બેખોફ ગુનેગાર / સુરતમાં હિરાના વેપારી કંઈ સમજે તે પહેલા 8 લાખ લઈને બાઈક પર આવેલા શખ્સો ફરાર

• 8.50 લાખની ચીલઝડપનો ભેદ ઉકેલાયો
• આરોપી કિશન ઉર્ફે કાલુ રૂદાતલાની ધરપકડ 
• અન્ય બે આરોપીઓ ફરાર

સુરતના અંબાતલાવડી વિસ્તારમાંથી 8 લાખની ચીલ ઝડપ કરી ફરાર થઈ જનાર આરોપીને સુરત ક્રાઈમબ્રાંચે ઝડપી પાડ્યો છે. સુરત ક્રાઈમ બ્રાંચે CCTVના આધારે આરોપી કિશન ઉર્ફે કાલુ રૂદાતલાની ધરપકડ કરીને કાયદેસરની કાર્યવાહી હાથ ધરી છે. સાથે જ આરોપી પાસેથી પોલીસે 37 હજાર રોકડા જપ્ત કર્યા છે. જ્યારે અન્ય બે ફરાર આરોપી લખમણ મુન્નાભાઈ ભરવાડ અને મહેશ ઉર્ફે મયલો વરની શોધખોળ હાથ ધરી છે. આપને જણાવી દઈએ કે, અંબાતલાવડી વિસ્તારમાંથી હીરાના વેપારી પાસેથી 3 શખ્સો ચીલઝડપ કરીને ફરાર થઈ ગયા હતા.

બેંક-ATM પાસે લોકો પર નજર રાખી અને શિકાર બનાવે છે આરોપી

સુરતમાં છેલ્લા કેટલાક સમયથી ગંભીર ઘટનાઓ બની રહી છે તેમ પણ ખાસ કરીને સુરતમાં ગંભીર ઘટનાને લઈ પોલીસ પર સવાલો ઉભા થયા છે. ત્યારે સુરતના કતારગામ વિસ્તારમાં 25 તારીખે  હીરાના વેપારી બેંકમાંથી રોકડા 8.50 લાખ લઈને નીકળ્યા હતા. તે દરમિયાન બાઈક પર ત્રણ ઈસમો રેકી કરી રહ્યા હતા. અને શિકાર શોધી રહ્યા હતા. કતારગામ વિસ્તારમાં કોઈ ATM કે બેંકની બહાર કોઈ રૂપિયા લઈને નીકળે ત્યારે તેમનો પીછો કરી રૂપિયા ભરેલી બેગ લઈ ભાગી છૂટે છે.

તો આવી જ એક ઘટનાનો શિકાર હીરા વેપારી બન્યા હતા. જ્યારે તે બેંકમાંથી રૂપિયા લઈને નીકળ્યા તો આંબાટલાવડી વિસ્તારમાં રેકી કરતા બાઈક ચાલકો પાછળથી આવી રૂપિયા ભરેલી બેગની ચિલ ઝડપ કરી ફરાર થઈ ગયા હતા.

37 હજાર કબજે કર્યા અન્ય રૂપિયા લઈ આરોપી ફરાર

ક્રાઇમ બ્રાન્ચ દ્વારા આરોપી કિશન  ઉર્ફે કાલુ રૂદાતલાની વધુ પૂછપૂછ કરતા તેની પાસે ચિલ ઝડપના 37 હજાર રોકડા કબજે કરવામાં આવ્યા અને તેની સાથેના બે ઈસમો બાબતે પૂછતાં તે લોકો સૌરાષ્ટ્ર ભાગી ગયા હતા જેથી તેમની શોધખોળ પોલીસે શરૂ કરી છે.