નિતિન ગડકરીએ કહ્યું કે તે દિવસ દૂર નથી જ્યારે નગર પાલિકા અને મહાનગર પાલિકાના વેસ્ટ વોટરનો ઉપયોગ ગ્રીન હાઈડ્રોજન બનાવવા માટે થશે.
નીતિન ગડકરીનો મહત્વપૂર્ણ નિર્ણય
ફ્લેક્સ-ફ્યુલ એન્જિન લાવવાનો આદેશ
એકથી વધારે ઈંધણોનો થઈ શકશે ઉપયોગ
કેન્દ્રીય માર્ગ પરિવહન મંત્રી નીતિન ગડકરીએ જણાવ્યું હતું કે આવનાર 2-3 દિવસમાં કાર કંપનીઓ માટે જરૂરી રૂપથી ફ્લેક્સ-ફ્યુલ એન્જિન લાવવાનો આદેશ જાહેર કરવામાં આવશે. તેમણે જણાવ્યું કે જે પ્રકારે બ્રાઝીલ, અમેરિકા અને કેનેડામાં ફ્લેક્સ એન્જિન દ્વારા કાર 100 ટકા બાયો ઈથેનોલ પર ચાલશે જે આપણા ખેડૂતોએ તૈયાર કરી છે. તેમણે કહ્યું કે ખાસ વાત એ છે કે આ એક ગ્રીન ફ્યૂલ છે જેમાં જરા પણ પ્રદૂષણ નહીં રહે.
એકથી વધારે ઈંધણોનો થઈ શકે છે ઉપયોગ
તમારી જાણકારી માટે જણાવી દઈએ કે ફ્લેક્સ-ઈંધણ એન્જિનમાં એકથી વધારે ઈંધણોનો ઉપયોગ કરી શકાય છે. કેન્દ્રીય મંત્રી ગડકરીએ ભારતીય વૈજ્ઞાનિકોના વખાણ કરતા કહ્યું કે 15થી 20 દિવસ બાદ મારી પાસે એક ખાસ પ્રકારની ગાડી હશે. જે ગ્રીન હાઈડ્રોજન એટલે કે પાણીથી હાઈડ્રોજન અને ઓક્સીજને અલગ કરીને ચાલશે. તેમણે કહ્યું કે આવી ગાડીઓ ચાલી શકે છે લોકોને વિશ્વાસ જ નથી થઈ રહ્યો.
#WATCH | I am going to sign a file in the next 2-3 days, in which carmakers will be asked to make engines that can run on 100% bio-ethanol: Road Transport and Highways Minister Nitin Gadkari (29.11) pic.twitter.com/e4B0wZhfw0
ગડકરીએ જણાવ્યું કે એમુક દિવસો બાદ જ્યારે હું તે ગાડી લઈને રસ્તાઓ પર નિકળીશ તો લોકોને વિશ્વાસ આવશે. તેમણે જણાવ્યું કે તે દિવસ દૂર નથી જ્યારે નગર પાલિકા અને મહાનગર પાલિકાના વેસ્ટ વોટરનો ઉપોગ ગ્રીન હાઈડ્રોજન બનાવવા માટે થશે અને દેશના રસ્તાઓ પર આવા ઈંધણથી ચાલતી કારો, બાઈકો અને ટ્રક દોડશે.
ગડકરીએ એક કાર્યક્રમને સંબોધિત કરતા કહ્યું કે ભારત દર વર્ષે આઠ લાખ કરોડ રૂપિયાના પેટ્રોલિયમ ઉત્પાદનોની આયાત કરે છે. જો ભારતની પેટ્રોલિયમ ઉત્પાદનો પર નિર્ભરતા બની રહેશે તો આવનાર પાંચ વર્ષમાં આયાત બિલ વધીને 25 લાખ કરોડ રૂપિયા પર પહોંચી જશે.
તેમણે જણાવ્યું કે, "પેટ્રોલિયમ આયાતને ઓછી કરવા માટે આવનાર બે-ત્રણ દિવસમાં એક આદેશ પર હસ્તાક્ષર કરવા જઈ રહ્યો છે. તે હેઠળ કાર વિનિર્માતાઓ માટે ફ્લેક્સ-ઈંધણ એન્જિન લાવવું જરૂરી છે. " ગડકરીએ જણાવ્યું કે ટોયોટા મોટર કોર્પોરેશન, સુઝુકી અને હુન્ડાઈ મોટર ઈન્ડિયાના મુખ્ય અધિકારીઓએ પોતાના વાહનોમાં ફ્લેક્સ-ઈંધણ લોન્ચ કરવાનું આશ્વાસન આપ્યું છે.