IPLIN
 

એ વતન... મેરે વતન / VIDEO: પાકિસ્તાન સામેની મેચમાં ઈમોશનલ થયો કેપ્ટન રોહિત, રાષ્ટ્રગાન દરમિયાનનો વીડિયો વાયરલ

Team VTV 02:34 PM, 23 Oct 22 | Updated: 02:39 PM, 23 Oct 22
Follow us
Rohit sharma got emotional during national anthem at melbourne t20 match 2022

પાકિસ્તાન વિરુદ્ધ શરૂ થયેલ ક્રિકેટ યુદ્ધ માટે ટીમ ઇન્ડિયા મેલબર્ન ફિલ્ડ પર ઊતરી. કેપ્ટન રોહિત શર્મા મેચ દરમિયાન ઇમોશનલ થઇ ગયાં જ્યારે ભારતનું રાષ્ટ્રગાન વાગી રહ્યું હતું.

  • રોહિત શર્મા મેચ દરમિયાન થયાં ભાવુક
  • રાષ્ટ્રગાન સાંભળતા થયાં ઇમોશનલ
  • વીડિયો- ફોટોઝ થયાં વાયરલ

ભારત પાકિસ્તાનની વચ્ચે ચાલતી ટી-20 વર્લ્ડકપની મેચ શરૂ થઇ ચૂકી છે. સુપર 12નાં સ્ટેજમાં બંને ટીમો એકબીજાની સામે આવી ગઇ છે પરંતુ બીજી મેચો કરતાં આ મેચ રોહિત શર્મા માટે વધુ યાદગાર રહી શકે છે કારણ કે આ મેચમાં થયેલાં રાષ્ટ્રગાન દરમિયાન કેપ્ટન ઇમોશનલ થઇ ગયાં હતા.

મેચ પહેલાં બંને દેશનાં ગવાયા રાષ્ટ્રગીત
ટી20 વર્લ્ડ કપની મેચ પહેલાં બંને ટીમો પોતાના દેશનાં રાષ્ટ્રગાન ગાઇ રહી હતી. આ સમય દરમિયાન મેલબર્નમાં 1 લાખથી પણ વધુ ક્રાઉડ સામે ખેલાડીઓ ઊભા હતાં. ભારતનું જ્યારે રાષ્ટ્રગાન શરૂ થયું ત્યારે આખું સ્ટેડિયમ પોતાના પગ પર ઊભું હતું. ટીમ ઇન્ડિયાના તમામ ખેલાડીઓ રાષ્ટ્રગાન ગાઇ રહ્યાં હતાં અને જેવું ગીત સમાપ્ત થવા આવ્યું તેવા રોહિત શર્મા ઇમોશનલ થઇ ગયાં અને પોતાને સંભાળતા કે કંટ્રોલ કરતાં નજરે ચડ્યાં. 

ફોટો થયાં વાયરલ
રોહિત શર્માની આ વીડિયો અને ફોટો સોશિયલ મીડિયામાં વાયરલ થઇ છે. તમામ લોકો રોહિતના દેશપ્રત્યેના ભાવ જોઇ સલામ કરી રહ્યાં છે અને ગર્વ અનુભવી રહ્યાં છે. વર્ષ 2007માં પણ રોહિતે ટી20 વર્લ્ડ કપમાં પાકિસ્તાન સામે ફાઇનલ મેચ રમી હતી અને હવે આશરો 15 વર્ષ બાદ રોહિત શર્મા ભારતીય ટીમની ટી20માં કેપ્ટનશીપ કરી રહ્યાં છે. 

Rohit Sharma Emotional T20 Worldcup IND vs PAK કેપ્ટન રોહિત શર્મા ભાવુક વાયરલ વીડિયો
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ