વોર / ઈરાને અમેરિકાને ફરી ડરાવ્યું , બગદાદ ખાતેના અમેરિકાના દુતાવાસ પર કર્યું એવું કે...

• ઈરાને ઈરાકના બગદાદ સ્થિત અમેરિકાના દુતાવાસ પર હુમલો કર્યો
• ઈરાન અને અમેરિકા વચ્ચે તણાવ વધી રહ્યો છે
• અમેરિકાના આ દુતાવાસ પર ઓક્ટોબરથી આજ દિન સુધી 19મી વાર હુમલો

આ હુમલો ગ્રીન ઝોનમાં થયો છે

અમેરિકા અને ઈરાનની વચ્ચે વિવાદ સમેટાયો નથી. તણાવની વચ્ચે એક વાર ફરી ઈરાકની રાજધાની બગદાદ ખાતે આવેલ અમેરિકી દુતાવાસ પર રોકેટથી હુમલો કર્યો હતો. આ વાતની ખાતરી અમેરિકાની સેના સાથે જોડાયેલા સૂત્રો દ્વારા મળી છે. જે વિસ્તારમાં રોકેટ નાંખવામાં આવ્યાં છે. ત્યાં કેટલાય એર ક્રાફ્ટ જોવા મળ્યા છે.  આ હુમલો ગ્રીન ઝોનમાં થયો છે. જ્યાં ઘણા સરકારી ભવન છે. 

40 દિવસ બાદ આ ધમકી આપી હતી

આ જગ્યાએ અનેક દેશોના દુતાવાસ પણ છે. 13 ફેબ્રુઆરીએ ઈરાને અમેરિકાને ધમકી આપી હતી કે તે અમેરિકા અને ઈઝરાઈલ જો થોડી પણ ભૂલ કરશે તો તે આ તેમના પર હુમલો કરશે. ઈરાન આ પ્રકારના હુમલા કરીને અમેરિકા પર દબાણ વધારી રહ્યું છે. ઈરાને જનરલ કાસિમ સુલેમાનીની મોતના 40 દિવસ બાદ આ ધમકી આપી હતી. 

સુલેમાનીના મોત પર  ગુસ્સો જોવા મળ્યો હતો

ઉલ્લેખનીય છે કે અમેરિકાએ 3 જાન્યુઆરી એર સ્ટ્રાઈક કરીને ઈરાનના જનરલ કાસિમ સુલેમાનીને ઠાર માર્યો હતો. જેના કારણે ઈરાન અને અમેરિકા વચ્ચે તણાવ વધ્યો હતો. ઈરાનમાં સુલેમાનીના મોત પર  ગુસ્સો જોવા મળ્યો હતો. 

તણાવની અસર સમગ્ર દુનિયા પર પડી રહી છે

ઈરાન અને અમેરિકાની વચ્ચેના તણાવની અસર સમગ્ર દુનિયા પર પડી રહી છે. દુનિયાના તમામ શક્તિશાળી દેશો ઈચ્છે છે કે બન્ને દેશો વચ્ચે સહજૂતિ થઈ જાય અને બન્ને વચ્ચે શાંતી સ્થપાય. જોકે આવું થાય એવું કાંઈ દેખાઈ નથી રહ્યું.