ભારતીય ટીમના કેપ્ટને એક ફેનને ગુલાબ આપીને તેને ખુશ કરી દીધો હતો. કેમેરાની સામે રોહિત શર્માએ ફેનને પ્રપોઝ કરી દીધું હતું. યૂઝર્સ રોહિત શર્માના ખૂબ જ વખાણ કરી રહ્યા છે.
ભારતીય ટીમના કેપ્ટન રોહિત શર્મા ખૂબ જ જોલી સ્વભાવના છે.
ભારતીય ટીમના કેપ્ટન રોહિત શર્માએ ફેનને કર્યું પ્રપોઝ.
એરપોર્ટ પર ફેનને આપ્યું ગુલાબ, વિડીયો વાયરલ.
ભારતીય ટીમના કેપ્ટન રોહિત શર્મા મેદાનની સાથે સાથે અને મેદાનની બહાર પણ ખૂબ જ જોલી સ્વભાવના છે. તેઓ પોતાના આ સ્વભાવને કારણે ખેલાડીઓ અને ફેન્સને પણ ખુશ કરે છે. હાલમાં જ ભારતીય ટીમના કેપ્ટને એક ફેનને ગુલાબ આપીને તેને ખુશ કરી દીધો હતો. ગુલાબ આપવાની સાથે સાથે રોહિત શર્માએ આ ફેનને કેમેરાની સામે જ પ્રપોઝ કરી દીધું હતું. રોહિત શર્માનો આ મજેદાર વિડીયો સોશિયલ મીડિયા પર ખૂબ જ વાયરલ થઈ રહ્યા છે. આ વિડીયો જોઈને યૂઝર્સ રોહિત શર્માના ખૂબ જ વખાણ કરી રહ્યા હતા.
35 વર્ષીય ક્રિકેટર રોહિત શર્મા અંગત કારણોસર મુંબઈમાં ઓસ્ટ્રેલિયા સામેની પહેલી વન ડે મેચ રમી શક્યા નહોતા. રોહિત શર્માને તેમની બહેનના લગ્નમાં શામેલ થવાનું હતું, જેથી મેચ રમી શક્યા નહોતા. વિશાખાપટ્ટનમમમાં બીજી વન ડે મેચ માટે ટીમમાં શામેલ થયા હતા. રોહિત શર્મા એરપોર્ટ પહોંચ્યા હતા અને ત્યાં એક ફેને ભારતીય ટીમનો વિડીયો બનાવ્યો હતો.
રોહિત શર્માએ આ ફેનને સરપ્રાઈઝ આપવાનો નિર્ણય કર્યો અને અચાનક ફેનને ગુલાબ ભેટમાં આપી દીધું હતું. રોહિતે આ ફેનને કહ્યું કે, ‘આ લો આ તમારા માટે છે’. રોહિત શર્માએ ફેનને ફૂલ આપતા ફેન એકદમ હેરાન થઈ ગયો હતો. રોહિત શર્માનો મૂડ ખૂબ જ સારો હતો ત્યારે રોહિત શર્માએ ફેનને કહ્યું કે, ‘શું તું મારી સાથે લગ્ન કરીશ?’ આ વિડીયોમાં રોહિત શર્મા કહી રહ્યા છે કે, ‘વિલ યુ મેરી મી?’
રોહિત શર્માના મોઢેથી આ સાંભળીને ફેન ખૂબ જ હેરાન રહી જાય છે. સોશિયલ મીડિયા પર રોહિત શર્માનો આ વિડીયો વાયરલ થઈ રહ્યો છે અને ફેન રોહિત શર્માના સ્વભાવના ખૂબ જ વખાણ કરી રહ્યા છે. રોહિત શર્માની ગેરહાજરીમાં ભારતીય ટીમે હાર્દિક પંડ્યાની કેપ્ટનશીપમાં ઓસ્ટ્રેલિયાવે 5 વિકેટથી મ્હાત આપી હતી, તો બીજી વન ડે મેચમાં ઓસ્ટ્રેલિયાએ ભારતને 10 વિકેટથી હરાવ્યું હતું. આ સીરિઝની ત્રીજી મેચ 22 માર્ચના રોજ ચેન્નઈમાં રમવામાં આવશે.