ભવિષ્યવાણી / પાકિસ્તાનના આ દિગ્ગજ ખેલાડીએ રોહિત-શમી માટે કહી દીધું આવું

• પાકિસ્તાનના દિગ્ગજ ખેલાડી શોએબ અખ્તરે રોહિત-શમીની કરી ભવિષ્યવાણી
• શોએબે શમીને રિવર્સ સ્વિંગને ખતરનાક હથિયારના રૂપમાં ઉપયોગ કરવાની સલાહ આપી 

અખ્તરને દુખ છે કે કોઇ પાકિસ્તાની ફાસ્ટ બોલરે એની પાસેથી સલાહ માંગી નથી જ્યારે શમી જેવા ભારતીય ફાસ્ટ બોલરને લઇને એના સંપર્કમાં છે. 

અખ્તરે એક ઇન્ટરવ્યૂમાં કહ્યું,
'રોહિત શર્મા એક બાદ એક સેન્ચ્યુરી ફટકારી રહ્યો છે અને હું કહેતો રહ્યો છું કે રોહિતને ભારતીય ટેસ્ટ ટીમમાં હોવું જોઇએ. અહીંયાથી તે મહાન ટેસ્ટ ખેલાડી બનશે. ટેસ્ટ ક્રિકેટરના રૂપમાં રોહિત ખૂબ પ્રગતિ કરશે. એની પાસે વીરેન્દ્ર સહેવાગથી પણ સારી ટેકનીક છે.'

અખ્તરે કહ્યું કે દક્ષિણ આફ્રિકાની સામે પહેલી ટેસ્ટમાં ભારતની જીત મહત્વ ભૂમિકા નિભાવનાર શમીને શોએબે રિવર્સ સ્વિંગને ખતરનાક હથિયારના રૂપમાં ઉપયોગ કરવાની સલાહ આપી હતી. શોએબે કહ્યું, 'ભારતની વર્લ્ડકપમાં નિરાશા બાજ એક દિવસ શમીએ મને ફોન કર્યો અને કહ્યું કે એ દુખી છે કે ભારત માટે સારું પ્રદર્શન કરી શક્યો નહીં. મે એને કહ્યું કે દુખી ના થઇસ અને ફિટનેસ યથાવત રાખો. ઘરેલૂ સીરિઝ આવી રહી છે અને હું કહી રહ્યો છું કે તું સારું પ્રદર્શન કરીશ.'

અખ્તરે કહ્યું, 'મે શમીને કહ્યું કે હું ઇચ્છું છું કે એ તોફાની બોલર બને જે બેટ્સમેન ક્રમનો નાશ કરી દે. એની પાસે સ્વિંગ અને સીમ છે, આ ઉપરાંત એની પાસે રિવર્સ સ્વિંગની કલા પણ છે જે ઉપમહાદ્વીપમાં ખૂબ જ ઓછા બોલર પાસે છે. મે એને કહ્યું કે એ રિવર્સ સ્વિંગનો બાદશાહ બની શકે છે.'

પાકિસ્તાન માટે 1997 થી 2007ની વચ્ચે 46 ટેસ્ટમાં 178 વિકેટ લેનાર 44 વર્ષના અખ્તરે કહ્યું, 'હવે તમે જુઓ કે એને શું કર્યું છે, એને વિશાખાપટ્ટનમમાં વિકેટ પ્રાપ્ત કરી. હું એના માટે ખૂબ ખુશ છું.    '