિયાની પ્રથમ કોરોના રસી સ્પુટનિક વી(Sputnik V)થી અલગ છે, જે દેશ દ્વારા માન્ય અને રજીસ્ટ્રેશન કરાવી ચૂક્યું છે. 

દવાની ટ્રાયલ પૂર્ણતાને આરે 

શુક્રવારે, ગ્રાહક અધિકારના રક્ષણ અને માનવ કલ્યાણની દેખરેખ માટે રશિયાની સંઘીય સેવાએ જણાવ્યું હતું કે, બીજા કોરોના રસીની પ્રથમ માત્રા લેતા સ્વયંસેવકોમાં હાલમાં કોઈ આડઅસર જોવા મળી નથી.

ટ્રાયલ સપ્ટેમ્બર સુધીમાં પૂર્ણ થશે

એજન્સીએ જણાવ્યું હતું કે બીજી રસી એપિવાકોરોનાEpiVacCorona) માનવીય પરીક્ષણો સપ્ટેમ્બર સુધીમાં પૂર્ણ કરવામાં આવશે. હેલ્થ એજન્સી અનુસાર, બધા વોલેન્ટિયર્સ સ્વસ્થ છે. આજની તારીખમાં, 57 વોલેન્ટિયર્સને આ રસી આપવામાં આવી છે, જ્યારે 43 લોકોને પ્લેસબો આપવામાં આવ્યા છે. રશિયન સમાચાર એજન્સી ટાસના એક અહેવાલમાં, ગ્રાહક અધિકારના રક્ષણ અને માનવ કલ્યાણ પર દેખરેખ માટેની સંઘીય સેવાનો હવાલો આપવામાં આવ્યો છે કે, લોકોએ રસીકરણના 14 થી 21 દિવસની અંદર વાયરસ સામે રોગપ્રતિકારક શક્તિ વિકસાવી છે.

રશિયાએ વિશ્વની પ્રથમ કોરોના રસી બનાવી

આ મહિનાની શરૂઆતમાં, રશિયાએ તેની પ્રથમ કોરોના રસી સ્પુટનિક વી.(Sputnik V) રજિસ્ટર કરી છે. રશિયા કોવિડ -19 રસીને મંજૂરી આપનાર પ્રથમ દેશ બન્યો છે. દરમિયાન, રશિયાએ કોરોના રસીની પ્રથમ બેચ તૈયાર કરી છે. રશિયામાં, આ રસી પ્રથમ ફ્રન્ટલાઈન વર્કર્સને આપવામાં આવશે. આ અઠવાડિયે, મીડિયા રિપોર્ટ્સમાં કહેવામાં આવ્યું છે કે રશિયા તેની સ્પુટનિક વી રસીના મોટા પાયે અજમાયશની યોજના બનાવી રહ્યું છે, જેમાં 40,000 લોકો શામેલ હશે.